ລິ້ງ ສຳຫລັບເຂົ້າຫາ

ອົງການ OAS ແລະ ສະພາຢູໂຣບ ຫາລື ສະຖານະການ ໃນ ເວເນຊູເອລາ


ພວກເດີນຂະບວນ ໂຮມຊຸມນຸມກັນ ຢູ່ຕໍ່ໜ້າອົງການ OAS ທີ່ນະຄອນວໍຊິງຕັນ. (31 ພຶດສະພາ 2017)​

ລັດຖະມົນຕີ​ການ​ຕ່າງປະ​ເທດຂອງ​ອົງການບັນດາ​ປະ​ເທດ​ ໃນທະວີບອາ​ເມຣິກາ ຫລື
OAS ຈັດ​ປະຊຸມ​ນັດ​ພິ​ເສດໃນ​ວັນ​ພຸດ​ວານ​ນີ້ເພື່ອ​ຫາລື​ກ່ຽວ​ກັບ​ວິ​ກິດ​ການ​ໃນ​ປະເທດ
​ເວ​ເນ​ຊູ​ເອລາ ຫລັງ​ຈາກ​ທີ່​ໄດ້​ເກີ​ດການ​ປະ​ທ້ວງ​ແບບ​ຮຸນ​ແຮງ ທີ່​ມີ​ການ​ໃຊ້​ລະ​ເບີດ​ນ້ຳ​
ຕາ ຢູ່ທີ່​ນະຄອນຫຼວງກາຣາກາສ.

ມີ​ຢ່າງ​ໜ້ອຍ 60 ຄົນ​ແລ້ວ ​ໄດ້​ເສຍ​ຊີວິດ​ໃນ​ການ​ປະ​ທ້ວງ​ຕໍ່ຕ້ານ​ລັດຖະບານ​ສັງຄົມ​ນິ
ຍົມ​ຂອງປະທານາທິບໍດີ Nicolas Maduro ​ແລະ​ກໍ​ມີ​ການ​ຂາດ​ແຄນ​ນ້ຳມັນ​ແອັດ​ຊັງ
ຢາ​ປົວ​ພະຍາດ ແລະ​ອາຫານທີ່​ຈຳ​ເປັນ​ຕ່າງໆ​ຢ່າງ​ຮ້າຍ​ແຮງ.

ພວກ​ນັກ​ການ​ທູດທີ່​ໄດ້​ໄປ​ເຕົ້າ​ໂຮມ​ກັນຢູ່ສຳນັກງານ​ໃຫຍ່​ຂອງ​ອົງການ OAS ໃນນະ ຄອນຫຼວງວໍ​ຊິງ​ຕັນ ​ໂດຍ​ທົ່ວ​ໄປ​ແລ້ວ ​ໄດ້​ແບ່ງ​ອອກ​ເປັນ​ສອງ​ຝ່າຍ​ດ້ວຍ​ກັນຄື​ພວກ​ທີ່
​ກ່າວ​ວ່າການ​ແຊກ​ແຊງ​ຂອງ​ນາໆ​ຊາດ​ແລະ​ຂອງ​ພູມີພາກແມ່ນ​ຊ່ອງທາງ​ດຽວ​ເທົ່າ​ນັ້ນ
ທີ່​ຈະ​ຍຸຕິ​ຄວາມ​ຮຸນ​ແຮງ​ໄດ້ ​ແລະ​ພວກ​ທີ່​ຖົກ​ຖຽງ​ວ່າ ບໍ່​ມີ​ໃຜ​ມີສິດ​ທີ່​ຈະ​ແຊກ​ແຊງ​ເຂົ້າ​ໃນກິດຈະການ​ພາຍ​ໃນ ຂອງ​ປະ​ເທດ​ທີ່​ມີ​ອະທິປະ​ໄຕ​ໄດ້.

ລັດຖະມົນຕີ​ການ​ຕ່າງປະ​ເທດ​ບຣາຊີ​ລ ທ່ານ Aloysio Nunes ກ່າວ​ວ່າ ​ແມ່ນຫຍັງ​
ທີ່​ພວກ​ເຮົາ​ສາມາດ​ເຮັດ​ຮ່ວມ​ກັນ​ໄດ້​ ເພື່ອ​ສ້າງ​ຄວາມ​ແຕກ​ຕ່າງ ​ເພື່ອ​ຍື່ນ​ມືໄປຫາ​ປະ
ຊາຊົນ​ຊາວ​ເວ​ເນ​ຊູ​ເອລາ​ເພື່ອ​ກອບ​ກູ້​ອິດ​ສະຫະພາບ​ຂັ້ນພື້ນຖານຂອງ​ພວກ​ເຂົາ​ເຈົ້າ​
ທ່ານ​ໄດ້​ຕັ້ງຄຳ​ຖາມ​ຕໍ່​ບັນດາ​ລັດຖະມົນຕີ​ການ​ຕ່າງປະ​ເທດ​ນຳ​ກັນ.

ຜູ້ຕາງໜ້າ​ຂອງ​ນິກາ​ຣາກວາ ທ່ານ Luis Alvarado ກ່າວ​ວ່າ ລັດຖະບານ​ຂອງ​ທ່ານ
​ແມ່ນ​ປະຕິ​ເສດຕໍ່​ທຸກ​ການ​ດຳ​ເນີນ​ຄວາມ​ພະຍາຍາມ​ທີ່​ຈະລົ້ມລ້າງສິດທິ​ຂອງ​ເວ​ເນ​ຊູ
​ເອລາ ​ໂດຍ​ເອີ້ນວ່າ ເປັນການ​ລົງ​ໂທດ​ທາງ​ການ​ເມືອງ.

ທ່ານ​ກ່າວ​ວ່າ ບໍ່​ມີ​ຫຍັງ​ສາມາດທຳ​ໂທດ​ຕໍ່​ປະ​ເທດ​ເວ​ເນ​ຊູ​ເອລາ​ທີ່​ຍິ່ງ​ໃຫຍ່​ແລະມີ​ອະ
ທິປະ​ໄຕ. ມັນ​ເປັນ​ສິ່ງ​ຈຳ​ເປັນ​ທີ່​ສິ່ງ​ເຫລົ່ານີ້ຈະ​ຕ້ອງ​ຍຸຕິ.

ຮອງ​ລັດຖະມົນຕີ​ການ​ຕ່າງປະ​ເທດ​ຂອງ​ສະຫະລັດ ຮັບຜິດຊອບ​ກ່ຽວ​ກັບ​ກິດຈະການ​
ດ້ານ​ການ​ເມືອງທ່ານ Tom Shannon ປາກົດ​ວ່າ ​ໄດ້​ເອົາ​ເສັ້ນທາງ​ສາຍກາງ.

ສະພາ​ຢູ​ໂຣບກໍ​ໄດ້​ປະຊຸມ​ກັນ​ກ່ຽວ​ກັບ​ບັນຫາ​ເວ​ເນ​ຊູ​ເອລາ ທີ່​ນະຄອນບຣັສ​ເຊີ​ລ​ໃນ​
ວັນ​ພຸດ​ວານ​ນີ້.

ອ່ານຂ່າວນີ້ຕື່ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG