ບັນດາເຈົ້າໜ້າທີ່ສະຫະລັດກ່າວວ່າ ເກົາຫຼີເໜືອໄດ້ຍົກເລີກຄຳ
ເຊື້ອເຊີນໃຫ້ ທູດພິເສດສະຫະລັດໄປຢ້ຽມຢາມ ເພື່ອທຳການ
ໂອ້ລົມສົນທະນາກັນ ເລື້ອງການປ່ອຍໂຕທ່ານ Kenneth Bae
ຜູ້ເຜີຍແຜ່ສາສະໜາອາເມຣິກັນທີ່ກຳລັງຖືກກັກຂັງຢູ່ໃນເກົາຫຼີ
ເໜືອ ຢູ່ນັ້ນ.
ໄດ້ມີການຄາດກັນວ່າ ທ່ານ Robert King ນັກຊ່ຽວຊານດ້ານ
ສິດທິມະນຸດເກົາຫຼີເໜືອ ປະຈຳກະຊວງການຕ່າງປະເທດສະຫະ
ລັດ ຈະໄດ້ໄປຢ້ຽມຢານເກົາຫຼີເໜືອໃນໄວໆນີ້ ແຕ່ໃນວັນອາທິດ
ວານນີ້ ໄດ້ມີຄຳເວົ້າອອກມາວ່າ ກຸງພຽງຢາງໄດ້ຖອນຄຳເຊື້ອເຊີນ
ຂອງຕົນ.
ເວລານີ້ ຍັງບໍ່ເປັນທີ່ຈະແຈ້ງເທື່ອວ່າ ແມ່ນຫຍັງໄດ້ກະຕຸ້ນໃຫ້ເກົາຫຼືເໜືອທຳການເຄື່ອນໄຫວ
ດັ່ງກ່າວນີ້. ເຈົ້າໜ້າທີ່ກະຊວງການຕ່າງປະເທດສະຫະລັດທ່ານນຶ່ງກ່າວວ່າ ເລື້ອງນີ້ອາດຈະມີສ່ວນພົວພັນກັບການຊ້ອມລົບລະຫວ່າງສະຫະລັດແລະເກົາຫຼີໃຕ້ ທີ່ຈະມີຂຶ້ນໃນຕໍ່ໜ້ານີ້.
ແຕ່ວ່າ ເກົາຫຼີເໜືອກໍໄດ້ຕ້ອນຮັບ ຄະນະຜູ້ແທນອາເມຣິກັນ ຈຸນຶ່ງແລ້ວ.
ຄະນະຜູ້ແທນຈຸນີ້ ພາຍໃຕ້ການນຳພາຂອງທ່ານ Donald Gregg ອະດີດເອກອັກຄະລັດ
ຖະທູດສະຫະລັດປະຈຳກຸງໂຊນ ເດີນທາງໄປຮອດກຸງພຽງຢາງໃນວັນຈັນມື້ນີ້ ຕາມຄຳເຊື້ອ
ເຊີນຂອງກະຊວງການຕ່າງປະເທດເກົາຫຼີເໜືອ. ທ່ານນາງ Lynn Turk ອະດີດນັກການ
ທູດສະຫະລັດ ທີ່ເຄີຍໄດ້ທຳການໂອ້ລົມກັບເກົາຫຼີເໜືອໃນກຸງພຽງຢາງມາກ່ອນໃນຊຸມປີ 1
990 ກ່າວວ່າ ພວກຜູ້ແທນສະຫະລັດຄະນະນີ້ໄປຍັງກຸງພຽງຢາງເພື່ອສ້າງ”ສະພານເຊື່ອມໂຍງ” ລະຫວ່າງປະເທດທັງສອງ. ທັງທ່ານນາງ Turk ແລະທ່ານ Gregg ຕ່າງກໍ ບໍ່ໄດ້ເອີ່ຍເຖິງທ່ານ Kenneth Bae.
ທ່ານ John Kerry ລັດຖະມົນຕີຕ່າງປະເທດສະຫະລັດຈະໄປຢ້ຽມຢາມເກົາຫຼີໃຕ້ ໃນທ້າຍ
ສັບປະດານີ້ ຊຶ່ງເບິ່ງຄືວ່າ ເລື້ອງບັນຫາກ່ຽວກັບພຽງຢາງ ຈະຄອບງຳການສົນທະນາຫາລືກັນ.
ເກົາຫຼີໃຕ້ໄດ້ປະກາດໃຫ້ຮູ້ໃນວັນຈັນມື້ນີ້ວ່າ ການຊ້ອມລົບຮ່ວມກັບສະຫະລັດ ຈະເລື້ມຂຶ້ນໃນທ້າຍເດືອນນີ້. ການຊ້ອມລົບດັ່ງກ່າວສາມາດຂົ່ມຂູ່ຕໍ່ການເຕົ້າໂຮມກັນຄືນຂອງພວກຄອບຄົວເກົາຫຼີ ທີ່ໄດ້ພັດພາກຈາກກັນຕັ້ງແຕ່ປາງສົງຄາມເກົາຫຼີ ໃນຊຸມປີ 1950 ທີ່ໄດ້ວາງແຜນໄວ້ ແລະກຳນົດຈະມີຂຶ້ນໃນເດືອນນີ້.
ເຊື້ອເຊີນໃຫ້ ທູດພິເສດສະຫະລັດໄປຢ້ຽມຢາມ ເພື່ອທຳການ
ໂອ້ລົມສົນທະນາກັນ ເລື້ອງການປ່ອຍໂຕທ່ານ Kenneth Bae
ຜູ້ເຜີຍແຜ່ສາສະໜາອາເມຣິກັນທີ່ກຳລັງຖືກກັກຂັງຢູ່ໃນເກົາຫຼີ
ເໜືອ ຢູ່ນັ້ນ.
ໄດ້ມີການຄາດກັນວ່າ ທ່ານ Robert King ນັກຊ່ຽວຊານດ້ານ
ສິດທິມະນຸດເກົາຫຼີເໜືອ ປະຈຳກະຊວງການຕ່າງປະເທດສະຫະ
ລັດ ຈະໄດ້ໄປຢ້ຽມຢານເກົາຫຼີເໜືອໃນໄວໆນີ້ ແຕ່ໃນວັນອາທິດ
ວານນີ້ ໄດ້ມີຄຳເວົ້າອອກມາວ່າ ກຸງພຽງຢາງໄດ້ຖອນຄຳເຊື້ອເຊີນ
ຂອງຕົນ.
ເວລານີ້ ຍັງບໍ່ເປັນທີ່ຈະແຈ້ງເທື່ອວ່າ ແມ່ນຫຍັງໄດ້ກະຕຸ້ນໃຫ້ເກົາຫຼືເໜືອທຳການເຄື່ອນໄຫວ
ດັ່ງກ່າວນີ້. ເຈົ້າໜ້າທີ່ກະຊວງການຕ່າງປະເທດສະຫະລັດທ່ານນຶ່ງກ່າວວ່າ ເລື້ອງນີ້ອາດຈະມີສ່ວນພົວພັນກັບການຊ້ອມລົບລະຫວ່າງສະຫະລັດແລະເກົາຫຼີໃຕ້ ທີ່ຈະມີຂຶ້ນໃນຕໍ່ໜ້ານີ້.
ແຕ່ວ່າ ເກົາຫຼີເໜືອກໍໄດ້ຕ້ອນຮັບ ຄະນະຜູ້ແທນອາເມຣິກັນ ຈຸນຶ່ງແລ້ວ.
ຄະນະຜູ້ແທນຈຸນີ້ ພາຍໃຕ້ການນຳພາຂອງທ່ານ Donald Gregg ອະດີດເອກອັກຄະລັດ
ຖະທູດສະຫະລັດປະຈຳກຸງໂຊນ ເດີນທາງໄປຮອດກຸງພຽງຢາງໃນວັນຈັນມື້ນີ້ ຕາມຄຳເຊື້ອ
ເຊີນຂອງກະຊວງການຕ່າງປະເທດເກົາຫຼີເໜືອ. ທ່ານນາງ Lynn Turk ອະດີດນັກການ
ທູດສະຫະລັດ ທີ່ເຄີຍໄດ້ທຳການໂອ້ລົມກັບເກົາຫຼີເໜືອໃນກຸງພຽງຢາງມາກ່ອນໃນຊຸມປີ 1
990 ກ່າວວ່າ ພວກຜູ້ແທນສະຫະລັດຄະນະນີ້ໄປຍັງກຸງພຽງຢາງເພື່ອສ້າງ”ສະພານເຊື່ອມໂຍງ” ລະຫວ່າງປະເທດທັງສອງ. ທັງທ່ານນາງ Turk ແລະທ່ານ Gregg ຕ່າງກໍ ບໍ່ໄດ້ເອີ່ຍເຖິງທ່ານ Kenneth Bae.
ທ່ານ John Kerry ລັດຖະມົນຕີຕ່າງປະເທດສະຫະລັດຈະໄປຢ້ຽມຢາມເກົາຫຼີໃຕ້ ໃນທ້າຍ
ສັບປະດານີ້ ຊຶ່ງເບິ່ງຄືວ່າ ເລື້ອງບັນຫາກ່ຽວກັບພຽງຢາງ ຈະຄອບງຳການສົນທະນາຫາລືກັນ.
ເກົາຫຼີໃຕ້ໄດ້ປະກາດໃຫ້ຮູ້ໃນວັນຈັນມື້ນີ້ວ່າ ການຊ້ອມລົບຮ່ວມກັບສະຫະລັດ ຈະເລື້ມຂຶ້ນໃນທ້າຍເດືອນນີ້. ການຊ້ອມລົບດັ່ງກ່າວສາມາດຂົ່ມຂູ່ຕໍ່ການເຕົ້າໂຮມກັນຄືນຂອງພວກຄອບຄົວເກົາຫຼີ ທີ່ໄດ້ພັດພາກຈາກກັນຕັ້ງແຕ່ປາງສົງຄາມເກົາຫຼີ ໃນຊຸມປີ 1950 ທີ່ໄດ້ວາງແຜນໄວ້ ແລະກຳນົດຈະມີຂຶ້ນໃນເດືອນນີ້.
