ເຈົ້າໜ້າທີ່ຂັ້ນອະວຸໂສຄົນນຶ່ງ
ຂອງເກົາຫລີເໜືອກ່າວວ່າ
ພຽງຢາງມີຈຸດປະສົງທີ່ຈະຄັດ
ຄ້ານຕ້ານຢັນຢ່າງແຂງແຮງຂຶ້ນ
ຕໍ່ຄວາມກົດດັນຂອງນາໆຊາດ
ທີ່ບີບບັງຄັບໃຫ້ຕົນປະລະໂຄງ
ການນີວເຄລຍນັ້ນ.
ທ່ານນາງ Choi Sun Hee
ຜູ້ຮອງອະທິບໍດີຄົນນຶ່ງຂອງກະ
ຊວງການຕ່າງປະເທດເກົາຫລີ
ເໜືອ ໄດ້ສົ່ງສານທາງ e-mail
ທີ່ບໍ່ສູ້ມີນັ້ນ ມາຍັງພະແນກພາ
ສາເກົາຫລີ ຂອງວິທະຍຸວີໂອເອ ໃນວັນພະຫັດຜ່ານມານີ້ ລຸນຫລັງການສົນທະນາກັນແບບ
ບໍ່ເປັນທາງການ ເປັນເວລາ 3 ມື້ ລະຫວ່າງບັນດານັກການທູດເກົາຫລີເໜືອ ແລະຄະນະ
ຜູ້ແທນສະຫະລັດ ທີ່ແມ່ນທາງການຄະນະນຶ່ງ.
ທ່ານນາງ Choi ກ່າວວ່າ ທ່ານນາງໄດ້ນໍາພາທີມຂອງເກົາຫລີເໜືອ ໃນການເຈລະຈາກັນຢູ່
ທີ່ສິງກະໂປໃນອາທິດນີ້ ແລະວ່າ ຈາກຜົນຂອງການເຈລະຈານັ້ນ ລັດຖະບານຂອງທ່ານນາງ
ບໍ່ມີທາງເລືອກອື່ນໃດ ນອກຈາກຈະພິຈາລະນາຄືນໃໝ່ ເລື່ອງບັນຫານີວເຄລຍຂອງຕົນ ຍ້ອນ
“ນະໂຍບາຍທີ່ເປັນປໍລະປັກຢ່າງໜັກແໜ້ນ” ຂອງ ວໍຊິງຕັນ ທີ່ມີຕໍ່ຕົນ. ທ່ານນາງກ່າວອີກວ່າ
ຖ້າຫາກບໍ່ມີການປ່ຽນແປງໃນທ່າທີຂອງສະຫະລັດແລ້ວ “ຊ່ອງທາງໃນການທີ່ເກົາຫລີເໜືອ
ຈະປະລະໂຄງການນີວເຄລຍ ຂອງຕົນ” ນັ້ນ ແມ່ນໄກຫລາຍ.