ປະທານາທິບໍດີສະຫະລັດ ທ່ານ Barrack Obama ແລະຄູ່
ຕໍາແໜ່ງ ທ່ານ Shinzo Abe ນາຍົກລັດຖະມົນຕີຍີ່ປຸ່ນ ໄດ້ຮື້
ຟື້ນຄວາມໝາຍໝັ້ນຂອງພວກທ່ານຄືນໃໝ່ ຕໍ່ຄວາມໝັ້ນຄົງ
ແລະການສົນທະນາກັນໃນເຂດທະເລຈີນຕາເວັນອອກບ່ອນ
ທີ່ກຸງໂຕກຽວ ແລະກຸງປັກກິ່ງ ກໍາລັງພົວພັນ ໃນການຜິດຖຽງ
ກັນຢ່າງເຜັດຮ້ອນ ເລື້ອງເຂດນໍ້າແດນດິນໃນຂົງເຂດດັ່ງກ່າວ.
ທໍານຽບຂາວກ່າວໃນຄໍາຖະແຫຼງສະບັບນຶ່ງວ່າ ທັງສອງຜູ້ນໍາໄດ້ປຶກສາຫາລືກັນ ກ່ຽວກັບບັນຫາດັ່ງກ່າວທາງໂທລະສັບໃນວັນພຸດວານນີ້ ຊຶ່ງມີຂຶ້ນບໍ່ເທົ່າໃດມື້ ຫຼັງຈາກທີ່ທ່ານ Obama ໄດ້ຍົກບັນຫານີ້ ຂຶ້ນມາໃນກອງປະຊຸມສຸດຍອດຢູ່ລັດຄາລີຟໍເນຍ ກັບປະທານປະເທດຈີນ ທ່ານ Xi Jinping.
ຈີນແລະຍີ່ປຸ່ນ ໄດ້ພົວພັນໃນການຜິດຖຽງກັນທີ່ຍາວນານ ກ່ຽວກັບໝູ່ເກາະທີ່ບໍ່ມີຄົນຢູ່ອາໄສ ທີ່ຍີ່ປຸ່ນເອີ້ນວ່າ Senkaku ແລະຈີນເອີ້ນວ່າ Diaoyu ນັ້ນ. ການຜິດຖຽງກັນກ່ຽວກັບເລື້ອງນີ້ ໄດ້ຮ້າຍແຮງຂຶ້ນໃນປີຜ່ານມາ ເມື່ອທັງສອງຝ່າຍຕ່າງກໍໄດ້ ສົ່ງທັງເຮືອບິນແລະ ກໍາປັ່ນຂອງຕົນ ເຂົ້າໄປລາດຕະເວນຢູ່ໃນເຂດ ທີ່ອຸດົມສົມບູນໄປດ້ວຍພະລັງງານ ແລະສໍາຄັນທາງຍຸດທະສາດນັ້ນ.
ໃນທາງການແລ້ວ ກຸງວໍຊິງຕັນນັ້ນຍັງບໍ່ໄດ້ເອົາທ່າທີເຂົ້າຂ້າງຝ່າຍໃດ ກ່ຽວກັບກໍາມະສິດໃນໝູ່ເກາະດັ່ງກ່າວ ທີ່ຢູ່ໃຕ້ການຄວບຄຸມຂອງໂຕກຽວ ແຕ່ທາງເຈົ້າໜ້າທີ່ສະຫະລັດໄດ້ກ່າວເມື່ອໄວໆມານີ້ວ່າ ການຜິດຖຽງກັນກ່ຽວກັບເລື່ອງເຂດນໍ້າແດນດິນນີ້ ຈະຕົກຢູ່ພາຍໃຕ້ສົນທິສັນຍາຮ່ວມປ້ອງກັນ ກັບຍີ່ປຸ່ນ.
ຕໍາແໜ່ງ ທ່ານ Shinzo Abe ນາຍົກລັດຖະມົນຕີຍີ່ປຸ່ນ ໄດ້ຮື້
ຟື້ນຄວາມໝາຍໝັ້ນຂອງພວກທ່ານຄືນໃໝ່ ຕໍ່ຄວາມໝັ້ນຄົງ
ແລະການສົນທະນາກັນໃນເຂດທະເລຈີນຕາເວັນອອກບ່ອນ
ທີ່ກຸງໂຕກຽວ ແລະກຸງປັກກິ່ງ ກໍາລັງພົວພັນ ໃນການຜິດຖຽງ
ກັນຢ່າງເຜັດຮ້ອນ ເລື້ອງເຂດນໍ້າແດນດິນໃນຂົງເຂດດັ່ງກ່າວ.
ທໍານຽບຂາວກ່າວໃນຄໍາຖະແຫຼງສະບັບນຶ່ງວ່າ ທັງສອງຜູ້ນໍາໄດ້ປຶກສາຫາລືກັນ ກ່ຽວກັບບັນຫາດັ່ງກ່າວທາງໂທລະສັບໃນວັນພຸດວານນີ້ ຊຶ່ງມີຂຶ້ນບໍ່ເທົ່າໃດມື້ ຫຼັງຈາກທີ່ທ່ານ Obama ໄດ້ຍົກບັນຫານີ້ ຂຶ້ນມາໃນກອງປະຊຸມສຸດຍອດຢູ່ລັດຄາລີຟໍເນຍ ກັບປະທານປະເທດຈີນ ທ່ານ Xi Jinping.
ຈີນແລະຍີ່ປຸ່ນ ໄດ້ພົວພັນໃນການຜິດຖຽງກັນທີ່ຍາວນານ ກ່ຽວກັບໝູ່ເກາະທີ່ບໍ່ມີຄົນຢູ່ອາໄສ ທີ່ຍີ່ປຸ່ນເອີ້ນວ່າ Senkaku ແລະຈີນເອີ້ນວ່າ Diaoyu ນັ້ນ. ການຜິດຖຽງກັນກ່ຽວກັບເລື້ອງນີ້ ໄດ້ຮ້າຍແຮງຂຶ້ນໃນປີຜ່ານມາ ເມື່ອທັງສອງຝ່າຍຕ່າງກໍໄດ້ ສົ່ງທັງເຮືອບິນແລະ ກໍາປັ່ນຂອງຕົນ ເຂົ້າໄປລາດຕະເວນຢູ່ໃນເຂດ ທີ່ອຸດົມສົມບູນໄປດ້ວຍພະລັງງານ ແລະສໍາຄັນທາງຍຸດທະສາດນັ້ນ.
ໃນທາງການແລ້ວ ກຸງວໍຊິງຕັນນັ້ນຍັງບໍ່ໄດ້ເອົາທ່າທີເຂົ້າຂ້າງຝ່າຍໃດ ກ່ຽວກັບກໍາມະສິດໃນໝູ່ເກາະດັ່ງກ່າວ ທີ່ຢູ່ໃຕ້ການຄວບຄຸມຂອງໂຕກຽວ ແຕ່ທາງເຈົ້າໜ້າທີ່ສະຫະລັດໄດ້ກ່າວເມື່ອໄວໆມານີ້ວ່າ ການຜິດຖຽງກັນກ່ຽວກັບເລື່ອງເຂດນໍ້າແດນດິນນີ້ ຈະຕົກຢູ່ພາຍໃຕ້ສົນທິສັນຍາຮ່ວມປ້ອງກັນ ກັບຍີ່ປຸ່ນ.