ອົງການຂ່າວ KCNA ຂອງເກົາຫລີເໜືອເວົ້າໃນວັນສຸກມື້ນີ້ວ່າເກົາຫລີເໜືອປະສົບຜົນ
ສໍາເລັດໃນການທົດລອງ “ຈະຫລວດຍິງຈາກດິນໄປໃສ່ເຮືອຢູ່ທະເລ” ອັນໃໝ່ ທີ່ມີ
ຄວາມສາມາດໃນການຍິງເຮືອລົບຂອງສັດຕູທີ່ກໍາລັງທໍາການໂຈມຕີຢູ່.
ອົງການຂ່າວຍັງເວົ້າອີກວ່າ ໃນວັນພະຫັດວານນີ້ ພາຍໃຕ້ການຊີ້ນໍາຂອງຜູ້ນໍາ Kim
Jong Un ນະຄອນພຽງຢາງໄດ້ຍິງລູກສອນໄຟຂີປະນາວຸດທີ່ຍິງອອກຈາກດິນໄປຫາ
ທະເລ ຫລາຍໆລູກ. ແລະລູກສອນໄຟຂີປະນາວຸດດັ່ງກ່າວ "ຊອກຫາ ແລະຍິງໃສ່ເປົ້າ
ໝາຍທີ່ລ່ອງລອຍຢູ່ທະເລຕາເວັນອອກຂອງເກົາຫລີໄດ້ຢ່າງແມ່ນຢໍາ”.
ການທົດລອງລູກສອນໄຟຂີປະນາວຸດຄັ້ງນີ້ ເປັນຄັ້ງທີສີ່ ທີ່ເກົາຫລີເໜືອໄດ້ດໍາເນີນໄປ
ໃນ ໄລຍະນຶ່ງເດືອນນີ້ ແລະກໍມີຂຶ້ນພາຍຫລັງທີ່ສະພາຄວາມໝັ້ນຄົງຂອງສະຫະປະ
ຊາຊາດ ໄດ້ວາງມາດຕະການລົງໂທດໃໝ່ຕໍ່ລັດຖະບານຂອງທ່ານຄີມ ໃນອາທິດແລ້ວ
ນີ້.ການທົດລອງໃນສາມຄັ້ງທີ່ຜ່ານມາແມ່ນລູກສອນໄຟຂີປະນາວຸດທີ່ເກົາຫລີເໜືອ
ປະກົດວ່າ ໄດ້ຕັ້ງໃຈທີ່ຈະພັດທະນາລູກສອນໄຟຂີປະນາວຸດ ທີ່ມີຄວາມສາມາດບັນ
ຈຸອາວຸດນີວເຄລຍ ແລະຍິງໄປເຖິງແຜ່ນດິນໃຫຍ່ຂອງສະຫະລັດໄດ້.
ທ່ານນາງ Heather Nauert ໂຄສົກກະຊວງການຕ່າງປະເທດ ສະຫະລັດກ່າວໃນວັນ
ພະຫັດວານນີ້ວ່າ ການທີ່ນະຄອນພຽງຢາງໄດ້ເພີ້ມທະວີການທົດລອງລູກສອນໄຟຂີປະ
ນາວຸດນັບມື້ ນັບເພີ້ມຂຶ້ນ ແມ່ນເຮັດໃຫ້ການກັບຄືນມາພົບປະເຈລະຈາກັນລະຫວ່າງສະ
ຫະລັດກັບເກົາຫລີເໜືອ ຫຍຸ້ງຍາກຂຶ້ນ. ທ່ານນາງກ່າວວ່າ:"ພວກເຮົາຫວັງວ່າ ຮອດ
ເວລາໃດນຶ່ງພົບປະເຈລະຈາກັນອາດກັບມາດໍາເນີນໄປໄດ້ໃນອະນາຄົດອັນໃກ້ໆນີ້ ແຕ່
ວ່າຕອນນີ້ ພວກເຮົາບໍ່ເຫັນເລີຍວ່າມັນໃກ້ຈະເກີດຂຶ້ນແລ້ວ.”
ການທົດລອງລູກສອນໄຟຂີປະນາວຸດຄັ້ງຜ່ານມາ ແມ່ນໄດ້ດໍາເນີນໄປນຶ່ງວັນຫລັງຈາກ
ເກົາຫລີໃຕ້ຢຸດຕິການໃຊ້ລະບົບຕ້ານລູກສອນໄຟທີ່ຍິງມາໃນລະດັບສູງທີ່ເອີ້ນວ່າ
THAAD ນັ້ນ.
