ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

ຕໍາຫຼວດອັງກິດວ່າ ນາງພະຍາບານ ທີ່ຕາຍ ຢູ່ໂຮງໝໍລອນດອນ ແມ່ນແຂວນຄໍຕາຍ


ໂຮງໝໍ King Edward VII ໃນກຸງລອນດອນ ບ່ອນທີ່ ນາງພະຍາບານ Jacintha Saldanha ແຂວນຄໍຕາຍ
ໂຮງໝໍ King Edward VII ໃນກຸງລອນດອນ ບ່ອນທີ່ ນາງພະຍາບານ Jacintha Saldanha ແຂວນຄໍຕາຍ
ເຈົ້າ​ໜ້າ​ທີ່​ຕໍາຫລວດ ກຸງ​ລອນ​ດອນ ຄົນ​ນຶ່ງ​ໄດ້​ໃຫ້ການ​ກ່ຽວ​ກັບ
ນາງພະຍາບານທີ່ປິ່ນ​ປົວພະຊາຍາ​ ທີ່​ກໍາລັງ​ຖືພາຂອງເຈົ້າຟ້າ
​ຊາຍ William ໃນ​ຕົ້ນ​ເດືອນ​ນີ້ ​ທີ່ມີຄົນໄປ​ພົບ​ສົບນັ້ນ​ວ່າ ນາງ​
ໄດ້ແຂວນ​ຄໍ​ຕາຍ​ຢູ່​ໃນ​ຫ້ອງ​ຂອງ​ລາວ ​ສາມ​ມື້ຫລັງ​ຈາກທີ່ສະຖາ
ນີ​ວິທະຍຸ ອອສ​ເຕ​ເຣຍ ແຫ່ງນຶ່ງ ໂທລະສັບໄປຫລອກເອົາຂ່າວ.

​ເຈົ້າ​ໜ້າ​ທີ່ ​ໄດ້​ໃຫ້ການ​ແກ່ ສານ​ເມືອງ Westminster Coroner ​ໃນ ວັນ​ພະຫັດ​ວານນີ້ວ່າ ນາງພະຍາບານ Jacintha Saldanha ​ໄດ້ຂຽນຂໍ້ຄວາມໄວ້​ສາມ​ສະບັບ ​ກ່ອນ​ທີ່​ບັນດາ​ເພື່ອນ​ຮ່ວມ​ງານ ​ໄດ້​ພົບ​ເຫັນລາວ ​ແຂນ​ຄໍ​ຕາຍ ອາທິດ​ແລ້ວ​ນີ້ ​ໂດຍ​ການໃຊ້​ຜ້າພັນ​ຄໍຢູ່​ໃນ​ຫ້ອງການ​ນາງພະຍາບານ. ນາງ​ເກີດ​ຢູ່​ ອິນ​ເດຍ ​ມີລູກ​ສອງ​ຄົນ ນາງ​ໄດ້​ຮັບ​ບາດ​ເຈັບ​ຢູ່​ທີ່​ຂໍ້​ມື ​ແລະ​ເຈົ້າ​ໜ້າ​ທີ​ຕໍາຫລວດ ​ຖື​ວ່າ ຄະດີ​ນີ້​ເປັນ​ການ​ຂ້າ​ໂຕ​ຕາຍ.

​ເຈົ້າ​ໜ້າ​ທີ່ ກໍາລັງ​ສຶກສາເບິ່ງ​ຂໍ້ຄວາມ​ທີ່​ຂຽນ​ປະ​ໄວ້​ນັ້ນ ສໍາພາດ​ສະມາ​ຊິກ​ຄອບຄົວ ​ແລະ​ໝູ່​ເພື່ອນ ຂອງ​ນາງພະຍາບານ​ຜູ້​ມີ​ອາຍຸ 46 ປີ ​ຄົນ​ນີ້ແລະໄດ້ສຶກສາ​ໂທລະສັບທີ່ ​ນາງໄດ້​ໃຊ້​ຫວ່າງ​ມໍ່ໆ​ມາ​ນີ້ ​ລວມທັງອີເມລນຳ ເພື່ອ​ຢາກ​ຮູ້​ເຖິງ​ສາ​ເຫດທີ່​ນໍາພາ​ໄປ​ສູ່​ການ​ຕາຍ​ຂອງ​ນາງ.

​ໂຄສົກ​ວິທະຍຸ ອອສ​ເຕ​ເລຍ​ສອງ​ຄົນ ​ໄດ້​ໂທລະ​ສັບ​ຫາ​ໂຮງພະຍາບານ ​ໃນ​ວັນ​ທີ່ 4 ທັນວາ ​
ໂດ​ຍ​ເຮັດ​ຕິ​ວ່າ​ເປັນ ພະ​ລາ​ຊີ​ນີ Elizabeth ​ແລະ​ພະ​ໂອລົດ ​ເຈົ້າຟ້າ​ຊາຍ Charles ທີ່​ຢາກ​ຊາບ​ເຖິງ​ ອາການ ​ຂອງ Catherine the Ductchess of Cambridge.

ນາງພະຍາບານ Saldanha ​ໄດ້ສົ່ງ​ໂທລະສັບ​ນັ້ນ​ຕໍ່​ໄປໃຫ້ອີກ ນາງພະຍາບານ​ຄົນ​ນຶ່ງ ຊຶ່ງ​ເປັນ​ຜູ້ເປີດ​ເຜີຍ​ລາຍ​ລະ​ອຽດລັບ ກ່ຽວ​ກັບ​ອາການຂອງ duchess ​ທີ່ໄປປິ່ນປົວ
ອາການແພ້ທ້ອງ​ນີ້. ການ​ຫລອກເອົາຂ່າວດັ່ງກ່າວ ​ໄດ້​ແຜ່​ຂະຫຍາຍ​ເປັນ​ຫົວ​ຂໍ້​ຂ່າວໃຫຍ່ໃນທົ່ວ​ໂລກ.
XS
SM
MD
LG