ເກົາຫລີເໜືອໄດ້ແຕ່ງຕັ້ງນັກການທູດອາຊີບ ໃຫ້ເປັນລັດຖະມົນຕີການຕ່າງປະເທດຄົນໃໝ່ ອີງຕາມຈົດໝາຍການທູດສະບັບນຶ່ງ ທີ່ສົ່ງໄປຫາລັດຖະບານອັງກິດ.
ອະດີດຮອງລັດຖະມົນຕີການຕ່າງປະເທດ Ri Yong Ho ເຄີຍຮັບໜ້າທີ່ເປັນຫົວໜ້າຄະ ນະເຈລະຈາຂອງເກົາຫຼີເໜືອ ໃນການເຈລະຈາປົດອາວຸດນິວເຄລຍ ໃນອະດີດຜ່ານມາ ຮວມທັງການເຈລະຈາກັບສະຫະລັດໃນຊຸມປີ 1990. ນອກນັ້ນທ່ານຍັງເຄີຍຮັບຕຳແໜ່ງເປັນເອກອັກຄະລັດຖະທູດຂອງພຽງຢາງປະຈຳປະເທດອັງກິດນຳດ້ວຍ.
ພວກນັກວິເຄາະບາງຄົນກ່າວວ່າ ການແຕ່ງຕັ້ງທ່ານ Ri Yong Ho ອາດຈະເປັນການພະຍາຍາມຫາທາງຟື້ນຟູການທູດ ລະຫວ່າງເກົາຫລີເໜືອທີ່ຖືກໂດດດ່ຽວ ກັບປະເທດຕ່າງໆໃນ ໂລກ ໂດຍສະເພາະຫລັງຈາກການທົດລອງອາວຸດ ນິວເຄລຍໃນເດືອນມັງ ກອນ ແລະການຍິງລູກສອນໄຟຂີປະນາວຸດ ນຶ່ງເດືອນຕໍ່ມາ ທີ່ໄດ້ພາໃຫ້ນາໆຊາດພາ ກັນປະນາມນັ້ນ.
ທ່ານ Ri ອາດຍັງຈະມີໜ້າທີ່ ໃຫ້ຮ້ອງຂໍກ່ຽວກັບກໍລະນີຂອງປະເທດທ່ານ ຕໍ່ອົງການສະຫະປະຊາຊາດທີ່ໄດ້ທຳການລົງໂທດຢ່າງໜັກຕໍ່ພຽງຢາງ.
ຈົດໝາຍບໍ່ໄດ້ສະແດງໃຫ້ເຫັນວ່າ ແມ່ນຫຍັງຈະເກີດຂຶ້ນຕໍ່ຜູ້ທີ່ກຳຕຳແໜ່ງກ່ອນ ໜ້າທີ່ຄືທ່ານ Ri Su Yong ເຖິງແມ່ນວ່າ ອົງການສືບລັບເກົາຫລີໃຕ້ ລາຍງານວ່າ ຕົນເຊື່ອວ່າ ທ່ານໄດ້ຖືກເລື່ອນຊັ້ນຂຶ້ນເປັນຮອງປະທານກິດຈະການນາໆຊາດຂອງພັກແຮງງານເກົາ ຫລີກໍຕາມ.
