ເກົາຫຼີເໜືອກ່າວວ່າ ຕົນຈະພິມເຜີຍແພ່ ບົດລາຍງານ
ຂອງຕົນເອງ ກ່ຽວກັບປະຫວັດ ດ້ານສິດທິມະນຸດ ໃນ
ປະເທດຂອງຕົນ ເພື່ອຕ້ານຢັນອັນ ທີ່ເກົາຫຼີເໜືອເອີ້ນວ່າ
“ຄຳຕົວະລ່າຍ ແລະ ການເສກສັນປັ້ນແຕ່ງເລື້ອງ”
ທີ່ມີການເຜີຍແຜ່ ກ່ຽວກັບປະເທດຂອງຕົນ.
ອົງການຂ່າວທາງການ KNCA ຂອງເກົາຫຼີເໜືອ ກ່າວໃນ
ວັນຈັນມື້ນີ້ ວ່າ ບົດລາຍງານຂອງຕົນນັ້ນ ຈະ “ສະແດງ
ໃຫ້ເຫັນພາບແທ້ຂອງປະຊາຊົນເກົາຫຼີເໜືອ ທີ່ກຳລັງ
ກ້າວໜ້າໄປຢ່າງວ່ອງໄວ ສູ່ອະນາຄົດທີ່ສົດໃສ ແລະ
ສວຍງາມຂຶ້ນກ່ວາເກົ່າ.”
ອົງການຂ່າວ KNCA ກ່າວອີກວ່າ ບົດລາຍງານຍັງຈະເປີດເຜີຍໃຫ້ ເຫັນເຖິງ “ການ
ເຄື່ອນໄຫວຕ່າງໆ ທີ່ຊົ່ວຮ້າຍຂີ້ຂາດຕາຂາວ” ຂອງສະຫະລັດ ແລະ ບັນດາພັນທະ
ມິດຂອງເຂົາ ເພື່ອບ່ອນທຳລາຍ ອຸດົມການ ແລະ ລະບົບສັງຄົມນິຍົມ ຂອງເກົາຫຼີເໜືອ.
ອົງການສະຫະປະຊາຊາດ ໄດ້ນຳອອກເປີດເຜີຍ ບົດລາຍງານຮອບ ດ້ານສະບັບນຶ່ງ
ໃນເດືອນກຸມພາປີນີ້ ທີ່ໄດ້ລະບຸການລະເມີດສິດທິມະນຸດຕ່າງໆ ໃນເກົາຫຼີເໜືອ ລວມທັງ
ການກົດຂີ່ແບບຂ້າທາດ ການທໍລະມານ ແລະ ການເຂັ່ນຂ້າ ທີ່ຖືວ່າ ເປັນອາຊາຍາກຳ
ຕໍ່ຕ້ານມວນມະນຸດ.
ລາຍງານຂອງ ສປຊ ກ່ຽວກັບການປະຕິບັດ ສິດທິມະນຸດ ໃນເກົາຫລີເໜືອ:
