ບັນດາຜູ້ນໍາຈາກຫລາຍກວ່າ 50 ປະເທດໄດ້ໃຫ້ຄໍາໝັ້ນໝາຍຂອງພວກຕົນຕື່ມອີກ ໃນການລົດຜ່ອນຄັງອາວຸດນີວເຄລຍໃນໂລກລົງນັ້ນ.
ປະທານາທິບໍດີບາຣັກ ໂອບາມາ ແຫ່ງສະຫະລັດ ກ່າວຕໍ່ບັນດາຜູ້ແທນທີ່ມາຮ່ວມວາລະ
ສຸດທ້າຍ ຂອງກອງປະຊຸມສຸດຍອດນິວເຄລຍເປັນເວລາສອງມື້ທີ່ກຸງໂຊນ ໃນວັນອັງ
ຄານມື້ນີ້ວ່າ ປະຊາຄົມໂລກຈະຕ້ອງທໍາຄວາມພະຍາຍາມຢ່າງເອົາຈິງເອົາຈັງແລະຍືນ
ຍົງ ເພື່ອລົດຜ່ອນຄັງອາວຸດນີວເຄລຍໃນໂລກນັ້ນລົງ ຊຶ່ງທ່ານໂອບາມາກ່າວວ່າ:
" ຍັງມີພວກກະທໍາຄວາມບໍ່ດີຫຼາຍໂພດທີ່ພາກັນຊອກຫາພວກວັດຖຸຫຼືອາວຸດທີ່ເປັນ
ອັນຕະລາຍນີ້ ແລະວັດຖຸທີ່ເປັນອັນຕະລາຍເຫຼົ່ານີ້ຍັງມີຄວາມຫຼໍ່ແຫຼມຢູ່ໃນຫຼາຍບ່ອນ
ຫຼາຍແຫ່ງໂພດ. ມັນຈະບໍ່ຕ້ອງການພວກວັດຖຸຫຼືອາວຸດເຫຼົ່ານີ້ຫຍັງຫຼາຍ ພຽງເລັກ
ນ້ອຍເທົ່ານັ້ນກໍສາມາດໃຊ້ໄວ້ສັງຫານພວກຜູ້ຄົນທີ່ບໍ່ມີຄວາມຜິດຫຼາຍແສນຄົນໄດ້
ແລະນີ້ບໍ່ແມ່ນເປັນການເວົ້າໂຍກເກີນໄປ ແຕ່ມັນແມ່ນຄວາມເປັນຈິງທີ່ພວກເຮົາກໍາ
ລັງປະເຊີນໜ້າຢູ່."
ທ່ານໂອບາມາຍອມຮັບວ່າ ໄດ້
ບັນລຸຄວາມຄືບໜ້າມາ ນັບແຕ່
ທ່ານໄດ້ເປັນເຈົ້າພາບຈັດກອງ
ປະຊຸມສຸດຍອດກ່ຽວກັບເລື້ອງ
ນີ້ຂຶ້ນທີ່ກຸງວໍຊິງຕັນໃນປີ 2010
ແລະ ໃຫ້ຂໍ້ສັງເກດວ່າ ຈໍານວນ
ພວກປະເທດທີ່ມາຮ່ວມໃນກອງ
ປະຊຸມດັ່ງກ່າວໄດ້ເພີ່ມຂຶ້ນເປັນ
ຫຼາຍກວ່າ 50 ປະເທດແລ້ວ.
ທ່ານໂອບາມາກ່າວຕື່ມວ່າ ຜົນ
ຂອງກອງປະຊຸມຄັ້ງນີ້ ຈະເປັນ
ສະຖາປັດຕະຍະກໍາໃຫຍ່ຂຶ້ນ
ຂອງໂລກທີ່ຈະອະນຸມັດໃຫ້ປະ
ຊາຄົມນາໆຊາດ ດໍາເນີນການ
ໃຊ້ພະລັງນີວເຄລຍທາງສັນຕິຢ່າງປອດໄພແລະມີປະສິດທິຜົນນັ້ນ.
ແຕ່ຖະແຫຼງການສະບັບນຶ່ງທີ່ເປີດເຜີຍອອກໃນວັນອັງຄານມື້ນີ້ເວລາອັດກອງປະຊຸມສຸດ
ຍອດດັ່ງກ່າວ ບໍ່ໄດ້ອໍານວຍໃຫ້ເກີດແຜນການທີ່ເປັນຮູບປະທໍາໃດໆເພື່ອຈະໃຫ້ບັນລຸ
ເປົ້າໝາຍນັ້ນ.
ກອງປະຊຸມສຸດຍອດໄດ້ຖືກຄອບງໍາໂດຍຄໍາປະກາດຂອງເກົາຫຼີເໜືອ ຫວ່າງໄວໆມານີ້
ທີ່ວ່າ ຕົນຈະສົ່ງດາວທຽມຂຶ້ນສູ່ອະວະກາດໃນເດືອນໜ້ານີ້. ພວກປະເທດຝ່າຍຕາເວັນ
ຕົກຫຼາຍປະເທດເຊື່ອວ່າ ການສົ່ງດາວທຽມທີ່ວ່ານີ້ ຄວາມຈິງແລ້ວແມ່ນການທົດສອບ
ຍິງລູກສອນໄຟທີ່ຍິງໄດ້ໃນໄລຍະໄກນັ້ນ.