ປະທານາທິບໍດີສະຫະລັດ ທ່ານບາຣັກ ໂອບາມາ ຮຽກຮ້ອງໃຫ້ບັນດາສະມາຊິກລັດຖະ
ສະພາຍຸຕິສະພາບການບໍ່ໄປບໍ່ມາ ແລະຮັບຜ່ານລະບຽບການທີ່ຈະກຳຈັດອິດທິພົນຂອງ
ເງິນຢູ່ໃນການເມືອງຂອງສະຫະລັດ.
ໃນຄຳປາໄສປະຈຳສັບປະດາຂອງທ່ານ ໃນວັນເສົາມື້ນີ້ ທ່ານໂອບາມາກ່າວວ່າ ທ່ານໄດ້
ຕົກເປັນເປົ້າໃນການໃນການໃຊ້ວິທີຂັດຂວາງໂດຍສະມາຊິກລັດຖະສະພາ ກ່ຽວກັບການ
ແຕ່ງຕັ້ງຜູ້ພິພາກສາ ແລະຂ້າລັດຖະການພົນລະເຮືອນເຂົ້າກຳຕຳແໜ່ງຕ່າງໆ. ທ່ານເວົ້າ
ວ່າ ປະຊາຊົນອະເມຣິກັນສົມຄວນຈະໄດ້ຮັບ ໃນສິ່ງທີ່ດີໄປກວ່າ ສະພາບການບໍ່ໄປບໍ່ມາ
ແລະເກມການເມືອງ ແລະທ່ານໄດ້ຮຽກຮ້ອງໃຫ້ລັດຖະສະພາສະຫະລັດຮັບຜ່ານລະບຽບ
ການທີ່ມອບໝາຍໃຫ້ມີການລົງຄະແນນກ່ຽວກັບຜູ້ທີ່ຖືກແຕ່ງຕັ້ງທຸກໆທ່ານພາຍໃນເວລາ
90 ມື້.
ນອກນັ້ນທ່ານໂອບາມາ ຍັງໄດ້ຮຽກຮ້ອງໃຫ້ມີການອອກກົດໝາຍ ຫ້າມບໍ່ໃຫ້ພວກເຈົ້າ
ໜ້າທີ່ໄດ້ຮັບເລືອກ ຊື້ຮຸ້ນໃນອຸສາຫະກຳທີ່ພວກທ່ານຮັບຜິດຊອບ. ທ່ານເວົ້າວ່າ ນອກ
ນັ້ນກົດໝາຍດັ່ງກ່າວ ຍັງຈະຕ້ອງຫ້າມບໍ່ໃຫ້ພວກທີ່ໃຫ້ເງິນສະໜັບສະໜຸນ ໃນການໂຄ
ສະນາຫາສຽງສະມາຊິກສະພາຈາກການວິ່ງເຕັ້ນ ໃຫ້ສະມາຊິກສະພາອອກກົດໝາຍໃດ
ນຶ່ງ.
ຄຳປາໄສປະຈຳສັບປະດາ ຂອງປະທານາທິບໍດີ ໂອບາມາ
ປະທານາທິບໍດີໂອບາມາກ່າວວ່າ ມັນເຖິງເວລາແລ້ວທີ່ພວກຜູ້ນຳໃນວໍຊິງຕັນຈະເລີ່ມແກ້ໄຂ
ບັນຫາຕ່າງໆທີ່ມີຄວາມສຳຄັນເຊັ່ນການປັບປຸງດ້ານເສດຖະກິດ.
ໃນຄຳປາໄສຕອບຂອງພັກຣີພັບບລີກັນນັ້ນ ສະມາຊິກສະພາສູງ Marco Ru-bio ຈາກລັດ
ຟລໍຣິດາກ່າວວ່າມີຄວາມຫຼຸດໂຕນຫຼາຍຂຶ້ນລະຫວ່າງພວກຄົນຮັ່ງແລະພວກຄົນທຸກແລະທ່ານ
ໄດ້ຖິ້ມໂທດກ່ຽວກັບເລື່ອງນີ້ ໃສ່ປະທານາທິບໍດີສະຫະລັດ.
ທ່ານເວົ້າວ່າ ປະທານາທິບໍດີໂອບາມາ ແມ່ນດຳເນີນນະໂຍບາຍການເມືອງແບບ ແບ່ງແຍກ
ໂດຍມີເນື້ອໄນວ່າມີຊ່ອງທາງດຽວທໍ່ນັ້ນສຳລັບຜູ້ຄົນທີ່ຈະປີນຂັ້ນໃດເສດຖະກິດຂຶ້ນໄປໄດ້ນັ້ນ
ກໍຄືຕ້ອງໄດ້ດຶງຜູ້ອື່ນລົງ. ທ່ານເວົ້າວ່າຊ່ອງທາງທີ່ດີທີ່ສຸດທີ່ຈະປັບປຸງເສດຖະກິດກໍຄືອ້າແຂນ
ຮັບເອົາລະບົບວິສາຫະກິດເສລີຂອງອະເມຣິກັນ.
ຄຳປາໄສປະຈຳສັບປະດາ ຂອງພັກຣີພັບບລີກັນ
