ລິ້ງ ສຳຫລັບເຂົ້າຫາ

ເກົາ​ຫລີ​ເໜືອ​ ຂູ່​ທີ່​ຈະ​ຖອນຜູ້​ແທນ​ຂອງ​ຕົນ​ອອກ​ຈາກການແຂ່ງ
ຂັນກິລາ​ເອຊ່ຽນ​ເກ​ມ ທີ່​ມີກຳນົດ ຈະເລີ້ມຂື້ນ​ ຢູ່ເກົາຫລີ​ໃຕ້ ໃນ
ທ້າຍປີນີ້ ຫລັງ​ຈາກ​ການ​ເຈລະຈາ ກ່ຽວກັບການ​ເຂົ້າຮ່ວມ​ຂອງ
​ເກົາຫລີ​ເໜືອ ​ໄດ້​ແຕກຫັກລົງ ​ໃນ​ອາທິດ​ນີ້.

ອົງການ​ຂ່າວ​ສູນກາງ ຂອງທາງການເກົາຫລີ​ເໜືອ ກ່າວ​ວ່າ ​ບັນ
ດາ​ເຈົ້າ​ໜ້າ​ທີ່ ເກົາຫລີ​ໃຕ້​ໄດ້​ຮຽກຮ້ອງຢ່າງຕໍ່​ເນຶ່ອງ “ແບບໄຮ້ສາ
ລະ” ​ໃນ​ການເຈລະຈາກັນ ໃນມື້ວັນ​ພະຫັດ​ວານນີ້ ຢູ່ທີ່​ບ້ານຊາຍ
ແດນ Panmunjom.

​ໂດຍ​ສະ​ເພາະ​ແລ້ວ ອົງການຂ່າວສູນ​ກາງ ​ຂອງເກົາຫລີ​ເໜືອ​
ກ່າວວ່າ ເກົາຫຼີໃຕ້ໄດ້​ຕິ​ຕຽນ​ພຽງ​ຢາງ​ວ່າ ​ສົ່ງ​ນັກ​ກິລາ​ຫລາຍ​ເກີນ​ໄປ​ ເພື່ອ​ເຂົ້າ​ຮ່ວມ​ການແຂ່ງ​ຂັນດັ່ງກ່າວ ​ແລະ​ຍັງ​ກ່າວ​ອີກ​ວ່າ ​ເກົາຫລີ​ໃຕ້​ໄດ້​ພະຍາຍາ​ມຈຳກັດ​ຈຳນວນ​ທຸງຂອງ ​ເກົາຫລີ​ເໜືອ ທີ່​ຈະ​ນຳ​ມາປັກ​ຢູ່​ໃນ​ພິທີການແຂ່ງຂັນ.

ບັນດາ​ເຈົ້າ​ໜ້າ​ທີ່ເກົາຫລີໃຕ້ ໄດ້​ປະຕິ​ເສດໃນວັນ​ສຸກ​ມື້​ນີ້​ວ່າ ບໍ່​ໄດ້​ຮຽກຮ້ອງແບບ ນັ້ນແລ້ວ ​ແລະ​ກ່າວ​ວ່າ ​ເຂົາ​ເຈົ້າພຽງ​ແຕ່​ພະຍາຍາມ​ຢາກ​ຮູ້​ລາຍ​ລະ​ອຽດເພີ້ມຕື່ມ ກ່ຽວກັບຈຳນວນ
ຂອງຜູ້ແທນ​ເກົາຫລີ​ເໜືອ ທີ່ຈະມາຮ່ວມໃນການແຂ່ງຂັນ.

ການ​ເຈລະຈາຊຶ່ງ​ຄາດ​ວ່າ ຈະ​ເນັ້ນ​ໜັກ​ໃສ່່​ບັນ​ຫາດ້ານພະລາທິການຕ່າງໆສຳລັບ ຄະນະ​ຜູ້ຕາງໜ້າເກົາຫລີ​ເໜືອ ​ໂດຍມີ​ລາຍ​ງານວ່າ ​ຕົກລົງ​ກັນ​ບໍ່ໄດ້ກ່ຽວ​ກັບ​ວ່າ ​ແມ່ນ​ໃຜ​ເປັນ​ຜູ້​
ໃຊ້​ຈ່າຍ​ ສຳລັບການ​ເດີນທາງ​ຂອງເກົາຫລີ​ເໜືອ.

​ເກົາຫລີ​ໃຕ້ ຊຶ່ງແຕ່ໃດໆມາ​ ແມ່ນເປັນໃຊ້​ຈ່າ​ຍ ໃຫ້​ແກ່​ຄະນະຜູ້ຕາງໜ້າກົາຫລີ​ເໜືອ ເຖິງ​
ແມ່ນ​ເຈົ້າ​ໜ້າ​ທີ່​ເກົາຫລີໃຕ້ ກ່າວ​ວ່າ ໃນ​ທີ່​ສຸດເຂົາ​ເຈົ້າກໍຢາກໃຫ້ເກົາ ຫລີເໜືອ ເປັນຜູ້ຈ່າຍ​
ເອງ ເພື່ອໃຫ້ເປັນທີ່ສອດຄ່ອງ​ກັບ​ມາດຕະຖານ​ສາກົນ.

ກ່ອນໜ້ານີ້ ພຽງ​ຢາງໄດ້​ປະກາດ​ວ່າ ຕົນມີແຜນຈະ​ສົ່ງນັກ​ກິລາ 150 ຄົນ​ແລະຄະນະກອງ ​ເຊຍໄປຮ່ວມການ​ແຂ່ງຂັນ​ກິລາກິລາເອຊ່ຽນເກມ ທີ່​ຈະ​ຈັດ​ຂື້ນ​ໃນ​ທ້າຍ​ເດືອນ​ກັນຍາ ​ຫາຕົ້ນ​ເດືອນ​ຕຸລາ ທີ່ເມືອງ Incheon ​ໃນເກົາຫຼີໃຕ້.

XS
SM
MD
LG