ຜູ້ບັນຊາການທະຫານ Fiji ກ່າວວ່າ ພວກຫົວຮຸນແຮງທີ່ເປັນ
ເຄືອຂ່າຍຂອງ al-Qaida ໃນຊີເຣຍໄດ້ຕັ້ງຂໍ້ຮຽກຮ້ອງທີ່ພວກ
ເຂົາຕ້ອງການໃຫ້ປະຕິບັດຕາມກ່ອນທີ່ພວກເຂົາຈະປ່ອຍກໍາ
ລັງຮັກສາສັນຕິພາບສະຫະປະຊາຊາດ 45 ຄົນ ທີ່ເປັນທະຫານ
Fiji ນັ້ນ.
ນາຍພົນຈັດຕະວາ Mosese Tikoitoga ກ່າວໃນວັນອັງຄານ
ມື້ນີ້ວ່າ ກຸ່ມແນວ ໂຮມ Nusra ຕ້ອງການຢາກໃຫ້ລຶບຊື່ຕົນອອກ
ຈາກບັນຊີພວກກໍ່ການຮ້າຍຂອງ ສະຫະປະຊາຊາດ ສົ່ງການ
ຊ່ວຍເຫລືອດ້ານມະນຸດສະທຳໄປໃຫ້ເຂດອ້ອມແອ້ມ ນະຄອນ
Damascus ແລະຈ່າຍເງິນຊົດເຊີຍແກ່ສະມາຊິກຂອງຕົນສາມ
ຄົນທີ່ເສຍຊີວິດໃນການສູ້ລົບ.
ກຸ່ມແນວໂຮມ Nusra ໄດ້ລັກພາໂຕ ກໍາລັງຮັກສາສັນຕິພາບສະຫະປະຊາຊາດທີ່ເຂດພູ ພຽງ Golan ເມື່ອວັນພະຫັດທີ່ຜ່ານມານີ້.
ການຕໍ່ສູ້ກັນຢູ່ໃກ້ Golan Heights – ວັນທີ 1 ກັນຍາ
ເລຂາທິການໃຫຍ່ ສະຫະປະຊາຊາດ ທ່ານ Ban ki-Moon ໄດ້ຮຽກຮ້ອງໃຫ້ປ່ອຍໂຕ
ເຂົາເຈົ້າ ແລະກ່າວໃນວັນຈັນວານນີ້ວ່າ ບັນດາພະແນກການຕ່າງໆຂອງສະຫະປະຊາຊາດ ກຳລັງເຈລະຈາກັບກຸ່ມປະກອບອາວຸດດັ່ງກ່າວ ເພື່ອໃຫ້ປ່ອຍກໍາ ລັງຮັກສາສັນ
ຕິພາບ.
ນອກນັ້ນໃນວັນຈັນວານນີ້ ລັດຖະມົນຕີປ້ອງກັນປະເທດໄອຣ໌ແລນ ກ່າວວ່າ ປະເທດ
ຂອງທ່ານຕ້ອງການໃຫ້ສະຫະປະຊາຊາດຄໍ້າປະກັນຄວາມປອດໄພ ກ່ອນທີ່ຈະສົ່ງກໍາ
ລັງຮັກສາສັນຕິພາບໃນຈຳນວນເພີ້ມຕື່ມອີກ ໄປຍັງເຂດພູພຽງ Golan ໃນເດືອນໜ້ານີ້.
ທ່ານ Simon Coveney ໄດ້ກ່າວຕໍ່ນັກຂ່າວຂອງອົງການ RTE ວ່າ ສະຫະປະຊາຊາດ
ຕ້ອງໃຫ້ຄວາມກະຈ່າງແຈ້ງ ກ່ຽວກັບ “ລະດັບການສ່ຽງທີ່ຮັບເອົາໄດ້” ໃນການປະຕິບັດ
ງານຂອງກໍາລັງຮັກສາສັນຕິພາບ ກ່ອນໄອຣ໌ແລນ ຈະສົ່ງກຳລັງທະຫານ ໄປຕື່ມຢູ່ເຂດ Golan.ທະຫານໄອຣ໌ແລນ ມີກຳນົດທີ່ຈະສົ່ງກຳລັງໄປສັບປ່ຽນ ໃນເດືອນຕຸລາຈະມາ
ເຖິງນີ້.
ອອສເຕຣເລຍ ຍີ່ປຸ່ນ ແລະ ໂຄຣເອເຊຍ ໄດ້ພາກັນຍົກຍ້າຍກຳລັງຂອງຕົນອອກຈາກເຂດ
ພູພຽງ Golan ທີ່ອິສຣາແອລຍຶດຄອງຢູ່ ຂະນະທີ່ຂອບເຂດ ຂອງສົງຄາມກາງເມືອງ ໃນຊີ
ເຣຍ ໄດ້ຂະຫຍາຍວົງກວ້າງອອກ.
ກໍາລັງຮັກສາສັນຕິພາບ ໄດ້ປະຕິບັດງານສັງເກດການ ຢູ່ເຂດປອດທະຫານດັ່ງກ່າວມາໄດ້
40 ປີແລ້ວ.
