ປະທານາທິບໍດີສະຫະລັດ ທ່ານບາຣັກ ໂອບາມາ ກ່າວວ່າ ການດຳເນີນຄວາມພະຍາຍາມ
ເພື່ອຄວບຄຸມໄຟປ່າໃນເຂດໜ້າຜາ Waldo Canyon ຢູ່ລັດໂຄໂລຣາໂດນັ້ນໄດ້ຍັງຜົນໃຫ້
ມີການປະສານງານກັນແບບທີ່ບໍ່ເຄີຍມີມາກ່ອນລະຫວ່າງ ພວກເຈົ້າໜ້າທີ່ລັດຖະບານກາງ
ເຈົ້າໜ້າທີ່ລັດ ແລະປະຊາຄົມໃນເຂດທ້ອງຖິ່ນ.
ປະທານາທິບໍດີໂອບາມາກ່າວໃນຄຳປາໄສປະຈຳສັບປະດາຂອງທ່ານໃນວັນເສົາມື້ນີ້ວ່າທ່ານ
ຈະສືບຕໍ່ດຳເນີນການເພື່ອໃຫ້ເປັນທີ່ແນ່ນອນວ່າ ທຸກໆຊັບພະກອນຂອງລັດຖະບານກາງ
ທີ່ມີຢູ່ ແມ່ນຈະຖືກນຳມາໃຊ້ໃນການດັບໄຟປ່ານີ້.
ປະທານາທິບໍດີໂອບາມາໄດ້ກ່າວຂອບອົກຂອບໃຈພວກດັບໄຟ ກ່ຽວກັບຄວາມກ້າຫານ
ແລະຄວາມມີລະບຽບຂອງພວກເຂົາເຈົ້າ.
ໃນຄຳປາໄສຕອບ ຂອງພັກຣີພັບບລີກັນ ປະຈຳສັບປະດານັ້ນ ສະມາຊິກສະພາສູງ John
Barrasso ຈາກລັດ Wyoming ກ່າວວ່າ ແຜນປະກັນໄພສຸຂະພາບຂອງປະທານາທິບໍດີ
ໂອບາມາ ຈະບໍ່ເຮັດໃຫ້ຄ່າປິ່ນປົວພະຍາບານໃນສະຫະລັດ ຖືກລົງແຕ່ປະການໃດ.
ສະມາຊິກສະພາສູງ Barrasso ທີ່ເປັນທ່ານໝໍນັ້ນ ກ່າວໃນວັນເສົາມື້ນີ້ວ່າ ກົດໝາຍປະ
ກັນໄພສຸຂະພາບໃໝ່ ກໍເທົ່າກັບເປັນການເກັບພາສີໃໝ່ ຊຶ່ງຈະຊຸກຍູ້ໃຫ້ພະແນກເກັບພາ
ສີຂອງສະຫະລັດຈ້າງເຈົ້າໜ້າທີ່ຕື່ມອີກເພື່ອໃຫ້ເປັນທີ່ແນ່ໃຈວ່າຊາວອາເມຣິກັນໄດ້ພາກັນ
ຊື້ປະກັນໄພສຸຂະພາບ. ທ່ານເວົ້າວ່າ ກົດໝາຍໃໝ່ສະບັບນີ້ບໍ່ໄດ້ແກ້ໄຂບັນຫາການຂາດ
ແຄນນາງພະຍາບານແລະທ່ານໝໍແຕ່ປະການໃດເລີຍ.