ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສປຊ ສົ່ງເຈົ້າໜ້າທີ່ອະວຸໂສ ໄປເກົາຫຼີເໜືອ


ທ່ານນາງ Valerie Amos (ກາງ) ຮອງເລຂາທິການໃຫຍ່ ສປຊ ພ້ອມທັງເປັນຜູ້ປະສານງານກິດຈະການມະນຸດສະທຳແລະການບັນເທົາທຸກສຸກເສີນ ໂອ້ລົມກັບຊາວໂຊມາເລຍ (13 ສິງຫາ 2011)
ທ່ານນາງ Valerie Amos (ກາງ) ຮອງເລຂາທິການໃຫຍ່ ສປຊ ພ້ອມທັງເປັນຜູ້ປະສານງານກິດຈະການມະນຸດສະທຳແລະການບັນເທົາທຸກສຸກເສີນ ໂອ້ລົມກັບຊາວໂຊມາເລຍ (13 ສິງຫາ 2011)

ອົງການສະຫະປະຊາຊາດສົ່ງທ່ານນາງ Valerie Amos ຫົວໜ້າໃຫ້ການຊ່ອຍເຫຼືອທາງ
ດ້ານມະນຸດສະທຳໄປຍັງເກົາຫຼີເໜືອໃນເດືອນໜ້ານີ້ ເພື່ອຊັ່ງຊາຕີລາຄາເບິ່ງສະຖານະການ ທາງດ້ານອາຫານຂອງປະເທດດັ່ງກ່າວ.

ອົງການສະຫະປະຊາຊາດກ່າວວ່າ ທ່ານນາງ Amos ຈະເດີນທາງໄປຢ້ຽມຢາມເກົາຫຼີເໜືອ
ເປັນເວລາ 5 ເລີ່ມແຕ່ວັນທີ 17 ຕຸລາເປັນຕົ້ນໄປອັນເປັນພາກສ່ວນນຶ່ງຂອງການເດີນທາງ
ທີ່ຮວມທັງການຢຸດແວ່ທີ່ປະເທດຈີນນຳ.

ເກົາຫຼີເໜືອ ໄດ້ຮ້ອງຂໍໃຫ້ນາໆຊາດຊ່ອຍຮັບມື ກັບການຂາດແຄນອາຫານແບບຊໍາເຮື້ອທີ່
ມີສາເຫດສ່ວນນຶ່ງແລ້ວ ມາຈາກໄພນໍ້າຖ້ວມ ແລະການລົງໂທດກ່ຽວກັບໂຄງການສ້າງອາ
ວຸດນິວເຄລຍ.

ອົງການສະຫະປະຊາຊາດໄດ້ຮ້ອງຂໍການຊ່ອຍເຫຼືອໃນມູນຄ່າ 218 ລ້ານໂດລາສຳລັບເກົາ
ຫຼີເໜືອ ແຕ່ກ່າວວ່າ ຕົນໄດ້ຮັບການສະໜອງຕອບແຕ່ພຽງ 10% ຂອງຈຳນວນດັ່ງກ່າວ.

ກະຊວງການຕ່າງປະເທດສະຫະລັດກ່າວວ່າ ສະຫະລັດຍັງຈະບໍ່ໃຫ້ການຊ່ອຍເຫຼືອທາງດ້ານ
ອາຫານແກ່ເກົາຫຼີເໜືອເທື່ອ ຈົນກວ່າຕົນຈະສາມາດຊັ່ງຊາຕີລາຄາເບິ່ງຢ່າງຄົບຖ້ວນກ່ຽວກັບ ຄວາມຕ້ອງການຂອງເກົາຫຼີເໜືອ.

XS
SM
MD
LG