ເກົາຫຼີເໜືອ ແລະເກົາຫຼີໃຕ້ ໄດ້ທຳການເຈລະຈາກັນ ໃນວັນ
ພະຫັດມື້ນີ້ ເພື່ອປຶກສາຫາລື ກ່ຽວກັບການເຂົ້າຮ່ວມມະຫາກຳ
ກິລາເອຊ່ຽນເກມ ຊຶ່ງຈະຈັດຂຶ້ນໃນທ້າຍປີນີ້ ຢູ່ທີ່ເກົາຫຼີໃຕ້.
ກ່ອນໜ້າການເຂົ້າຮ່ວມປະຊຸມ ຢູ່ທີ່ບ້ານຊາຍແດນ
Panmunjom ນັ້ນ ຫົວໜ້າຄະນະກຳມະການກິລາໂອລິມປິກ
ຂອງເກົາຫຼີເໜືອ ທ່ານ Son Kwang Ho ໄດ້ສະແດງຄວາມຫວັງ
ໄປໃນແງ່ດີ ໂດຍກ່າວວ່າ “ໃນກອງປະຊຸມນີ້ ໂດຍຜ່ານການ
ດຳເນີນຄວາມພະຍາຍາມຮ່ວມກັນ ຂໍໃຫ້ພວກເຮົາແນໃສ່
ຄວາມໄວ້ວາງໃຈ ແລະ ຄວາມເຂົ້າໃຈ ແລະໃນຫລັກການ
ເຫລົ່ານີ້ ແລະຂໍໃຫ້ພວກເຮົາ ແກ້ໄຂບັນຫາຕ່າງໆ.”
ຈຸດໝາຍຂອງກອງປະຊຸມໃນຄັ້ງນີ້ ຊຶ່ງໄດ້ດຳເນີນໄປເປັນເວລາ 70 ນາທີ ໂດຍພື້ນຖານ
ແລ້ວ ແມ່ນແນໃສ່ເລື່ອງພະລາທິການ ໃນການໄປມາ ຂອງຄະນະນັກກິລາເກົາຫຼີເໜືອ.
ພຽງຢາງ ວາງແຜນທີ່ຈະສົ່ງນັກກິລາ ພ້ອມດ້ວຍ ທີມກອງເຊຍ 150 ຄົນ ໄປຮ່ວມມະຫາກຳ
ກິລາເອຊ່ຽນເກມ ຊຶ່ງຈະໄດ້ຈັດຂຶ້ນ ໃນທ້າຍເດືອນກັນຍາ ຈົນເຖິງຕົ້ນເດືອນຕຸລາ ປີນີ້ ຢູ່ທີ່
ນະຄອນ Incheon ໃນເກົາຫຼີໃຕ້.
