ໄດ້ມີການໂຮມຊຸມນຸມຂະໜາດໃຫຍ່ຢູ່ທີ່ນະຄອນຫຼວງພຽງຢາງຂອງເກົາຫຼີເໜືອໃນວັນຈັນ
ວານນີ້ ເພື່ອປະທ້ວງຕໍ່ອັນທີ່ຄອມມຸຍນີສເກົາຫຼືເໜືອເອີ້ນວ່າ ການສືບຕໍ່ທ້າທາຍຫາທາງ
ເກາະຜິດຈາກທາງເກົາຫຼີໃຕ້.
ສະຖານີວິທະຍຸສູນກາງອອກອາກາດຂອງທາງການເກົາຫຼີເໜືອ ກ່າວວ່າ ມີປະຊາຊົນ
ແລະທະຫານຈໍານວນຫຼາຍກວ່າ 100 ພັນຄົນໄດ້ເຂົ້າຮ່ວມການໂຮມຊຸມນຸມໃນຄັ້ງນີ້
ທີ່ນໍາພາໂດຍພວກຜູ້ນໍາອະວຸໂສຂອງພັກແລະກອງທັບນັ້ນ.
ສື່ມວນຊົນຂອງທາງການເກົາຫຼີເໜືອລາຍງານວ່າ ໄດ້ມີການອ່ານຖະແຫຼງການສະບັບນຶ່ງ
ຂອງກອງບັນຊາການທະຫານສູງສຸດ ຢູ່ທີ່ບ່ອນໂຮມຊຸມນຸມ. ຖະແຫຼງການດັ່ງກ່າວໄດ້
ປະນາມຜູ້ນໍາເກົາຫຼີໃຕ້ ແລະປະທານາທິບໍດີ Lee Myung-bak ວ່າ ເປັນກຸ່ມຄົນຂາຍ
ຊາດທີ່ບໍ່ມີໃຜຄື.
ໃນໄລະຍະສອງສາມປີຜ່ານມານີ້ ລັດຖະບານກອງທັບແລະສື່ມວນຊົນຂອງເກົາຫຼີເໜືອ
ໄດ້ອອກຖະແຫຼງການແລະບົດຂຽນຫຼາຍໆສະບັບປະນາມພວກຜູ້ນໍາເກົາຫຼີໃຕ້.
ຄວາມສໍາພັນລະຫວ່າງ ສອງເກົາຫຼີໄດ້ເລີ່ມມີຄວາມເຄັ່ງຕຶງຫຼັງຈາກປະທານາທິບໍດີ
Lee ເຂົ້າກໍາຕໍາແໜ່ງຢູ່ເກົາຫຼີໃຕ້ໃນປີ 2008 ແລະບໍ່ຍອມຈັດສົ່ງການຊ່ວຍເຫຼືອໄປ
ໃຫ້ເກົາຫຼີເໜືອ ຊຶ່ງເປັນປະເທດທີ່ທຸກຍາກນັ້ນຕື່ມ ນອກຈາກວ່າ ເກົາຫຼີເໜືອຈະສາ
ມາດສະແດງໃຫ້ເຫັນເຖິງຄວາມກ້າວໜ້າທີ່ສຳຄັນໄປສູ່ການປົດອາວຸດນິວເຄລຍ
ນັ້ນ.
