ບັນດາເຈົ້າໜ້າທີ່ ເກົາຫຼີເໜືອ ແລະ ເກົາຫຼີໃຕ້ ເລີ້ມຕົ້ນຄືນ
ການເຈລະຈາ ມາຣາທ້ອນ ເມື່ອຕອນບ່າຍວັນອາທິດມື້ນີ້ ໃນ
ຄວາມຮີບດ່ວນ ເພື່ອຫລີກລ່ຽງສົງຄາມ ໃນແຫຼມເກົາຫຼີ.
ການເຈລະຈາໃນຂັ້ນຕົ້ນ ທີ່ໄດ້ເລີ້ມຂຶ້ນໃນວັນເສົາວານນີ້
ແລະໄດ້ຍຸດຕິລົງ ພາຍໃນ 10 ຊົ່ວໂມງຕໍ່ມາ ໃນຕອນເຊົ້າ
ວັນອາທິດມື້ນີ້. ບັນດາເຈົ້າໜ້າທີ່ດັ່ງກ່າວ ບໍ່ໄດ້ໃຫ້ຄຳເຫັນ
ທີ່ເປີດເຜີຍຕໍ່ສາທາລະນະຊົນ ກ່ຽວກັບການປຶກສາຫາລືກັນ
ແລະ ບໍ່ມີລາຍລະອຽດໃດໆວ່າ ການເຈລະຈາກັນນັ້ນ ມີຄວາມ
ກ້າວໜ້າໃດໆ ຫຼືວ່າ ພວກເຂົາເຈົ້າຈະສືບຕໍ່ເຈລະຈາກັນອີກ
ດົນປານໃດ.
ກອງປະຊຸມລະດັບສູງ ໄດ້ເລີ້ມຂຶ້ນ ທີ່ບ້ານຢຸດຍິງ ປັນມຸນຈອມເຖິງ ແມ່ນວ່າ ພຽງຢາງ ໄດ້
ກຳນົດ ວັນເສັ້ນຕາຍ ທີ່ຕົນຂົ່ມຂູ່ວ່າ ຈະປະບັດການທະຫານ ເວັ້ນເສຍແຕ່ ໂຊລຈະຢຸດ
ເຊົາການໂຄສະນາ ຊວນເຊື່ອ ຕໍ່ຕ້ານພຽງຢາງ ດ້ວຍທາງໂທລະໂຄ່ງ ເຂົ້າໄປໃນປະເທດ
ຄອມມິວນິສເໜືອ ແລະ ໃຫ້ຍົກຍ້າຍພວກລຳໂພງ ຊຶ່ງຕິດຕັ້ງຢູ່ຕາມຊາຍແດນນັ້ນ ອອກໄປ.
ເສັ້ນຕາຍໄດ້ຜ່ານພົ້ນໄປ ໂດຍປາດສະຈາກເຫດການໃດໆເກີດຂຶ້ນ ແລະ ປາດສະຈາກ ການຍົກຍ້າຍອອກຂອງພວກລຳໂພງໃຫຍ່ ແລະ ການເຈລະຈາ ໄດ້ເລີ້ມຕົ້ນຂຶ້ນ 90 ນາທີ ຕໍ່ມາ ໃນເວລາ 6 ໂມງແລງຕາມເວລາໃນທ້ອງຖິ່ນ.
ຢູ່ໃນວໍຊິງຕັນ ບັນດາເຈົ້າໜ້າທີ່ທຳນຽບຂາວ ກ່າວວ່າ ປະທານາທິບໍດີ ບາຣັກ ໂອບາມາ ໄດ້ຮັບການລາຍງານຄວາມຄືບໜ້າກ່ຽວກັບສະຖານະການດັ່ງກ່າວ ໃນແຫຼມເກົາຫຼີ. ໂຄສົກທຳນຽບຂາວ ທ່ານນຶ່ງ ກ່າວວ່າ “ດັ່ງທີ່ກະຊວງການຕ່າງປະເທດ ໄດ້ກ່າວໄປ
ແລ້ວວ່າ ພວກເຮົາຍັງຄົງຢຶດໝັ້ນ ໃນຄວາມໝັ້ນໝາຍຂອງພວກເຮົາ ຕໍ່ຄວາມສຳ
ພັນຂອງພວກເຮົາກັບເກົາຫຼີໃຕ້ ຊຶ່ງພວກເຮົາຈະສືບຕໍ່ປະສານງານຮ່ວມກັນຢ່າງ
ໃກ້ຊິດໄປເລື້ອຍໆ.”
ເຖິງແມ່ນວ່າ ໂດຍປາດສະຈາກຜົນທີ່ຊັດແຈ້ງກໍຕາມ ແຕ່ບັນດານັກວິເຄາະ ກໍກ່າວວ່າ ການເຈລະຈາມາຣາທອນ ໄດ້ຖ່ວງດຶງເວລາ ກິດຈະກຳທາງດ້ານທະຫານອອກໄປຕື່ມອີກ ແລະ ໄດ້ອຳນວຍ ເວລາຕື່ມອີກໃຫ້ແກ່ເກົາຫຼີທັງສອງຝ່າຍ ຫາທາງຍຸດຕິຕໍ່ວິກິດການໃນປັດຈຸບັນນີ້ ດ້ວຍສັນຕິວິທີ.
ທີ່ປຶກສາດ້ານຄວາມໝັ້ນຄົງແຫ່ງຊາດຂອງທ່ານນາງ Park Geun-hye ປະທານາທິບໍດີ
ເກົາຫຼີໃຕ້ ທ່ານ Kim Kwan-jin ແລະ ລັດຖະມົນຕີ ປອງດອງຊາດ ທ່ານ Hong
Yong-pyo ໄດ້ພົບປະກັບ ບັນດາຄູ່ຕຳແໜ່ງຈາກເກົາຫຼີເໜືອ ຢູ່ທີ່ ປານມູນຈອມ ໃນເຂດ
ປອດອາວຸດ ຫຼື DMZ ທີ່ເປັນເຂດແບ່ງແຍກສອງປະເທດນັ້ນ.
