ລິ້ງ ສຳຫລັບເຂົ້າຫາ

ນາຍົກ ນໍເວ ປອມຕົວ ເປັນຄົນຂັບລົດແທັກຊີ (ວີດິໂອ)


ທ່ານ Jens Stoltenberg ນາຍົກລັດຖະມົນຕີປະເທດນໍເວ ແລະຄົນໂດຍສານສອງຄົນພາກັນຫົວ ພາຍຫລັງສັງເກດຮູ້ຈັກວ່າ ທ່ານເປັນຄົນຂັບລົດແທັກຊີໃນນະຄອນ Oslo ໃນວັນທີ 11 ສິງຫາ 2013.
ນາຍົກລັດຖະມົນຕີປະ​ເທດນໍເວ ເວົ້າວ່າ ບ່ອນທີ່ຈະຊອກຮູ້
ໄດ້ດີທີ່ສຸດວ່າ ປະຊາຊົນກໍາລັງຄິດຫຍັງຢູ່ ແມ່ນຢູ່ໃນລົດ
ແທັກຊີ. ​ເພາະສະ​ນັ້ນ ທ່ານ Jens Stoltenberg ຈຶ່ງປອມ
ຕົວເປັນຄົນຂັບລົດແທັກຊີ ໃນມື້ນຶ່ງ ແລະຂົນສົ່ງຄົນໂດຍສານ
ຢູ່ທົ່ວນະຄອນຫລວງ Oslo.

ພາບວີດິໂອທີ່ສະແດງໃຫ້ເຫັນທ່ານນາຍົກ ​ໃນ​ບົດບາດຄົນ
ຂັບລົດ​ແທັກ​ຊີ ໃນເດືອນມິຖຸນາ ຜ່ານມາ ໄດ້ຖືກເອົາລົງໃສ່
ໃນເວັບໄຊ້ຂອງໜັງສືພິມລາຍວັນສະບັບ​ນຶ່ງ ແລະໃນໜ້າ Facebook ຂອງທ່ານນາຍົກລັດຖະມົນຕີ​ເອງ ​ໃນ​ວັນ​ອາທິດ​ວານ​ນີ້.

ການສະແດງບົດບາດ​ດັ່ງກ່າວ ທີ່​ວາງແຜນໂດຍບໍລິສັດໂຄສະນາ​ແຫ່ງ​ນຶ່ງ ​ແມ່ນເປັນ
ສ່ວນນຶ່ງຂອງການໂຄສະນະຫາສຽງ ເພື່ອໃຫ້ໄດ້ຮັບການເລືອກຕັ້ງຄືນ​ໃໝ່ຂອງທ່ານ
Stoltenberg ​ແລະໄດ້ຖືກບັກທຶກ​ໄ​ວ້ໂດຍກ້ອງຖ່າຍທີ່ເຊື່ອງໄວ້​ໃນ​ລົດ ເພື່ອຢາກຮູ້
ຄໍາຄິດເຫັນຂອງຊາວນໍເວ ກ່ຽວກັບດ້ານການເມືອງ ແລະສີ​ໜ້າ​ພ້ອມ​ທັງ​ກິລິຍາ​ຕອບ
ຮັບຂອງພວກເຂົາເຈົ້າ ເມື່ອເຂົາເຈົ້າຮູ້ວ່າ ຄົນຂັບລົດ​ແທັກ​ຊີ​ທີ່​ເຂົາ​ເຈົ້າ​ຂີ່​ຢູ່​ນັ້ນ ແມ່ນ
ນາຍົກລັດຖະມົນຕີຂອງ​ເຂົາ​ເຈົ້າເອງ.

ກ້ອງທີ່ເຊື່ອງໄວ້ ຍັງໄດ້ຖ່າຍເອົາການຍອມຮັບຂອງນາຍົກລັດຖະມົນຕີ ທີ່​ເວົ້າວ່າ ທ່ານ
ບໍ່ໄດ້ຂັບລົດມາໄດ້ 8 ປີ ແລ້ວ. ຄົນໂດຍສານຜູ້ນຶ່ງບໍ່ມີຄວາມປະທັບໃຈປານ​ໃດກັບສີມື ຂັບລົດຂອງທ່ານ Stoltenberg ຊຶ່ງຜູ້ກ່ຽວເວົ້າວ່າ “ການຂັບລົດຂອງ​ທ່ານ​ ບໍ່​ແມ່ນການ
ຂັບລົດດີທີ່ສຸດ ເທົ່າທີ່ຂ້າພະເຈົ້າເຄີຍໄດ້ເຫັນມາ.”

ພັກກໍາມະກອນຂອງທ່ານ Stoltenberg ມີ​ຄະ​ແນນ​ນິຍົມນໍາຫລັງ ພັກອະນຸລັກນິຍົມ
ຂອງ​ຝ່າຍ​ຄ້ານ ໃນການຢັ່ງສຽງກ່ຽວ​ກັບການເລືອກຕັ້ງ ໃນເດືອນກັນຍາຈະມາເຖິງນີ້.

ເບິ່ງວີດິໂອກ່ຽວກັບຂ່າວນີ້:

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG