ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຜູ້ນຳ ເກົາຫຼີເໜືອ ໄດ້ຊະນະ ການເລືອກຕັ້ງ 100 ເປີເຊັນ ຈາກປະຊາຊົນ


ທ່ານກິມ ຈົງອູນ ຜູ້ນຳເຫກົາຫຼີເໜືອ ປ່ອນບັນ ໃນວັນອາທິດວານນີ້
ທ່ານກິມ ຈົງອູນ ຜູ້ນຳເຫກົາຫຼີເໜືອ ປ່ອນບັນ ໃນວັນອາທິດວານນີ້
ສື່​ຂອງ​ລັດ​ເກົາຫຼີ​ເໜືອ ກ່າວ​ວ່າ ທ່ານ ກິມຈົງ ອຸນ ​ໄດ້​ຖືກ​ເລືອກ​
ຕັ້ງ​ເປັນສະມາຊິກ​ຂອງ​ສະພາ​ນິຕິບັນຍັດ​ສູງ​ສຸດ​ຂອງ​ປະ​ເທດ ​
ໂດຍ​ມີປະຊາຊົນ​ທີ່​ມີ​ສິດ​ປ່ອນ​ບັດ ​ໃນ​ເຂດ​ເລືອກ​ຕັ້ງ​ຂອງ​ທ່ານ
ພາກັນ​ອອກ​ໄປປ່ອນ​ບັດ ຮອດ 100 ​ເປີ​ເຊັນ ​ໃນ​ວັນ​ອາທິດ​
ວານ​ນີ້ ​ແລະ​ໄດ້​ປ່ອນ​ເອົາ​ທ່ານໝົດ​ທຸກ​ຄົນ.

ພວກ​ປ່ອນ​ບັດ ​ໃນ​ການ​ເລືອກ​ຕັ້ງ​ເອົາ​ສະພາ​ປະຊາຊົນ​ສູງ​ສຸດ
ທີ່​ເປັນ​ພຽງ​ຄັນ​ຕາ​ລະ​ບັດນັ້ນ ບໍ່​ມີ​ໂອກາດ​ໄດ້​ເລືອກ​ເອົາ​ຜູ້​ທີ່
​ເຂົາ​ເຈົ້າ​ຢາກ​ຈະ​ປ່ອນ​ເອົາ ​ເພາະວ່າ ມີ​ຜູ້​ສະໝັກ​ພຽງ​ຄົນ​ດຽວ​
ໃນ​ແຕ່ລະ​ເຂດ​ເລືອກຕັ້ງ ​ໃນ​ຈຳນວນ​ເຂດເລືອກ​ຕັ້ງ​ທັງ​ໝົດ
687 ​ແຫ່ງ​ໃນ​ທົ່ວ​ປະ​ເທດ​ນັ້ນ.

ການເລືອກ​ຕັ້ງ​ຄັ້ງ​ນີ້ ແມ່ນເປັນ​ເທື່ອ​ທຳ​ອິດ​ໃນ​ຮອບ​ຫ້າ​ປີຜ່ານມາ ແລະ​ກໍ​ເປັນ​ເທື່ອທຳອິດ
​ພາຍ​ໃຕ້​ການ​ນຳພາ​ຂອງ​ທ່ານ ກິມຈົງ ອຸນ ຊຶ່ງ​ບັດ​ນີ້ ໄດ້ມີ​ຕຳແໜ່​ງ​ສະມາຊິກ​ສະພາ ເພີ້ມຂຶ້ນ
​ອີກ​ຕຳ​ແໜ່​ງນຶ່ງ ໃສ່ຕຳ​ແໜ່​ງອື່ນໆ​ອີກຫຼາຍ​ຕຳ​ແໜ່​ງນັ້ນ.

ສະພາ​ປະຊາຊົນ​ສູງ​ສຸດ​ແມ່ນ​ເປັນ​ອົງການທີ່​ມີ​ອຳນາດ​ຫຼາຍ​ທີ່​ສຸດ ພາຍ​ໃຕ້​ລັດຖະທຳ​ມະນູນ​ຂອງ​ເກົາຫຼີເໜືອ ​ແຕ່​ໃນ​ຄວາມ​ຈິງ​ແລ້ວ ມີ​ອຳນາດ​ທາງ​ການ​ເມືອງ​ພຽງ​ໜ້ອຍ​ດຽວ.
XS
SM
MD
LG