ເກົາຫຼີໃຕ້ ກ່າວວ່າ ເປັນທີ່ປາກົດຢ່າງແຈ້ງຊັດວ່າ ເກົາຫຼີເໜືອ ໄດ້ທົດລອງຍິງລູກສອນໄຟ ຈາກດິນລົງສູ່ກໍ່າປັ່ນ ຫຼາຍໆບັ້ນມາແລ້ວ.
ຫົວໜ້າເສນາທິການຮ່ວມຂອງໂຊລ໌ ກ່າວວ່າ ໄດ້ມີການຍິງທົດລອງຫຼາຍໆບັ້ນ ໃນເຊົ້າວັນພະຫັດມື້ນີ້ ຈາກ ເມືອງ Wosan ທາງຝັ່ງທະເລກ້ຳຕາເວັນອອກສຽງເໜືອຂອງປະເທດ ແຕ່ບໍ່ໄດ້ໃຫ້ລາຍລະອຽດຫຍັງ.
ນີ້ແມ່ນການທົດລອງຍິງລູກສອນໄຟ ຄັ້ງທີ 4 ທີ່ມີຂຶ້ນ ໃນນຶ່ງເດືອນ ຫຼັງຈາກສະພາຄວາມໝັ້ນຄົງອົງການສະຫະປະຊາຊາດ ໄດ້ລົງໂທດພຽງຢາງ ເພີ່ມຕື່ມໃນສັບປະດາທີ່ແລ້ວນີ້.
ການທົດລອງຍິງ ທັງ 3 ຄັ້ງຫຼ້າສຸດ ນັ້ນ ແມ່ນເປັນລູກສອນໄຟຂີປະນາວຸດ.
ເບິ່ງຄືວ່າ ເກົາຫຼີເໜືອ ມີຄວາມຈົງໃຈທີ່ຈະພັດທະນາໂຄງການລູກສອນໄຟຂີປະນາວຸດ
ທີ່ຈະສາມາດບັນຈຸອາວຸດນິວເຄລຍໄດ້ ແລະໃຫ້ສາມາດຍິງຮອດແຜ່ນດິນໃຫຍ່ຂອງ
ສະຫະລັດ.
ລັດຖະບານຂອງທ່ານ ທຣຳ ໄດ້ອາໄສຈີນ ເສນາທິການຂອງເກົາຫຼີເໜືອ ທີ່ເປັນພາຄີ
ສຳຄັນນັ້ນ ໃຫ້ເຂົ້າເຖິງຄວາມຢາກຄອບຄອງໂຄງການອາວຸດນິວເຄລຍດັ່ງກ່າວ.
ໃນຂະນະດຽວກັນນີ້ ເກົາຫຼີໃຕ້ ກໍໄດ້ກ່າວວ່າ ຕົນຈະໂຈະການພັດທະນາທີ່ມີຄວາມຂັດ
ແຍ່ງກັນຕໍ່ໄປ ຂອງລະບົບປ້ອງກັນລູກສອນໄຟຂອງສະຫະລັດ ຈົນກວ່າວ່າການສຶກສາ
ໄຕ່ຕອງທີ່ມີຄຳສັ່ງມາຈາກ ປະທານາທິບໍດີຄົນໃໝ່ ທ່ານ Moon Jae-in ກ່ຽວກັບຜົນ
ກະທົບຕໍ່ສະພາບແວດລ້ອມ ຈະເສັດສິ້ນເສຍກ່ອນ
ພາຍໃຕ້ປະທານາທິບໍດີຄົນກ່ອນ ທ່ານນາງ Park Geun-Hye ຈະຖືກປົດອອກຈາກ
ອຳນາດໃນປີກາຍນີ້ ໂຊລ໌ ໄດ້ຕົກລົງວ່າຈະຕິດຕັ້ງ ລະບົບປ້ອງກັນລູກສອນໄຟ
ທີ່ຍິງມາຈາກເກົາຫຼີເໜືອ ເຖິງແມ່ນວ່າ ຝ່າຍຄ້ານທີ່ໂກດແຄ້ນ ຈາກປັກກິ່ງ ຈະມອງເຫັນ
ວ່າເປັນການຂົ່ມຂູ່ ຄວາມສາມາດຂອງກອງກຳລັງຂອງຕົນ ກໍຕາມ.
