ປະທານາທິບໍດີສະຫະລັດທ່ານບາຣັກ ໂອບາມາ ຮຽກຮ້ອງໃຫ້ລັດຖະສະພາສະຫະລັດໃຫ້
ການອະນຸມັດໂດຍໄວ ກ່ຽວກັບການຕໍ່ອາຍຸການຕັດພາສີເງິນເດືອນແກ່ພວກຄົນງານທີ່ເປັນ
ຊົນຊັ້ນກາງ ເພື່ອຫຼີກລ້ຽງບໍ່ໃຫ້ມີການຂຶ້ນພາສີ ໃນທ້າຍເດືອນນີ້.
ໃນລະຫວ່າງການກ່າວຄຳປາໄສປະຈຳສັບປະດາຂອງທ່ານ ໃນວັນເສົາມື້ນີ້ ປະທານາທິບໍດີ
ໂອບາມາ ໄດ້ຊຸກຍູ້ໃຫ້ປະຊາຊົນຊາວອາເມຣິກັນ ຕິດຕໍ່ໄປຫາພວກຜູ້ແທນເຂົາເຈົ້າເພື່ອໃຫ້
ການສະໜັບສະໜຸນຕໍ່ການຕັດພາສີ ໃຫ້ແກ່ຊາວອາເມຣິກັນ 160 ລ້ານຄົນນັ້ນ.
ເບິ່ງຄຳປາໄສປະຈຳສັບປະດາ ຂອງປະທານາທິບໍດີບາຣັກ ໂອບາມາ
ປະທານາທິບໍດີໂອບາມາກ່າວວ່າຄອບຄົວທີ່ມີລາຍໄດ້ 50,000 ໂດລາອາດປະຢັດຫຼືທ້ອນ
ເງິນໄດ້ 1,000 ໂດລາຕໍ່ປີ ຈາກການຕໍ່ອາຍຸການຕັດພາສີດັ່ງກ່າວ. ປະທານາທິບໍດີໂອບາ
ມາກ່າວຕື່ມວ່າ ການປ່ອຍໃຫ້ມີການຂຶ້ນພາສີນັ້ນອາດຈະເປັນການທຳລາຍໂຕເອງໃນການ
ຟື້ນໂຕຄືນຂອງເສດຖະກິດ.
ໃນຄຳປາໄສຕອບຂອງພັກຣີພັບບລີກັນ ຜູ້ປົກຄອງລັດເວີຈີເນຍ ທ່ານ Bob McDonnell
ເວົ້າວ່າທ່ານຄາດວ່າຮ່າງງົບປະມານຂອງປະທານາທິບໍດີໂອບາມາທີ່ຖືກສົ່ງໄປໃຫ້ລັດຖະສະ
ພາໃນມື້ວັນຈັນຈະມີການຂຶ້ນພາສີຮວມຢູ່ນຳຊຶ່ງຈະສ້າງຄວາມເສຍຫາຍໃຫ້ແກ່ການສ້າງວຽກ
ເຮັດງານທຳ. ນອກນັ້ນທ່ານ McDonnell ຍັງໄດ້ກ່າວຊົມເຊີຍຕໍ່ອັນທີ່ທ່ານເອີ້ນວ່າ ຄວາມ
ສຳເລັດຂອງພວກຜູ້ປົກຄອງລັດພັກຣີພັບບລີກັນໃນການຫຼຸດພາສີ ແລະສ້າງບັນຍາກາດເພື່ອ
ຊ່ອຍທຸລະກິດສ້າງວຽກການເຮັດນັ້ນ.
ເບິ່ງຄຳປາໄສປະຈຳສັບປະດາ ຂອງພັກຣີພັບບລີກັນ
