ລິ້ງ ສຳຫລັບເຂົ້າຫາ

ວັນຈັນ, ໒໐ ພຶດສະພາ ໒໐໒໔

ເກົາຫຼີເໜືອ ຂົ່ມຂູ່ຈະຕອບໂຕ້ແບບ ‘ບໍ່ເຄີຍມີມາກ່ອນ’ ຕໍ່ການຊ້ອມລົບຂອງ ສະຫະລັດ ແລະ ເກົາຫຼີໃຕ້


ພວກທະຫານກອງທັບບົກຂອງເກົາຫຼີໃຕ້ ກຳລັງລາດຕະເວນ ຢູ່ເລາະຕາມຮົ້ວໜາມໝາກຈັບ ໃນເມືອງປາຈູ ຂອງເກົາຫຼີໃຕ້, ໃກ້ກັບເຂດຊາຍແດນຕິດເກັບເກົາຫຼີເໜືອ, ວັນທີ 16 ກຸມພາ 2023.
ພວກທະຫານກອງທັບບົກຂອງເກົາຫຼີໃຕ້ ກຳລັງລາດຕະເວນ ຢູ່ເລາະຕາມຮົ້ວໜາມໝາກຈັບ ໃນເມືອງປາຈູ ຂອງເກົາຫຼີໃຕ້, ໃກ້ກັບເຂດຊາຍແດນຕິດເກັບເກົາຫຼີເໜືອ, ວັນທີ 16 ກຸມພາ 2023.

ເກົາຫຼີເໜືອ ໄດ້ເຕືອນໃນວັນສຸກມື້ນີ້ ກ່ຽວກັບການຕອບໂຕ້ ທີ່ບໍ່ເຄີຍມີມາກ່ອນ ຖ້າຫາກສະຫະລັດ ແລະເກົາຫຼີໃຕ້ ຍັງຈະເດີນໜ້າຕໍ່ໄປກັບແຜນການຊ້ອມລົບທາງທະຫານຮ່ວມກັນ ເຊິ່ງເມື່ອມໍ່ໆມານີ້ ໄດ້ເພີ້ມທະວີຂຶ້ນ ເຊິ່ງເປັນການຕອບໂຕ້ຕໍ່ການທົດລອງອາວຸດຂອງເກົາຫຼີເໜືອ.

ໃນຄຳເຫັນທີ່ພິມ​ເຜີຍແຜ່ໂດຍ ອົງການສູນກາງຂ່າວຂອງທາງການເກົາຫຼີເໜືອ ຫຼື KCNA ກະຊວງການຕ່າງປະເທດຂອງເກົາຫຼີເໜືອ ໄດ້ທຳ​ນາຍວ່າ ແຫຼມເກົາ “ຈະຕົກລົງສູ່ວົງວຽນແຫ່ງຄວາມເຄັ່ງຕຶງທີ່ທະວີຄວາມຮຸນແຮງຂຶ້ນອີກເທື່ອນຶ່ງ” ຖ້າສະຫະລັດ ແລະເກົາຫຼີໃຕ້ ເດີນໜ້າ​ທຳ​ການຊ້ອມລົບ.

ໃນພາບນີ້ທີ່ສະໜອງໂດຍ ລັດຖະບານເກົາຫຼີເໜືອ, ສະແດງໃຫ້ເຫັ ທ່ານກິມ ຈົງ ອຶນ, ຢູ່ກາງເບື້ອງຊ້າຍ, ແລະລູກສາວຂອງທ່ານ ເຂົ້າຮ່ວມຊົມ ການສວນສະໜາມ ທາງການທະຫານ ທີ່ເປັນຂີດໝາຍ ການສ້າງຕັ້ງກອງທັບປະຊາຊົນເກົາຫຼີ ຄົບຮອບ 75 ປີ ຢູ່ຈັດຕຸລັດ ກິມ ອີລ ຊັງ ໃນນະຄອນຫຼວງພຽງຢາງin, ເກົາຫຼີເໜືອ, ວັນທີ 8 ກຸມພາ 2023.
ໃນພາບນີ້ທີ່ສະໜອງໂດຍ ລັດຖະບານເກົາຫຼີເໜືອ, ສະແດງໃຫ້ເຫັ ທ່ານກິມ ຈົງ ອຶນ, ຢູ່ກາງເບື້ອງຊ້າຍ, ແລະລູກສາວຂອງທ່ານ ເຂົ້າຮ່ວມຊົມ ການສວນສະໜາມ ທາງການທະຫານ ທີ່ເປັນຂີດໝາຍ ການສ້າງຕັ້ງກອງທັບປະຊາຊົນເກົາຫຼີ ຄົບຮອບ 75 ປີ ຢູ່ຈັດຕຸລັດ ກິມ ອີລ ຊັງ ໃນນະຄອນຫຼວງພຽງຢາງin, ເກົາຫຼີເໜືອ, ວັນທີ 8 ກຸມພາ 2023.

ຖະແຫລງການຂອງເກົາຫຼີເໜືອ ໄດ້ກ່າວອີກວ່າ “ໃນກໍລະນີ ທີ່ສະຫະລັດ ແລະ ເກົາຫຼີໃຕ້ ດຳເນີນການຊ້ອມລົບທາງການທະຫານ ຕາມແຜນການ ທີ່ພວກເຂົາໄດ້ປະກາດໄປແລ້ວນັ້ນ.....ພວກເຂົາຈະປະເຊີນກັບການໂຕ້ຕອບ ຢ່າງບໍ່ລົດລະ ແລະແຂງແກ່ນ ແບບບໍ່ເຄີຍມີມາກ່ອນ.”

ເມື່ອຕອນເຊົ້າວັນສຸກມື້ນີ້ ກອງທັບຂອງເກົາຫຼີໃຕ້ ໄດ້ປະກາດວ່າ ຕົນຈະທຳການຊ້ອມແບບ “ເທິງໜ້າໂຕະ (tabletop)” ໝາຍເຖິງການຊ້ອມ ທີ່ຄູ່ພາຄີປຶກສາຫາລືກັນ ກ່ຽວກັບບົດບາດຂອງແຕ່ລະຝ່າຍ ໃນກໍລະນີສຸກເສີນ ເຊິ່ງມີລັກສະນະແບບຫ້ອງຮຽນ ຢູ່ທຳນຽບຫ້າແຈ ໃນວັນພຸດຜ່ານມານີ້ ທີ່ຈະຈຳລອງການໂຈມຕີດ້ວຍນິວເຄລຍຂອງເກົາຫຼີເໜືອ.

ກະຊວງປ້ອງກັນປະເທດຂອງເກົາຫຼີໃຕ້ ກ່າວຕື່ມວ່າ ການຊ້ອມບົນພື້ນຖານຂອງການປຶກສາຫາລື ຈະຕິດຕາມມາດ້ວຍ ການເດີນທາງໄປຢ້ຽມຢາມຖານທັບ​ຂອງກອງທັບເຮືອສະຫະລັດ ໃນລັດຈໍເຈຍ ຢູ່ທາງພາກຕາເວັນອອກສຽງໃຕ້ ຂອງສະຫະລັດ ທີ່ເປັນທ່າກຳ​ປັ່ນເຮືອດຳນ້ຳພະລັງນິວເຄລຍຂອງສະຫະລັດ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG