ລິ້ງ ສຳຫລັບເຂົ້າຫາ

ເກົາຫລີເໜືອ ປະຕິເສດ ຕໍ່ການເຈລະຈາຄືນໃໝ່ ກັບ ສະຫະລັດ


ປະຊາຊົນເກົາຫລີເໜືອ ຫລາຍພັນຄົນ ພາກັນເຕົ້າໂຮມກັນຢູ່ ຈະຕຸລັດ Kim Il Sung.

ເກົາຫລີ​ເໜືອໄດ້​ບອກເລີກ ກ່ຽວກັບ​ຄວາມເປັນ​ໄປ​ໄດ້ຕໍ່ການທີ່
ຈະເປີດ​ເຈ​ລະ​ຈາ​ຄຶນ​ໃໝ່​ກັບສະຫະລັດທີ່​ເກົາຫລີເໜືອກ່າວ​ຫາ​
ວ່າ ພະຍາຍາມ​ທີ່​ຈະ​ໂຄນ​ລົ້ມ​ລັດ ຖະບານຄອມ​ມິ​ວນິສ ​ໃນ​ນະ
ຄອນ​ພຽງ​ຢາງນັ້ນ.

ຢູ່​ໃນ​ຖະ​ແຫລ​ງການ​ ໃນ​ວັນ​ພຸດ​ມື້​ນີ້ ຄະນະ​ກຳມາທິການ​ປ້ອງ​
ກັນ​ປະ​ເທດທີ່​ເປັນອົງການຈັດຕັ້ງ​ສູງ​ສຸດທາງທະຫານ​ຂອງ​ເກົາ
ຫລີ​ເໜືອຍັງ​ໄດ້​ຂົ່ມຂູ່​ທີ່ຈະ​ຕອບ​ໂຕ້​ໃນການໂຈມ​ຕີດ້ວຍອາວຸດ
ນິວ​ເຄລຍ ​ແລະອິນ​ເຕີ​ແນັດ​ໃສ່ສະຫະລັດ.

ຖະ​ແຫລ​ງການ​ກ່າວວ່າ “ບັດ​ນີ້ ພວກ​ອັນ​ທະພານ​ຄື​ກັບ​ກອງທັບ
ຈັກກະພັດນິຍົມ ສະຫະລັດທີ່ມີຍຸດ​ທະ​ສາດຕໍ່​ສາທາລະນະ​ລັດ ປະຊາທິປະໄຕປະຊາຊົນ
ເກົາຫລີ​ ຫລື DRPK ກຳລັງກ້າວ​ເຂົ້າ​ສູ່​ລະດັບ​ທີ່​ຈະ​ເລີ້ມ​ເກີດ​ສົງຄາມ​ຮຸກຮານ ການເອົາ ​ມາດຕະການຕອບໂຕ້ຄືນຂອງກອງທັບ ​ແລະ​ປະຊາຊົນ ສປປ ເກົາຫລີຈະ​ເນັ້ນ​ໜັກ​ໃສ່​ການທຳລາຍ​ລົງ​ໂທດຢ່າງ​ຂົມ​ຂື່ນທີ່​ສຸດ ຕໍ່ສະຫະລັດອາ​ເມຣິກາ​.”

ຖະ​ແຫລ​ງການທີ່​ຮ້າຍແຮ​ງດັ່ງກ່າວແມ່ນເປັນ​ຂອງ​ທຳ​ມະ​ດາກ່ອນໜ້າການຊ້ອມ​ລົບຮ່ວມ
ປະຈຳ​ປີ​ທາງ​ທະຫານ​ຂອງວໍຊິງຕັນ ກັບ ​ເກົາຫລີ​ໃຕ້ ທີ່​ກຳນົດຈະມີຂຶ້ນ ​ໃນ​ເດືອນ​ມີນານີ້.
ພຽງ​ຢາງກ່າວ​ວ່າ ຕົນເຫັນ​ວ່າການຊ້ອມລົບນີ້​ເປັນການ​ຕຽມ​ການເພື່ອການຮຸກ​ຮານ.

ຖະ​ແຫຼງການ​ໄດ້ທີ່ພິມເຜີຍແຜ່ທາງເວັບໄຊທ໌ຂອງອົງການຂ່າວສູນ​ກາງຂອງເກົາຫຼີເໜືອ
ຍັງ​ປາກົດ​ເປັນການ​ຕອບ​ໂຕ້ ຕໍ່ການ​ສຳພາດ ຂອງປະທານາທິບໍດີ Barack Obama
ຫວ່າງ​ມໍ່ໆ​ມາ​ນີ້ ທີ່​ກ່າວ​ວ່າ ລັດຖະບານ​ພຽງ​ຢາງ ​ໃນມື້ໃດມື້ນຶ່ງ ​ຈະປະສົບກັບການພັງທະ
ລາຍລົງ​.

ຄະນະ​ກຳມາທິການ​ປ້ອງ​ກັນ​ປະ​ເທດຂອງເກົາຫຼີເໜືອ ກ່າວ​ວ່າ “ມັນ​ເປັນ​ການ​ຕັດສິນ​ໃຈ
​ຂອງ​ກອງທັບ ​ແລະ​ປະຊາຊົນ ສປປ ເກົາຫລີທີ່​ບໍ່ມີ​ຄວາມຕ້ອງການ ອີກ ຫລື​ເຕັມໃຈ​ທີ່​ຈະ​
ນັ່ງ​ເຈລະ​ຈາ​ກັບສະຫະລັດ ໃນເມື່ອວ່າສະຫະລັດໄດ້ຊອກ ຫາທາງທີ່​ຈະ​ລົບ​ລ້າງ​ແນວ​ຄິດ
​ຂອງ​ເກົາຫຼີເໜືອ ​ແລະ “ທັບມ້າງ” ລະບົບ​ສັງຄົມ ຂອງປະເທດດັ່ງກ່າວ.”

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG