ອົງການຮັກສາຄວາມໝັ້ນຄົງແຫ່ງຊາດ ຫລື NSA ໄດ້ຢຸດຕິການປະຕິບັດທີ່ເປັນປະເພ
ນີ ທີ່ຖືກຕ້ອງຕິຫລາຍທີ່ສຸດ ນັບແຕ່ໄດ້ມີການເປີດເຜີຍຂ່າວນອງນັນເລື້ອງການ "ດັກຟັງ
ທີ່ບໍ່ໄດ້ຮັບອະນຸຍາດ" ໃນປີ 2013.
ອົງການດັ່ງກ່າວ ໄດ້ປະກາດໃນວັນສຸກວານນີ້ວ່າ ອົງການຂອງຕົນຈະບໍ່ເກັບກໍາເອົາອີ
ເມລ ແລະຂໍ້ຄວາມຕ່າງໆ ທີ່ສົ່ງໄປໃຫ້ຄົນຢູ່ນອກສະຫະລັດ ທີ່ມີຊື່ຂອງຄົນຕ່າງປະເທດ
ໃນນັ້ນ ເພື່ອໃຫ້ເປັນເປົ້າໝາຍໃນການກວດກາ.
ອົງການດັ່ງກ່າວເວົ້າວ່າ ແຕ່ນີ້ຕໍ່ໄປອົງການດັ່ງກ່າວຈະເກັບກໍາເອົາແຕ່ຂໍ້ຄວາມທີ່ສົ່ງຫາ
ຫລືມາຈາກຄົນຢູ່ຕ່າງປະເທດ ທີ່ເປັນເປົ້າໝາຍເທົ່ານັ້ນ.
ອົງການໄດ້ໃຫ້ເຫດຜົນວ່າ ການປະຕິບັດເຊັ່ນນັ້ນ ແມ່ນຖືກກົດໝາຍ ແລະມີຄວາມຈໍາ
ເປັນເພື່ອຕິດຕາມເບິ່ງຄົນທີ່ອາດມີການພົວພັນກັບການກໍ່ການຮ້າຍ ຫລືເປັນເປົ້າໝາຍ
ໃນການ ກວດກາສໍາລັບຈຸດປະສົງອັນອື່ນ. ເຈົ້າໜ້າທີ່ສືບລັບເວົ້າວ່າ ທີ່ຈິງແລ້ວຖ້າຫາກ
ມີພົນລະເມືອງ ສັນຊາດອາເມຣິກາຄົນນຶ່ງ ມີການພົວພັນກັບບຸກຄົນເຫລົ່ານັ້ນ ທີ່ມີເຫດ
ຜົນທີ່ເຊື່ອຖືໄດ້ວ່າ ເປັນໜ້າສົງໄສ.
ນັກລະດົມເອົາການສະໜັບສະໜຸນຕໍ່ເລື້ອງນີ້ ໃຫ້ເຫດຜົນວ່າ ການເຮັດແນວນັ້ນໄດ້ລະ
ເມີດ ບັນຍັດທີສີ່ຂອງລັດລັດຖະທໍາມະນູນຂອງສະຫະລັດ ທີ່ຫ້າມການຊອກຫາຂໍ້ມູນທີ່
ບໍ່ມີເຫດຜົນ ເພາະວ່າເຈົ້າໜ້າທີ່ ສະກັດດັກອ່ານຂໍ້ຄວາມໂດຍອີງຕາມເນື້ອໃນຂອງມັນ
ຫລາຍວ່າອີງຕາມ ຄົນສົ່ງ ແລະຄົນຮັບ.
ສ່ວນທາງອົງການ NSA ເວົ້າວ່າ ການທົບທວນຄືນໂຄງການກວດກາພາຍໃນໜ່ວຍງານ
ສະແດງໃຫ້ເຫັນວ່າ ມີຫລາຍກໍລະນີ ທີ່ບໍ່ສອດຄ່ອງກັບກົດໝາຍວ່າດ້ວຍການກວດກາ
ການສືບລັບຂອງຕ່າງປະເທດ ຊຶ່ງເປັນກົດໝາຍ ທີ່ອະນຸຍາດໃຫ້ມີການຕິດຕາມກວດກາ
ດັ່ງກ່າວ.ອົງການດັ່ງກ່າວຍັງເວົ້າເພີ້ມອີກວ່າຕົນໄດ້ສົ່ງລາຍງານເຫດການຕ່າງໆ ໃຫ້ສະ
ພາຄອນແກຣັດ ແລະໃຫ້ສານຂອງລັດຖະບານກາງ ທີ່ດູແລຕິດຕາມເບິ່ງການເຄື່ອນ
ໄຫວກວດກາ ດັ່ງກ່າວນີ້.
ອ່ານຂ່າວນີ້ເພີ້ມເປັນພາສາອັງກິດ
