ລິ້ງ ສຳຫລັບເຂົ້າຫາ

ເກົາຫຼີເໜືອ ແລະ ເກົາຫຼີໃຕ້ ຈະຫາລືກັນ ເລື້ອງ ທ້ອນໂຮມ ຄອບຄົວ (ວີດີໂອ)


ແມ່ຕູ້ Kim Rye-jung ອາຍຸ 96 ປີ ຊາວເກົາຫລີໃຕ້ (ຂວາ) ກອດຈູບ ລູກສາວ ນາງ Woo Jung Hye ໃນຂະນະທີ່ພົບ ປະກັນ ຢູ່ເກົາຫລີເໜືອ.
ເຈົ້າ​ໜ້າ​ທີ່ ​ເກົາຫລີ​ໃຕ້ ກ່າວວ່າ ​ເກົາຫລີ​ເໜືອ ​ໄດ້​ຮັບ​ເອົາການ
ສະ​ເໜີ ​ໃຫ້ພົບ​ປະກັນ​ໃນ​ອາທິດ​ນີ້ ​ເພື່ອ​ໂອ້​ລົມກັນເລື້ອງ ການ
​ທ້ອນ​ໂຮມບັນດາ​ຄອບຄົວ​ທີ່​ໄດ້​ພັດ​ພາກ​ຈາກ​ກັນ ຍ້ອນ​ສົງຄາມ
​ເກົາ​ຫລີ ​ເມື່ອ​ຫົກ​ທົດ​ສະ​ວັດ​ກ່ອນນັ້ນ.

​ກຸງ​ພຽງ​ຢາງ​ໄດ້​ສະ​ເໜີ ໃນ​ວັນ​ຈັນ​ມື້​ນີ້ ທີ່​ຈະ​ໄປຮ່ວມການ​ສົນ​ທະ
ນາ​ໃນ​ວັນ​ພຸດ ຫລື​ວັນ​ພະຫັດ ​ຢູ່​ໝູ່ບ້ານສະຫງົບ​ເສິກ ປັນ​ມຸນ​
ຈອມ (Panmunjom)​.

​ໂຄສົກ ກະຊວງທ້ອນ​ໂຮມ​ຊາດ​ເກົາ​ຫລີ​ໃຕ້ ທ່ານ Kim Eui-do
ກ່າວ​ຕໍ່​ບັນດາ​ນັກ​ຂ່າວ ​ໃນ​ວັນ​ຈັນ​ມື້​ນີ້​ວ່າ ກຸງ​ໂຊ​ລຈະ​ປະຕິບັດ​ງານ
​ ເພື່ອທ້ອນ ໂຮມພວກ​ຄອບຄົວ​ເຫລົ່າ​ນັ້ນ ​ໃຫ້​ໄວ​ທີ່​ສຸດ​ເທົ່າ​ທີ່​ຈະ​ໄວ​ໄດ້.

ການ​ທ້ອນ​ໂຮມຄອບຄົວລະຫວ່າງ​ສອງ​ເກົາຫລີ​ ບໍ່​ໄດ້​ເກີດ​ຂື້ນ​ມາ​ໄດ້​ກວ່າ​ສາມ​ປີ​ແລ້ວ ​ເພາ​ະ
ວ່າ​ມີ​ຄວາມ​ເຄັ່ງ​ຕຶງ​ທີ່​ແຫລມ​ເກົາຫລີ. ປີ​ກາຍ​ນີ້ ກຸ​ງພຽງ​ຢາງ ​ໄດ້​ລົບ​ລ້າງການ​ທ້ອນ​ໂຮ​ມຄອບ
ຄົວ ຢ່າງກະທັນຫັນ ພຽງ​ບໍ່​ເທົ່າໃດ​ມື້ກ່ອນ​ ວັນ​ນັດ​ໝາຍ.

ຊາວເກົາຫລີຫລາຍ​ລ້ານ​ຄົນ​ໄດ້​ພັດ​ພາກ​ຈາກ​ກັນ ຍ້ອນ​ສົງຄາມ​ເກົາຫລີ ທີ່​ໄດ້​ສີ້​ນສຸດ​ລົງ​ໃນ
​ປີ 1953 ຍ້ອນ​ການ​ຢຸດ​ຍິງ ​ແຕ່ບໍ່​ແມ່ນ​ການ​ເຊັນ​ສັນຍາ​ສັນຕິພາບ.

ທ່ານອາດຈະມັກເລື້ອງນີ້ຄືກັນ

XS
SM
MD
LG