ເກົາຫຼີເໜືອແມ່ນໄດ້ກ່າວຫາເພື່ອນບ້ານ ເກົາຫຼີໃຕ້ວ່າ
ໄດ້ທໍາໃຫ້ຄວາມຫວັງຂອງການທີ່ຈະປັບປຸງສາຍພົວພັນ
ລະຫວ່າງກັນໃຫ້ດີຂຶ້ນນັ້ນຫຼຸດນ້ອຍລົງ ເພາະບໍ່ຮັບເອົາ
ການສະເໜີ ສົນທະນາຂອງເກົາຫຼີເໜືອນັ້ນ.
ເກົາຫຼີໃຕ້ບໍ່ຮັບເອົາການສະເໜີຂອງເກົາຫຼີເໜືອໃນວັນຈັນ
ວານນີ້ ແລະເອີ້ນການສະເໜີດັ່ງກ່າວນີ້ວ່າ ເປັນແຜນການ
ທີ່ຕ້ອງການຊ່ອຍເຫຼືອທາງດ້ານເສດຖະກິດຫຼາຍກວ່າ.
ແຕ່ບົດບັນນາທິການຂອງທາງການເກົາຫຼີເໜືອຖະແຫລງໃນວັນອັງຄານນີ້ວ່າທາງເກົາຫຼີ
ເໜືອແມ່ນຈິງຈັງທີ່ຈະທຳການເຈລະຈາຢ່າງມີຄວາມໝາຍແລະວ່າດ້ວຍຄວາມຈິງໃຈ ຈະໄດ້ຮັບການຢືນຢັນເມື່ອໃດຫາກໄດ້ມີການສົນທະນາໂອ້ລົມກັນແບບຊຶງໆໜ້າ.
ເກົາຫຼີເໜືອໄດ້ສະເໜີຢ່າງເປັນທາງການໄປຫາກະຊວງທ້ອນໂຮມຊາດເກົາຫຼີໃຕ້ໃນວັນຈັນ
ວານນີ້ຊຶ່ງຖະແຫຼງການດັ່ງກ່າວໄດ້ຮຽກຮ້ອງໃຫ້ເປີດການເຈລະຈາໃນລະດັບປະຕິບັດງານ
ເລີ່ມໃນວັນທີ່ 27 ເດືອນມັງກອນນີ້ໂດຍແນໃສ່ເພື່ອກະກຽມການສົນທະນາຫາລືໃນລະດັບ
ທີ່ສູງລະຫວ່າງສອງເກົາຫຼີ.
ແທນທີ່ເກົາຫຼີໃຕ້ແທນທີ່ຈະຈະສະເໜີໃຫ້ມີການສົນທະນາຫາລືໃນລະດັບລັດຖະບານກັບ
ລັດຖະບານ ແຕ່ເກົາຫຼີໃຕ້ກັບພິຈາລະນາເບິ່ງວ່າເກົາຫຼີເໜືອມີຄວາມຈິງໃຈທີ່ຈະຫຼຸດຜ່ອນ
ຄວາມເຄັ່ງຕຶງໃນແຫຼມເກົາຫຼີຫຼືບໍ່.
