ເຈົ້າໜ້າທີ່ອະວຸໂສຄົນນຶ່ງຂອງເກົາຫຼີເໜືອ ພວມຢູ່ທີ່ປະເທດຈີນ ໃນອັນທີ່ປາກົດວ່າເປັນ ຄວາມພະຍາຍາມເພື່ອຟື້ນຟູຄວາມສຳພັນ ກັບປະເທດພັນທະມິດແລະຜູ້ມີບຸນຄຸນທີ່ສຳ ຄັນ ທີ່ໄດ້ຊຸດໂຊມລົງຍ້ອນພຽງຢາງສືບຕໍ່ເສີມສ້າງຄວາມເຂັ້ມແຂງທາງດ້ານນິວເຄລຍ ແລະໂຄງການລູກສູນໄຟຂີປະນາວຸດຂອງຕົນ.
ທ່ານ Ri Su Yong ຫົວໜ້າຄວາມສຳພັນກັບຕ່າງປະເທດ ຂອງພັກແຮງງານເກົາຫຼີເໜືອ ໄດ້ເດີນທາງໄປເຖິງນະຄອນຫລວງປັກກິ່ງ ໃນວັນພຸດມື້ນີ້ເພື່ອເຈລະຈາກັບທ່ານ Song Tao ຄູ່ຕຳແໜ່ງຝ່າຍຈີນ. ພັກຄອມມູນິສຈີນກ່າວວ່າ ເຈົ້າ ໜ້າທີ່ທັງສອງໄດ້ໃຫ້ການຢືນ ຢັນອີກເທື່ອນຶ່ງເຖິງໄມຕີຈິດມິດຕະພາບທີ່ມີມາເປັນ ເວລາຊ້ານານລະຫວ່າງປະເທດທັງ ສອງ ໂດຍໃຫ້ຄຳໝັ້ນສັນຍາວ່າ ຈະສືບຕໍ່ທຳ ການແລກປ່ຽນສອງຝ່າຍແລະຊຸກຍູ້ສັນຕິ ພາບແລະຄວາມໝັ້ນຄົງຢູ່ໃນພູມີພາກ.
ປັກກິ່ງແມ່ນມີຄວາມບໍ່ພໍໃຈຫລາຍຂຶ້ນໃນການທີ່ເກົາຫລີເໜືອໄດ້ທຳການທົດລອງ ອາວຸດ ນິວເຄລຍ ແລະລູກສອນໄຟຂີປະນນາວຸດຊ້ຳແລ້ວຊ້ຳອີກ ພາຍໃຕ້ການນຳ ພາຂອງຜູ້ນຳ ທີ່ຍັງໜຸ່ມນ້ອຍ ທ່ານກິມຈົງອຸນຊຶ່ງເປັນການທ້າທາຍຕໍ່ການລົງໂທດ ຫຼາຍສະບັບຂອງ ອົງການສະຫະປະຊາຊາດ.
