ຜູ້ນຳເກົາຫຼີເໜືອ ທ່ານ Kim Jong Un ສະເໜີແນະວ່າ ອຳ
ນາດການປົກຄອງ ທີ່ໂດດດຽວຂອງທ່ານ ສາມາດສ້າງລະເບີດ
ໄຮໂດຣເຈັນໄດ້ແລ້ວ.
ອົງການຂ່າວສູນກາງ ຫຼື KCNA ຂອງທາງການເກົາຫຼີເໜືອ ໄດ້
ອ້າງ ຄຳເວົ້າຂອງທ່ານ ຄິມ ທີ່ກ່າວວ່າ ດຽວນີ້ ເກົາຫຼີເໜືອ ຊຶ່ງ
ເປັນ “ປະເທດນຶ່ງທີ່ມີອາວຸດນິວເຄລຍຂະໜາດແຣງ ພ້ອມແລ້ວ
ທີ່ຈະນຳໃຊ້ລະ ເບີດປາລະມານູ ແລະລະເບີດໄຮໂດຣເຈັນ ທີ່
ເຊື່ອຖືໄດ້ ເພື່ອປົກປ້ອງ ອະທິປະໄຕຂອງຕົນ.” ອົງການຂ່າວ
KCNA ກ່າວອີກວ່າ ທ່ານ ຄິມ ໄດ້ໃຫ້ຄວາມເຫັນດັ່ງກ່າວ ໃນ
ຂະນະທີ່ໄປທ່ຽວຊົມ ສະຖານທີ່ ທີ່ມີຄວາມສຳຄັນທາງປະຫວັດ
ສາດດ້ານທະຫານ ກໍຄື ສະຖານທີ່ປະຕິວັດ Phyonchon ໃນນະຄອນຫຼວງພຽງຢາງ.
ລູກລະເບີດໄຮໂດຣເຈັນ ທີ່ຮູ້ຈັກກັນໃນອີກຊື່ນຶ່ງກໍຄື ລະເບີດນິວເຄລຍ ທີ່ໃຊ້ຄວາມຮ້ອນ
ແມ່ນມີພະລັງເໜືອກວ່າ ລະເບີດປະລະມະນູຫຼາຍເທົ່າ ຍ້ອນຄວາມກ້າວໜ້າ ທາງດ້ານ
ເທັກໂນໂລຈີ ທີ່ກ່ຽວຂ້ອງ.
ອົງການຂ່າວ Yonhap ຂອງເກົາຫຼີໃຕ້ ກ່າວວ່າ ເຈົ້າໜ້າທີ່ຈາກອົງ ການສືບລັບຂອງ
ເກົາຫຼີໃຕ້ທ່ານນຶ່ງ ໄດ້ບອກໃຫ້ຕົນຊາບວ່າ ບໍ່ມີຫລັກຖານໃດໆ ທີ່ໃຫ້ການສະໜັບສະໜູນ
ຕໍ່ການກ່າວອ້າງຂອງທ່ານຄິມ.
ເກົາຫຼີເໜືອ ແມ່ນຢູ່ພາຍໃຕ້ການລົງໂທດທາງດ້ານເສດຖະກິດຢ່າງເຂັ້ມງວດ ທີ່ໄດ້ວາງ
ໂດຍສະພາຄວາມໝັ້ນຄົງອົງການສະຫະປະຊາຊາດ ຍ້ອນໄດ້ທຳການທົດລອງ ລະເບີດ
ນິວເຄລຍໃຕ້ດິນ 3 ຄັ້ງ ເມື່ອປີ 2006 2009 ແລະ 2013.
