ເກົາຫລີເໜືອ ໄດ້ປະຕິເສດຕໍ່ຂໍ້ສະເໜີຂອງເກົາຫລີໃຕ້ ເພື່ອ
ໃຫ້ເປີດການເຈລະ ຈາຂັ້ນສູງຄືນໃໝ່ ໂດຍອ້າງເຖິງຄວາມ
ເປັນຫ່ວງ ກ່ຽວກັບໃບປີວຕ້ານພຽງຢາງ ຫວ່າງມໍ່ໆມານີ້ ທີ່
ໄດ້ສົ່ງຂ້າມຊາຍແດນໂດຍບັນດານັກເຄື່ອນໄຫວເກົາຫລີໃຕ້.
ເກົາຫລີໃຕ້ໄດ້ສະເໜີວ່າ ການເຈລະຈາຂັ້ນສູງ ທີ່ໄດ້ຕົກລົງ
ກັນໃນຕົ້ນເດືອນນີ້ ຄວນຈະຈັດຂື້ນໃນວັນພະຫັດມື້ອື່ນ ຢູ່ທີ່
ບ້ານຊາຍແດນ Panmunjom.
ກະຊວງທ້ອນໂຮມຊາດຂອງເກົາຫຼີໃຕ້ ກ່າວວ່າ ໃນວັນພຸດມື້
ນີ້ເກົາຫລີເໜືອໄດ້ຢືນຢັດວ່າການເຈລະຈາບໍ່ສາມາດຈັດຂື້ນ
ໄດ້ ຕາບໃດທີ່ເກົາຫລີໃຕ້ ຍັງບໍ່ສາ ມາດປ້ອງກັນ ການສົ່ງໃບປີວເຂົ້າໄປໃນເກົາຫຼີເໜືອ.
ໂຄສົກກະຊວງທ້ອນໂຮມຊາດ ທ່ານ Lim Byeong-cheol ກ່າວວ່າ ມັນບໍ່ເປັນຈັ່ງໂຊກ
ທີ່ການເຈລະຈາບໍ່ສາມາດດຳເນີນຕໍ່ໄປໄປໄດ້ ແຕ່ກໍກ່າວວ່າ ເກົາຫຼີໃຕ້ບໍ່ສາມາດຮັບເອົາ
ອັນທີ່ທ່ານຮ້ອງວ່າ “ການຮຽກຮ້ອງທີ່ບໍ່ມີເຫດຜົນ.”
ທ່ານ Lim ເວົ້າວ່າ “ລັດຖະບານຂອງເຮົາອີກຄັ້ງນຶ່ງ ຂໍຢ້ຳວ່າ ການສົ່ງໝາກປູມເປົ້າທີ່ບັນ
ຈຸໃບປີວນັ້ນ ບໍ່ສາມາດຄວບຄຸມໄດ້ ໂດຍລັດຖະບານ ພາຍໃຕ້ລະ ບົບຂອງພວກເຮົາ.”
ບັນດາເຈົ້າໜ້າທີ່ເກົາຫຼີໃຕ້ ໂຕ້ຖຽງວ່າ ຕາມກົດໝາຍແລ້ວ ເຂົາເຈົ້າບໍ່ສາມາດ ປ້ອງກັນ
ບໍ່ໃຫ້ພວກນັກເຄື່ອນໄຫວຊົມໃຊ້ສິດເສລີພາບຂອງເຂົາເຈົ້າໄດ້.
ເກົາຫລີເໜືອ ໄດ້ຂົ່ມຂູ່ຊຳ້ ແລ້ວຊຳ້ອີກ ທີ່ຈະຍົກເລີກການເຈລະຈາ ເພາະເລື້ອງໃບປີວ
ທີ່ສົ່ງຂ້າມຊາຍແດນ ດ້ວຍໝາກປູມເປົ້າຂະໜາດໃຫຍ່ນັ້ນ.
