ປະທານາທິບໍດີສະຫະລັດທ່ານບາຣັກ ໂອບາມາ ກ່າວວ່າ ການຫັນປ່ຽນໃນພາກສ່ວນການ
ຜະລິດຂອງອາເມຣິກັນ ເຮັດໃຫ້ຜູ້ຄົນຈຳນວນນຶ່ງສູນເສຍວຽກການຂອງພວກເຂົາເຈົ້າ ແຕ່
ທ່ານເວົ້າວ່າ ຊາວອາເມຣິກັນຈະບໍ່ຍອມຮັບເອົາອະນາຄົດທີ່ຫຼຸດເກົ່າຫຼືຖອຍຫຼັງ.
ປະທານາທິບໍດີໂອບາມາກ່າວວ່າ ລັດຖະສະພາຄວນປະຕິຮູບລະບົບເສຍພາສີໃໝ່ແລະໃຫ້
ບຳເໜັດລາງວັນແກ່ບັນດາບໍລິສັດຜູ້ຜະລິດທີ່ຮັກສາວຽກເຮັດງານໄວ້ຢູ່ໃນສະຫະລັດ.
ໃນລະຫວ່າງການກ່າວຄຳປາໄສປະຈຳສັບປະດາໃນວັນເສົາມື້ນີ້ ຈາກໂຮງງານຜະລິດເຮືອ
ບິນໂບອິ້ງທີ່ນະຄອນ Seattle ໃນລັດວໍຊິງຕັນ ທ່ານໂອບາມາໄດ້ກ່າວຊົມເຊີຍບໍລິສັດໂບ
ອິ້ງທີ່ໄດ້ວ່າຈ້າງພວກຄົນງານຢູ່ໃນສະຫະລັດ.
ນອກນັ້ນແລ້ວ ທ່ານຍັງເວົ້າວ່າ ການຜ່ອນຜັນຢ່າງໃຫຍ່ທາງດ້ານພາສີ ຄວນຈະມີໄວ້ສຳ
ຫຼັບບັນດາບໍລິສັດທີ່ສ້າງວຽກເຮັດງານທຳດ້ານການຜະລິດຮາຍເທັກ.
ປະທານາທິບໍດີໂອບາມາເວົ້າວ່າ ການເສີມຂະຫຍາຍການສົ່ງອອກຍັງຈະຊ່ອຍສ້າງໃຫ້ມີ
ການວຽກເຮັດງານທຳເພີ່ມຕື່ມຢູ່ໃນສະຫະລັດ.
ໃນຄຳປາໄສຕອບປະຈຳສັບປະດາຂອງພັກຣີພັບບລີກັນນັ້ນສະມາຊິກສະພາຕໍ່າ Cathy
McMorris Rodgers ຈາກລັດວໍຊິງຕັນໄດ້ກ່າວຫາການໃຊ້ຈ່າຍເກີນຂອບເຂດຂອງປະ
ທານາທິບໍດີໂອບາມາວ່າຈະນຳພາປະເທດໄປສູ່ໄພພິບັດທາງດ້ານການເງິນແຂ່ງກັບກຣີສ
ທີ່ເຕັມໄປດ້ວຍໜີ້ສິນນັ້ນ.
ທ່ານນາງກ່າວວ່າ ປະທານາທິບໍດີບໍ່ໄດ້ເອົາຄວາມຮັບຜິດຊອບໃນການເລືອກທີ່ຍຸ່ງຍາກ
ສັບສົນ ເພື່ອຫຼຸດໜີ້ສິນແລະເສີມຂະຫຍາຍເສດຖະກິດຂອງປະເທດ.
