ເບິ່ງວີດິໂອພາສາລາວ:
ຕຶກເອມພາຍສເຕດ ຄອງຕໍາແໜ່ງຕຶກທີ່ສູງທີ່ສຸດຂອງໂລກ ເປັນເວລາຫລາຍກວ່າ 40 ປີ
ຫລັງຈາກການກໍ່ສ້າງສໍາເລັດລົງໃນປີ 1931. ຄອບຄົວ Malkin ເປັນເຈົ້າຂອງຕຶກດັ່ງກ່າວ
ມາໄດ້ສິບປີຜ່ານມາ ໂດຍຊື້ໃນລາຄາຫລາຍກວ່າ 57 ລ້ານໂດລາ ສໍາຫລັບສະຖານທີ່ສໍາຄັນ
ແຫ່ງນີ້. ແຕ່ໃນອາທິດນີ້ ຄອບຄົວ Malkins ໄດ້ຍື່ນຄໍາຮ້ອງກັບກໍາມະການຫລັກຊັບ ໂດຍ
ໃຫ້ຂໍ້ຊີ້ແຈງວ່າພວກເຂົາເຈົ້າຢາກປ່ຽນຕຶກນີ້ເປັນບໍລິສັດອະສັງຫາລິມມະຊັບ ທີ່ມະຫາຊົນ
ຊື້ຂາຍຮຸ້ນໄດ້ນັ້ນ.
ລາຍລະອຽດກ່ຽວກັບເລຶ່ອງນີ້ຍັງບໍ່ທັນເປັນທີ່ຈະແຈ້ງເທື່ອແຕ່ນາງ Teresa Martin ຜູ້ກໍ່
ຕັ້ງສະມາຄົມການລົງທຶນດ້ານອະສັງຫາລິມມະຊັບໃນນີວຢ໊ອກ ຍິນດີກັບໂອກາດນີ້ ເຖິງ
ແມ່ນນາງຈະຍັງສົງໄສຢູ່ວ່າ ດ້ວຍເຫດໃດຄອບຄົວ Malkins ນີ້ ຈຶ່ງສະເໜີຕຶກນີ້ໃຫ້ມະຫາ
ຊົນຊື້ຂາຍຮຸ້ນໄດ້.
“ອາດເປັນເພາະວ່າພວກຄອບຄົວນີ້ເດືອດຮ້ອນ ແລະຢາກຈະຫາລາຍໄດ້ບາງ
ຢ່າງ. ແຕ່ມັນອາດພຽງໝາຍເຖິງວ່າພວກເຂົາເຈົ້າຢາກຂະຫຍາຍ ແລະຕ້ອງ
ການເງິນມາລົງທຶນ ເພື່ອຈິງໆແລ້ວເຮັດໃນສິ່ງທີ່ ພວກເຂົາເຈົ້າມອງການໄກ
ໃນທັດສະນະຂອງເຂົາເຈົ້າທີ່ຈະເຮັດຈະທໍານັ້ນ.”
ພວກຄົນທໍາງານຕາມຫ້ອງການຕ່າງໆໃນຕຶກເອມພາຍສະເຕດ ບໍ່ຍອມທີ່ ຈະໃຫ້ຄໍາເຫັນ
ໃດໆຕໍ່ໜ້າກ້ອງຖ່າຍຮູບ ກ່ຽວກັບຄວາມເປັນໄປໄດ້ໃນການສະເໜີຂາຍຮຸ້ນຂອງຕຶກນີ້.
ແຕ່ຫລັງກ້ອງຖ່າຍຮູບແລ້ວ ຫລາຍໆຄົນຈົ່ມທຸກເລຶ່ອງການບໍລິການບັນໄດອູ່ໄຟຟ້າຫລືລີຟ
ບໍ່ດີ ບໍ່ມີຫ້ອງນໍ້າພຽງພໍ ແລະການບໍລິການດ້ານອື່ນໆໃນຕຶກອາຍຸ 80 ປີຫລັງນີ້. ຄອບ
ຄົວ Malkins ໄດ້ໃຊ້ເງິນສ້ອມແປງຕຶກຫລັງນີ້ໄປແລ້ວປະມານ 500 ລ້ານໂດລາ ໂຮມທັງ
ປ່ຽນປ່ອງອ້ຽມໃໝ່ຫລາຍກວ່າ 6,500 ປ່ອງ ເພື່ອປະຢັດພະລັງງານ.
ນາງ Teresa Martin ຫລິງເຫັນວ່າຕຶກເອມພາຍ ສເຕດ ນີ້ເປັນໂອກາດ ອັນດີສໍາລັບປະ
ຊາຊົນທີ່ຈະລົງທຶນຫລັກຊັບແບບຫລາກຫລາຍຂອງພວກເຂົາເຈົ້າໄດ້.
ຖ້າມີຄົນບອກວ່າຂ້ອຍສາມາດຊື້ໄດ້ໃນລາຄາ 10 ໂດລາຕໍ່ຮຸ້ນ ແລະຂ້ອຍຈະໄດ້
ຮອດ 100 ຮຸ້ນບໍ່? ແມ່ນແລ້ວຂ້ອຍຈະໄດ້ປະມານສອງແສນໂດລາບໍ່ ບາງທີອາດ
ບໍ່ໄດ້ດອກ ແຕ່ຂ້ອຍຈະໄດ້ນຶ່ງຢ່າງ.
ປົກກະຕິແລ້ວ ຕຶກຈະໂອບອ້ອມດ້ວຍໄຟແສງສີໃນຍາມກາງຄືນ ເພື່ອສະຫລອງງານຕ່າງໆ
ຫລືກິດຈະການອື່ນໆ. ໜັງສືພິມ New York Times ໄດ້ອ້າງເອົາຄໍາເວົ້າຄົນນຶ່ງທີ່ຄຸ້ນ
ເຄີຍກັບຂໍ້ຕົກລົງທີ່ເວົ້າວ່າ ຄົນສ່ວນຫລາຍຄາດກັນວ່າ ຕຶກນີ້ຕົກແຕ່ງໃຫ້ເປັນສີຂຽວ ຊຶ່ງ
ເປັນສີເງິນຕາ ຂອງສະຫະລັດ ຖ້າຫາກຮຸ້ນໃນຕຶກເອມພາຍຂາຍທອດໃຫ້ມະຫາຊົນໄປ.
ເບິ່ງວີດິໂອລາຍງານຂ່າວເປັນພາສາອັງກິດ:
