ລິ້ງ ສຳຫລັບເຂົ້າຫາ

ວັນອັງຄານ, ໒໗ ກຸມພາ ໒໐໒໔

ທ້າວ Edward Snowden ຜູ້ເປີດເຜີຍຄວາມລັບ ຫາຍສາບສູນ ຢູ່ໃນ ຮົງກົງ (ວີດີໂອ)


ທ້າວ Edward Snowden ທີ່ລີ້ຊ່ອນ ຢູ່ໂຮງແຮມແຫ່ງນຶ່ງໃນ ຮົງກົງ
ປັດຈຸບັນນີ້ ໄດ້ຫາຍສາບສູນ ບໍ່ຮູ້ວ່າຢູ່ໃສ
ທ້າວ Edward Snowden ທີ່ລີ້ຊ່ອນ ຢູ່ໂຮງແຮມແຫ່ງນຶ່ງໃນ ຮົງກົງ ປັດຈຸບັນນີ້ ໄດ້ຫາຍສາບສູນ ບໍ່ຮູ້ວ່າຢູ່ໃສ
ຜູ້​ຊາຍ ​ທີ່​ເປີດ​ເຜີຍ​ຂໍ້​ມູນກ່ຽວ​ກັບ​ໂຄງການຕິດຕາມ​ຟັງ​ໂທລະສັບ
​ ແລະ​ການ​ຊົມ​ໃຊ້​ອິນ​ເຕີ​ແນັດ​ຂອງ​ປະຊາຊົນທີ່​ຖື​ວ່າ​ເປັນຄວາມ​
ລັບ​ທີ່​ສຳຄັນຂອງສະຫະລັດນັ້ນ ບໍ່​ຊາບວ່າຢູ່​ໃ​ສ​ໃນ​ວັນ​ອັງຄານ​ມື້​
ນີ້ ​ໃນ​ຂະນະ​ທີ່ພວກ​ເຈົ້າໜ້າ​ທີ່​ໃນ​ກຸງ​ວໍ​ຊິງ​ຕັນ​ສືບ​ຕໍ່ຮຽກຮ້ອງ​ໃຫ້​
ຈັບ​ແລະ​ສົ່ງ​ໂຕ​ຜູ້ກ່ຽວ​ມາ​ຍັງ​ສະຫະລັດ​ໃນ​ທັນທີ.

ທ້າວ Edward Snowden ​ໄດ້​ອອກ​ຈາກ​ໂຮງ​ແຮມ​ແຫ່​ງນຶ່ງ​ໃນ
ຮົງ​ກົງ ບ່ອນ​ທີ່​ລາວໄດ້ພັກ​ຢູ່​ໃນ​ວັນ​ຈັນ​ວານ​ນີ້ ນຶ່ງ​ມື້ຫລັງ​ຈາກ
ລາວ​ໄດ້​ເປີ​ດ​ເຜີຍ ​ໃຫ້ໂລກ​ຮູ້ວ່າ​ລາວ​ແມ່ນ​ໃຜ ​ຕໍ່ໜັງສື​ພິມ
Guardian ຂອງອັງກິດ. ທ້າວ Snowden ທີ່​ມີອາ ຍຸ 29 ປີໄດ້
ຫລົບ​ໜີ​ໄປ​ຢູ່ຮົງ​ກົງ ​ໃນ​ວັນ​ທີ 20 ​ເດືອນ​ພຶດສະພາ ກ່ອນໜັງ​ສື
ພິມສະບັບ​ນີ້​ພິມ​ເຜີ​ຍແຜ່ລາຍ​ງານກ່ຽວ​ກັບ​ໂຄງການຕິດຕາມ​ຟັງ​
ໂທລະສັບ​ແລະ ຂໍ້​ມູນ​ການ​ຊົມ​ໃຊ້​ອິນ​ເຕີແນັດຂອງ​ປະຊາຊົນທີ່​
ເປັນ​ໄພ​ຂົ່ມຂູ່​ຈາກ​ພວກ​ກໍ່​ການ​ຮ້າຍ ຂອງອົງການ​ປ້ອງກັນ​ຄວາມ​ໝັ້ນຄົງ​ແຫ່ງ​ຊາດ
ຫລື NSA.

ທ່ານ James Clapper ຜູ້ອຳນວຍການ​ອົງການສືບ​ລັບ​ແຫ່ງ​ຊາດ ຂອງ​ສະຫະລັດ
ກ່າວ​ວ່າ ການ​ກະທໍາ​ຂອງທ້າວ Snowden ​ໄດ້​ສ້າງ​ຄວາມ​ເສຍ​ຫາຍ​ຢ່າງ​ໜັກ​ໃຫ້​ແກ່
ຄວາມ​ປອດ​ໄພ​ຂອງ​ປະ​ເທດ. ກະຊວງ​ຍຸຕິ​ທໍາ ສະຫະລັດ ກ່າວ​ວ່າ ຕົນ​ໄດ້​ເປີດ​ການສືບ
ສວນເບິ່ງການ​ກະທໍາ​ຜິດ ກ່ຽວ​ກັບການເປີດ​ເຜີຍ​ຄວາ​ມລັບ ​ແຕ່​ບໍ່​ໄດ້​ໃຫ້​ລາຍ​ລະອຽດ​ອື່ນໆ.

ຮົງ​ກົງ ສາມາດ​ສົ່ງທ້າວ Snowden ​ໃຫ້​ແກ່ສະຫະລັດ ພາຍ​ໃຕ້ສົນທິສັນຍາ​ສົ່ງ​ຜູ້​ຮ້າຍ​ຂ້າມ
​ແດນ ທີ່ເຊັນກັບວໍ​ຊິງ​ຕັນ​ໃນ​ປີ 1996. ທ້າວ Snowden ກ່າວ​ວ່າ ລາວ​ມີ​ແຜນ​ທີ່​ຈະ​ຂໍລີ້​ໄພ
ຢູ່​ໃນ​ປະ​ເທດ​ໃດປະ​ເທດ​ນຶ່ງ ​ທີ່ມີ​ຄວາມເຊື່ອ​ ກ່ຽວ​ກັບສິດ ເສລີ​ພາບ​ໃນການ​ປາກ​ເວົ້າ ​ແລະ​
ຄວາມ​ລັບສ່ວນ​ໂຕ ຢູ່ໃນໂລ​ກ.

ທ່ານ Phil Carter ຜູ້​ຊ່ຽວຊານ​ດ້ານ​ຄວາມ​ປອດ​ໄພແຫ່ງ​ຊາດ ​ແມ່ນ​ຮວມຢູ່​ໃນ ບັນດາ​ຜູ້​ທີ່​
ເຊື່ອ​ວ່າ ການ​ກະທໍາ​ຂອງທ້າວ Snowden ນັ້ນ ​ໄດ້​ສ້າງ​ຄວາມ​ເສຍ​ຫາຍ​ຢ່າງ​ໜັກ​ໃຫ້​ແກ່​
ຄວາມ​ປອດ​ໄພ​ຂອງ​ປະ​ເທດ ຊຶ່ງທ່ານ​ກ່າວວ່າ.

“ຂໍ້​ມູນ​ສະ​ແດງ​ໃຫ້​ເຫັນ​ເຖີງ​ໂຄງການ ທີ່​ລັດຖະບານກາງ​ຕໍ່​ອາ​ໄສ ​ເພື່ອ​ເບິ່ງຂໍ້​ມູນ​ທີ່​ມີຢ່າງ​ມະ
ຫາສານ ​ແລ​ະ​ເພື່ອ​ຄວາມ​ເຂົ້າ​ໃຈ​ຂໍ້​ມູນ​ເຫຼົ່ານີ້. ​ແລະ​ນີ້​ແມ່ນໂຄງການ​ນຶ່ງທີ່​ເຂົາ​ເຈົ້າ​ຈະນໍາ
​ໃຊ້​ ທັງເພື່ອຕິດຕາມ​ເບິ່ງ​ການວາງແຜນ​ກໍ່​ການ​ຮ້າ​ຍ​ໃນ​ອ​ະ ນາ​ຄົດ ​ແຕ່​ພ້ອມ​ດຽວ​ກັນ​ກໍຈະ
ເບິ່ງອີກ​ວ່າ ມີ​ອົງການ​ສືບ​ລັບຕ່າງປະ​ເທດ​ໃດ​ແດ່ ທີ່​ອາດ​ຈະ​ກະທໍາ ​ແລະການ​ຕິດຕາມ​ເບິ່ງ
ຄວາມ​ຜິດ​ປົກກະ​ຕິ​ທົ່ວໆ​ໄປ ທີ່​ອາດ​ຈະ​ພົວພັນ​ກັບ​ກິ​ດຈະ​ກາທີ່​ອາດ​ເປັນ​ອາ​ຊະ​ຍາ​ກຳ ຢູ່
​ໃນ​ສະຫະລັດ.

ພວກສະໜັບສະໜຸນຄວາມເປັນສ່ວນຕົວ ຊົມເຊີຍທ້າວ Edward Snowden:

Privacy Rights Advocates Praise NSA Contractor Who Exposed US Surveillance Program
please wait

No media source currently available

0:00 0:02:32 0:00
ລິງໂດຍກົງ

ກ່ຽວຂ້ອງກັນ

XS
SM
MD
LG