ລິ້ງ ສຳຫລັບເຂົ້າຫາ

site logo
ວັນອາທິດ, 29 ພຶດສະພາ 2022

ທ່ານໂອບາມາ ຮຽກຮ້ອງໃຫ້ ລັດຖະສະພາ ອະນຸມັດ ການແຕ່ງຕັ້ງຂອງທ່ານ (ເບິ່ງວີດີໂອ)


ທ່ານໂອບາມາ ຮຽກຮ້ອງໃຫ້ ລັດຖະສະພາ ອະນຸມັດ ການແຕ່ງຕັ້ງຂອງທ່ານ (ເບິ່ງວີດີໂອ)

ປະທານາທິບໍດີສະຫະລັດ ທ່ານບາຣັກໂອບາມາ ພວມກົດດັນໃຫ້ສະມາຊິກລັດຖະສະພາ
ຂອງພັກຣີພັບບລີກັນ ໃຫ້ການອະນຸມັດ ຕໍ່ການແຕ່ງຕັ້ງຂອງທ່ານ ໃຫ້ທ່ານ Richard
Cordray ເປັນຫົວໜ້າອົງການຄຸ້ມຄອງຜູ້ບໍລິໂພກ ຊຶ່ງເປັນອົງການທີ່ບໍ່ເຄີຍມີມາກ່ອນ.

ໃນລະຫວ່າງຄຳປາໄສປະຈຳສັບປະດາຂອງທ່ານໃນວັນເສົາມື້ນີ້ ທ່ານໂອບາມາຮຽກຮ້ອງໃຫ້
ສະມາຊິກລັດຖະສະພາໃຫ້ການຄຸ້ມຄອງທີ່ຈຳເປັນຕໍ່ຊາວອະເມຣິກັນເພື່ອປ້ອງກັນຕໍ່ການຖືກ ເອົາລັດເອົາປຽບຈາກພວກໃຫ້ເງິນກູ້ຢືມຊື້ເຮືອນ ພວກໃຫ້ເງິນກູ້ຢືມດອກເບ້ຍສູງ ແລະພວກ
ເກັບໜີ້. ປະທານາທິບໍດີເວົ້າວ່າ ພວກທີ່ເຮັດວຽກຫຼາຍໆຄົນ ຢູ່ຕະຫຼາດຄ້າຂາຍຮຸ້ນ ແມ່ນມີ
ລາຍໄດ້ສູງໆໂດຍເອົາລັດປຽບຜູ້ບໍລິໂພກ.

ທ່ານໄດ້ຮ້ອງຂໍໃຫ້ສະມາຊິກລັດຖະສະພາໃຫ້ໂອກາດແກ່ອົງການຄຸ້ມຄອງທີ່ທ່ານເວົ້າວ່າຈະ
ປົກປ້ອງຊາວອະເມຣິກັນຈາກການກະທຳທີ່ບໍ່ເປັນທຳນັ້ນ.

ນອກນັ້ນປະທານາທິບໍດີໂອບາມາຍັງໄດ້ຮຽກຮ້ອງໃຫ້ລັດຖະສະພາຕໍ່ອາຍຸການຕັດພາສີເງິນ
ເດືອນຊຶ່ງມີກຳນົດຈະໝົດອາຍຸລົງໃນທ້າຍເດືອນນີ້.

ໃນການກ່າວຄຳປາໄສຕອບຂອງພັກຣີພັບບລີກັນປະຈຳສັບປະດານັ້ນ ປະທານສະພາຕໍ່າສະ
ຫະລັດ ທ່ານ John Boehner ໄດ້ຊຸກຍູ້ແຜນການເສດຖະກິດພັກຂອງທ່ານຊຶ່ງຈະມີການ
ລົງຄະແນນສຽງໃນອາທິດໜ້າໂດຍເວົ້າວ່າ ການຕໍ່ອາຍຸການຕັດພາສີເງິນເດືອນແມ່ນຈະກ່ຽວ
ພັນກັບຂໍ້ກຳນົດໃນການເລີ່ມດຳເນີນງານຄືນໃໝ່ຂອງໂຄງການສ້າງທໍ່ສົ່ງແຕ່ຄານາດາຫາລັດ
ເທັກຊັສ.

ປະທານທິບໍດີໂອບາມາຕ້ອງການທີ່ຈະເລື່ອນເວລາກ່ຽວກັບການຕັດສິນໃຈໃນໂຄງການສ້າງທໍ່
ສົ່ງ Keystone XL ໄປໃສ່ຫຼັງການເລືອກຕັ້ງໃນປີ 2012.

XS
SM
MD
LG