ພວກເຈົ້າໜ້າທີ່ສະຫະລັດກໍາລັງພາກັນສິ້ງຊອມເບິ່ງ
ສະພາບການປ່ຽນແປງໃດໆ ຢູ່ບໍລິເວນອ້ອມແອ້ມ
ພູໄພ Merapi ຂອງອິນໂດເນເຊຍ ລ່ວງໜ້າກໍານົດ
ການຢ້ຽມຢາມຂອງປະທານາທິບໍດີສະຫະລັດ ທ່ານ
ບາຣັກ ໂອບາມາ.
ຂີ້ເຖົ່າທີ່ພົ່ນອອກຈາກພູໄພລູກດັ່ງກ່າວ ທີ່ຢູ່ໃກ້ເມືອງ
Yogykarta ໃນພາກກາງຂອງເກາະຈາວາ ໄດ້ປິວ
ກະຈາຍຂຶ້ນໄປເທິງອາກາດ ສົ່ງຜົນເຮັດໃຫ້ຫລາຍໆ
ສາຍການບິນ ຕ້ອງຍົກເລີກຖ້ຽວບິນຂອງພວກຕົນ
ທີ່ບິນອອກຈາກ ແລະບິນມາຍັງສະໜາມບິນໃຫຍ່ຂອງເມືອງນັ້ນ.
ພວກເຈົ້າໜ້າທີ່ສະຫະລັດກ່າວໃນວັນອາທິດມື້ນີ້ວ່າ ເວລານີ້ຍັງບໍ່ມີ ແຜນການທີ່ຈະປ່ຽນ ກໍານົດການຢ້ຽມຢາມຂອງປະທານາທິບໍດີໂອບາມາເທື່ອ ຊຶ່ງຈະເລີ່ມຕົ້ນໃນວັນອັງຄານ ອາ ທິດນີ້.
ກ່ອນໜ້ານີ້ ທ່ານໂອບາມາ ໄດ້ລົບລ້າງແຜນການໄປຢ້ຽມຢາມອິນໂດ ເນເຊຍສອງເທື່ອ ແລ້ວ. ອິນໂດເນເຊຍເປັນປະເທດທີ່ທ່ານໂອບາມາ ເຄີຍໄດ້ຢູ່ອາໃສຕອນທ່ານເປັນເດັກ ນ້ອຍ. ແຜນການເດີນທາງໄປຢ້ຽມຢາມໄດ້ຖືກໂຈ໊ະມາຄັ້ງນຶ່ງ ຍ້ອນບັນຫາເລື້ອງກົດໝາຍ ຮັກສາສຸຂະພາບທີ່ຮີບດ່ວນ ແລະການລົບລ້າງເທື່ອທີ່ສອງແມ່ນມີສາເຫດມາຈາກວິກິດ ການນໍ້າມັນຮົ່ວໄຫລທີ່ອ່າວແມ໊ກຊິໂກ.
ໃນການເຄື່ອນໄຫວອັນນຶ່ງໃນວັນອາທິດມື້ນີ້ ປະຊາຊົນສອງສາມຮ້ອຍຄົນ ໄດ້ພາກັນໂຮມ
ຊຸມນຸມປະທ້ວງ ຢູ່ນອກສະຖານທູດສະຫະລັດ ໃນນະຄອນຫລວງຈາກາຕ້າ.
ພວກປະທ້ວງດັ່ງກ່າວ ແມ່ນເປັນສະມາຊິກຢູ່ໃນກຸ່ມຊາວມຸສລິມ ທີ່ຍຶດໝັ້ນໃນຫລັກການ
ດັ້ງເດີມຂອງສາສະໜາອິສລາມ ໃນອິນໂດເນເຊຍທີ່ເວົ້າວ່າ ພວກເຂົາເຈົ້າຄັດຄ້ານນະໂຍ
ບາຍຕ່າງປະເທດຂອງປະທານາທິບໍດີ ໂອບາມາ ໃນຕາເວັນອອກກາງ ແລະແຫ່ງ ອື່ນໆ
ໃນໂລກມູສລິມນັັ້ນ.
