ປະທານາທິບໍດີ ຣັດເຊຍ ທ່ານ ວລາດິເມຍ ປູຕິນ ແມ່ນມີກຳນົດທີ່ເດີນທາງໄປຮອດນະຄອນຫຼວງພຽງຢາງໃນວັນອັງຄານມື້ນີ້ ສຳລັບການຢ້ຽມຢາມທີ່ບໍ່ຄ່ອຍເກີດຂຶ້ນ ທີ່ອາດສົ່ງຜົນໃຫ້ເກີດການເຊັນ “ສົນທິສັນຍາຄູ່ຮ່ວມມືຍຸດທະສາດ,” ອີງຕາມບັນດາເຈົ້າໜ້າທີ່ວັງເຄຣັມລິນ.
ໃນການຢ້ຽມຢາມທີ່ຖືກອະທິບາຍດັ່ງກັບ “ການຢ້ຽມຢາມມິດຕະພາບທາງລັດຖະການ” ນັ້ນ, ການເດີນທາງດັ່ງກ່າວ ຈະເປັນການຢ້ຽມຢາມ ເກົາຫຼີເໜືອ ຄັ້ງທຳອິດຂອງ ທ່ານ ປູຕິນ ໃນຮອບ 24 ປີ, ໃນຂະນະທີ່ທ່ານພະຍາຍາມຈະຂະຫຍາຍການສະໜັບສະໜູນການໂຈມຕີຢູເຄຣນຂອງທະຫານຂອງທ່ານ.
ບັນດາເຈົ້າໜ້າທີ່ ສະຫະລັດ ແລະ ເກົາຫຼີໃຕ້ ໄດ້ກ່າວຫາ ພຽງຢາງ ກ່ຽວກັບ ການສະໜອງປືນໃຫຍ່, ລູກສອນໄຟ ແລະ ອຸປະກອນທາງທະຫານອື່ນໆໃຫ້ ຣັດເຊຍ, ເຊິ່ງມີຄວາມເປັນໄປໄດ້ວ່າ ຈະໄດ້ຮັບການຕອບແທນເປັນເທັກໂນໂລຈີທາງທະຫານທີ່ສຳຄັນ ແລະ ການຊ່ວຍເຫຼືອອື່ນໆ.
ທັງ ພຽງຢາງ ແລະ ມົສກູ ໄດ້ປະຕິເສດການກ່າວຫາກ່ຽວກັບການສົ່ງອາວຸດຂອງ ເກົາຫຼີເໜືອ. ບັນດາເຈົ້າໜ້າທີ່ລັດຖະບານ ຢູເຄຣນ ໄດ້ບັນທຶກລູກປືນທີ່ຜະລິດໂດຍ ເກົາຫຼີເໜືອ ຢູ່ໃນສະໜາມລົບ.
ທ່ານ ປູຕິນ ແລະ ຜູ້ນຳເກົາຫຼີເໜືອ ທ່ານ ກິມ ຈົງ ອຶນ ແມ່ນຄາດວ່າ ຈະເຊັນຂໍ້ຕົກລົງຄູ່ຮ່ວມມືໃໝ່ ທີ່ຈະລວມມີບັນຫາດ້ານຄວາມໝັ້ນຄົງ, ອີງຕາມທີ່ປຶກສານະໂຍບາຍຕ່າງປະເທດ ຣັດເຊຍ ທ່ານ ຢູຣີ ອູຊາກອຟ.
ຣັດເຊຍ ແລະ ເກົາຫຼີເໜືອ ແມ່ນລວມຢູ່ໃນປະເທດທີ່ຖືກມາດຕະການລົງໂທດຫຼາຍທີ່ສຸດໃນໂລກ.
ທ່ານ ລີຟ ເອຣິກ ອີສລີ, ອາຈານສອນຢູ່ມະຫາວິທະຍາໄລ ອີວາ ໃນນະຄອນຫຼວງ ໂຊລ໌ ໄດ້ກ່າວວ່າ “ລາຍຊື່ຂອງປະເທດທີ່ຍິນດີຈະຕ້ອນຮັບທ່ານ ປູຕິນ ແມ່ນສັ້ນກວ່າທີ່ເຄີຍມີມາ, ແຕ່ສຳລັບທ່ານ ກິມ ຈົງ ອຶນ ແລ້ວ, ການຢ້ຽມຢາມໃນຄັ້ງນີ້ແມ່ນໄຊຊະນະ.”
ການຄ້າຂ້າຍອາວຸດປະເພດໃດກໍຕາມລະຫວ່າງສອງປະເທດດັ່ງກ່າວ ຈະເປັນການລ່ວງລະເມີດມະຕິຫຼາຍສະບັບຂອງສະພາຄວາມໝັ້ນຄົງສະຫະປະຊາຊາດ ທີ່ ຣັດເຊຍ ເຊິ່ງແມ່ນສະມາຊິກຖາວອນໄດ້ຮັບຮອງເອົາ.
Russian President Vladimir Putin is set to arrive in Pyongyang Tuesday for a rare visit that could result in the signing of a “strategic partnership treaty,” according to Kremlin officials.
Described as a “friendly state visit,” the trip will be Putin’s first to North Korea in 24 years as he looks to bolster support of his military offensive in Ukraine.
U.S. and South Korean officials have accused Pyongyang of providing Russia with artillery, missiles and other military equipment, possibly in return for key military technologies and aid.
Both Pyongyang and Moscow have denied accusations about North Korean weapons transfers; Ukrainian government officials have documented North Korean-made shells found on the battlefield.
Putin and North Korean leader Kim Jong Un are expected to sign a new partnership agreement that would include security issues, according to Russian foreign policy adviser Yuri Ushakov.
Russia and North Korea are among the most-sanctioned countries in the world.
“The list of countries willing to welcome Putin is shorter than ever, but for Kim Jong Un, this visit is a victory,” said Leif-Eric Easley, professor at Ewha University in Seoul.
Any kind of weapons trade between the two countries would violate several U.N. Security Council resolutions that permanent-member Russia endorsed.
ຟໍຣັມສະແດງຄວາມຄິດເຫັນ