ເກົາຫລີເໜືອ ປະກາດ ຜົນສໍາເລັດ ໃນການຍິງ ຈະຫລວດລະຍະໄກ (ສະໄລດ໌)

ເກົາຫລີເໜືອ ກ່າວວ່າຕົນໄດ້ຮັບຜົນສໍາເລັດໃນການຍິງຈະ
ຫລວດລະຍະໄກ ແລະ​ປ່ອຍ​ດາວ​ທຽມດວງ​ນຶ່ງ ​ເຂົ້າ​ສູ່​ວົງ​ໂຄ
ຈອນ ຊຶ່ງ​ໄດ້ກະ​ຕຸ້ນ​ໃຫ້​ມີ​ການປະນາມ​ ຈາກລັດຖະບານ​
ປະ​ເທດ​ຕ່າງໆໃນທົ່ວ​ໂລກ.​

​ສໍານັກງານຂ່າວກາງ KCNA ຂອງ​ທາງ​ການ​ເກົາຫລີ​ເໜືອ
ລາຍງານຂ່າວ​ໃຫ້​ຊາບໃນຕອນ​ເຊົ້າ​ວັນ​ພຸດ​ນີ້ ​ແລະ​ຕໍ່​ມາ
ນັກ​ຂ່າວໂທລະພາບ​ຂອງ​ລັດ​ກໍໄດ້ປະກາດຂ່າວ​ນີ້ ດ້ວຍ​ນໍ້າ
​ສຽງ​ທີ່​ສະ​ແດງ​ເຖິງ​ໄຊຊະນະ.
ສຽງປະກາດພາສາເກົາຫລີ:
ນັກ​ຂ່າວ​ປະກາດ​ວ່າ “ດາວທຽມ Kwangmyongsong-3
ໜ່ວຍທີສອງ ໄດ້ຖືກສົ່ ຂື້ນ ຢ່າງ​ສໍາ​ເລັດ​ຜົນ ຈາກຖານຍິງທີ່
ສູນກາງອາວະກາດ Sohae ໃນເມືອງ Cholsan ແຂວງ Pyongan ເໜືອ ໂດຍການນໍາສົ່ງຂອງຈະ​ຫລວດ Unha-3 ໃນວັນທີ 2 ທັນວາ. ດາວ ທຽມໄດ້ເຂົ້າສູ່ວົງໂຄຈອນ ປັດຈຸບັນຂອງ​ມັນແລ້ວ.”

ກອງ​ບັນຊາ​ການ ປ້ອງກັນອາວະກາດພາກ​ພື້ນອາເມຣິກາເໜືອ (NORAD) ຂອງ​ສະຫະ ລັດ ກ່າວວ່າ ຮ່ອງ​ຮອຍຕ່າງໆ​ໃນເບື່ອງຕົ້ນ ສະແດງໃຫ້ເຫັນວ່າ ຈະ​ຫລວດ​ໄດ້ການນໍາ ເອົາ “ວັດຖຸ” ນຶ່ງ ຂຶ້ນ​ໄປ​ປ່ອຍສູ່ວົງໂຄຈອນ ຢ່າງ​ສໍາ​ເລັດ​ຜົນ.

ບັນດາຜູ້ສັງເກດການກ່າວວ່າ ຖ້າຫາກມີ​ການ​ຢືນຢັນ ມັນກໍ​ຈະ​ເປັນ ບາດກ້າວ​ໄປ​ຂ້າງ​ໜ້າ​ທີ່ສໍາຄັນກ້າວ​ນຶ່ງ​ຂອງ​ເກົາຫລີ​ເໜືອ ໃນການສະແຫວງຫາ ການພັດທະນາລູກ​ສອນໄຟ
ຂີປະນາວຸດ ທີ່​ສາມາດ ຕິດຫົວລະ​ເບີດນິວເຄລຍ​ໄດ້. ເກົາຫລີເໜືອຢືນ​ຢັດວ່າ ເປົ້າໝາຍ
ຂອງ​ຕົນແມ່ນແນ່ໃສ່ການນໍາ​ເອົາດາວທຽມພະຍາກອນອາກາດເຂົ້າສູ່ວົງໂຄຈອນ.

ເບິ່ງສະໄລດ໌ພາບການຍິງຈະ​ຫລວດໄລຍະໄກ ຂອງເກົາຫລີເໜືອ: