ຢູ່ໃນນະຄອນພຽງຢາງ ການກະກຽມກຳລັງດຳເນີນຢູ່ເພື່ອສະ
ເຫຼີມສະຫລອງວັນຄົບຮອບ 70 ປີ ໃນການກໍ່ຕັ້ງພັກແຮງງານ
ທີ່ຈະມີການເດີນສວນສະໜາມທາງທະຫານທີ່ໃຫຍ່ທີ່ສຸດໃນ
ປະຫວັດສາດຂອງເກົາຫລີເໜືອ.
ຢູ່ໃນໜ້າເວັບໄຊຕ໌ ສະຖາບັນ ສະຫະລັດ ເກົາຫລີ 38 ເໜືອ
ກ່າວວ່າ ຮູບພາບຖ່າຍຈາກດາວທຽມໃນວັນອັງຄານຜ່ານມາ
ນີ້ ສະແດງໃຫ້ເຫັນວ່າ ປະມານ 800 ຜາມ ລົດຂົນສົ່ງຫລາຍ
ກວ່າ 600 ຄັນ ແລະລົດຫູ້ມເກາະ 200 ຄັນ ຜາມໂຮງຊຸມນຸມ
ຢູ່ທີ່ອະດີດ ຖານທັບອາກາດແຫ່ງນຶ່ງ ທາງພາກຕາເວັນອອກ
ຂອງພຽງຢາງ.
ການເດີນສວນສະໜາມໃນວັນເສົາມື້ອຶ່ນນີ້ ຜ່ານຈະຕຸລັດ KimI Sung ໃນນະຄອນພຽງ
ຢາງ ຄາດວ່າ ຈະເປັນການສະແດງກຳລັງທະຫານທີ່ຍິ່ງໃຫຍ່ ພ້ອມດ້ວຍລົດຖັງຈຳນວນ
ຫລວງຫລາຍ ຖານຍິງລູກສອນໄຟ ແລະການເດີີນສວນສະໜາມທະຫານ.
ປີກາຍນີ້ ໃນເວລາດຽວກັນ ຜູ້ນຳເກົາຫລີເໜືອ ທ່ານ Kim Jong Un ບໍ່ໄດ້ປາກົດໂຕ ຕໍ່
ສາທາລະນະຊົນເປັນເວລານຶ່ງເດືອນ ແລະພາດການສະຫລອງ ວັນຄົບຮອບ ອັນທີ່ຄິດ
ວ່າ ທ່ານພັກຟື້ນ ຈາກບາດເຈັບຢູ່ຂາ. ການບໍ່ປາກົດໂຕ ໄດ້ເຮັດໃຫ້ມີການຊ່າລືກັນວ່າ
ທ່ານອາດມີບັນຫາດ້ານສຸຂະພາບ ແລະການກຳອຳນາດອ່ອນລົງ .
ປີນີ້ ຄາດວ່າການເຂົ້າຮວມ ເບິ່ງການເດີນສວນສະໜາມທະຫານ ອັນຍິ່ງໃຫຍ່ເປັນທີ່ແນ່
ນອນວ່າ ຈະຊ່ວຍຊຸກຍູ້ໃຫ້ອຳນາດຂອງຜູ້ນຳໜຸ່ມ ທ່ານ Kim ຜູ້ທີ່ໄດ້ມາເປັນຜູ້ນຳສູງສຸດ
ຂອງ ປະເທດພະເດັດການ ໃນປີ 2011 ຫລັງຈາກການຕາຍຂອງມື້ລາງບິດາທ່ານ Kim
Jong II.
