ເກົາຫລີເໜືອໄດ້ເລີ້ມທຳການຊ້ອມລົບ ຍິງປືນໃຫຍ່ທີ່ໃຊ້ລູກແທ້
ຢູ່ໃກ້ໆກັບເຂດ ຊາຍແດນ ທາງທະເລກ້ຳຕາເວັນຕົກ ທີ່ມີການ
ຂັດແຍ້ງກັນ ກັບເກົາຫລີໃຕ້.
ໂຄສົກກະຊວງປ້ອງກັນປະເທດເກົາຫລີໃຕ້ທ່ານ Kim Min-seok
ກ່າວໃນວັນ ອັງຄານມື້ນີ້ວ່າ ຕົນໄດ້ຖືກແຈ້ງໃຫ້ຊາບ ຈາກພຽງຢາງ
ກ່ຽວກັບແຜນການຊ້ອມ ລົບດັ່ງກ່າວ.
ທ່ານ Kim Min-seok ເວົ້າວ່າ: “ເຖິງແມ່ນວ່າ ຂົງເຂດທີ່ຖືກ
ແຈ້ງໃຫ້ຊາບຢູ່ເໜືອເຂດແດນໃນທະເລເຫລືອງກໍຈິງ ແຕ່
ທະຫານເກົາຫລີໃຕ້ ກໍໄດ້ເອົາມາດຕະການຄຸ້ມຄອງຄວາມ
ປອດໄພໃຫ້ແກ່ປະຊາຊົນ ຮວມທັງການຄວບຄຸມເຮືອຫາປາຂອງພົນລະເຮືອນ.
ພວກເຮົາໄດ້ເຕືອນເກົາຫລີເໜືອວ່າ ພວກເຮົາຈະຕອບໂຕ້ຢ່າງຮຸນແຮງ ຖ້າຫາກວ່າ
ລູກປືນໃຫຍ່ຂອງເກົາຫຼີເໜືອຕົກລົງຂ້າມເສັ້ນແບ່ງເຂດແດນໃນທະເລເຫລືອງ.
ທະຫານຂອງພວກເຮົາ ກຳລັງຕິດຕາມຢ່າງໃກ້ຊິດວ່າ ເກົາຫລີເໜືອຈະທຳການ
ຊ້ອມລົບແບບໃຊ້ລູກປືນແທ້ ແລະບໍລິເວນທີ່ລູກປືນໃຫຍ່ຕົກລົງມາ ໃນຂະນະທີ່ວາງກຳລັງຢູ່ໃນທ່າຕຽມພ້ອມ.”
ເຈົ້າໜ້າທີ່ທະຫານເກົາຫລີໃຕ້ກ່າວວ່າ ເກົາຫລີເໜືອໄດ້ຍິງປືນໃຫຍ່ 50 ລູກແລະທັງໝົດ
ບໍ່ໄດ້ຕົກໃສ່ເຂດແດນຂອງເກົາຫລີໃຕ້.
ເກົາຫລີເໜືອ ໄດ້ຊ້ອມລົບຄ້າຍຄືກັນນີ້ ໃນເດືອນແລ້ວ. ລູກປືນໃຫຍ່ຈຳນວນນຶ່ງໄດ້ຕົກ
ລົງມາໃສ່ເຂດນ່ານນໍ້າຂອງເກົາຫລີໃຕ້ ເຮັດໃຫ້ເກົາຫຼີໃຕ້ຍິງຕອບໂຕ້ຂ້າມຊາຍແດນຄືນ.
ເກົາຫລີເໜືອໂຕ້ແຍ້ງກ່ຽວກັບເຂດແດນໃນທະເລເຫລືອງໂດຍເວົ້າວ່າ ມັນກຳນົດ ຂຶ້ນ
ແຕ່ພຽງຝ່າຍດຽວ ແລະຄວນຈະຢູ່ທາງໃຕ້ລົງມາ.
ການຊ້ອມໃນທຳນອງນີ້ ບໍ່ເປັນທີ່ແປກປະຫລາດຫຍັງເລີຍ ແຕ່ເຮັດໃຫ້ຄວາມສຳພັນ ລະຫວ່າງປະເທດຄູ່ປໍລະປັກທັງສອງ ຊຶ່ງຕາມທາງຫລັກການແລ້ວແມ່ນຍັງຢູ່ໃນພາວະ
ສົງຄາມກັນນັ້ນ ຮ້າຍແຮງລົງຕື່ມ.
ຄວາມເຄັ່ງຕຶງແມ່ນສູງກວ່າປົກກະຕິຢູ່ແລ້ວ ຫລັງຈາກມີການເຕືອນວ່າພຽງຢາງອາດຈະ
ຕຽມທົດລອງອາວຸດນິວເຄລຍເທື່ອທີສີ່.
ຢູ່ໃກ້ໆກັບເຂດ ຊາຍແດນ ທາງທະເລກ້ຳຕາເວັນຕົກ ທີ່ມີການ
ຂັດແຍ້ງກັນ ກັບເກົາຫລີໃຕ້.
ໂຄສົກກະຊວງປ້ອງກັນປະເທດເກົາຫລີໃຕ້ທ່ານ Kim Min-seok
ກ່າວໃນວັນ ອັງຄານມື້ນີ້ວ່າ ຕົນໄດ້ຖືກແຈ້ງໃຫ້ຊາບ ຈາກພຽງຢາງ
ກ່ຽວກັບແຜນການຊ້ອມ ລົບດັ່ງກ່າວ.
ທ່ານ Kim Min-seok ເວົ້າວ່າ: “ເຖິງແມ່ນວ່າ ຂົງເຂດທີ່ຖືກ
ແຈ້ງໃຫ້ຊາບຢູ່ເໜືອເຂດແດນໃນທະເລເຫລືອງກໍຈິງ ແຕ່
ທະຫານເກົາຫລີໃຕ້ ກໍໄດ້ເອົາມາດຕະການຄຸ້ມຄອງຄວາມ
ປອດໄພໃຫ້ແກ່ປະຊາຊົນ ຮວມທັງການຄວບຄຸມເຮືອຫາປາຂອງພົນລະເຮືອນ.
ພວກເຮົາໄດ້ເຕືອນເກົາຫລີເໜືອວ່າ ພວກເຮົາຈະຕອບໂຕ້ຢ່າງຮຸນແຮງ ຖ້າຫາກວ່າ
ລູກປືນໃຫຍ່ຂອງເກົາຫຼີເໜືອຕົກລົງຂ້າມເສັ້ນແບ່ງເຂດແດນໃນທະເລເຫລືອງ.
ທະຫານຂອງພວກເຮົາ ກຳລັງຕິດຕາມຢ່າງໃກ້ຊິດວ່າ ເກົາຫລີເໜືອຈະທຳການ
ຊ້ອມລົບແບບໃຊ້ລູກປືນແທ້ ແລະບໍລິເວນທີ່ລູກປືນໃຫຍ່ຕົກລົງມາ ໃນຂະນະທີ່ວາງກຳລັງຢູ່ໃນທ່າຕຽມພ້ອມ.”
ເຈົ້າໜ້າທີ່ທະຫານເກົາຫລີໃຕ້ກ່າວວ່າ ເກົາຫລີເໜືອໄດ້ຍິງປືນໃຫຍ່ 50 ລູກແລະທັງໝົດ
ບໍ່ໄດ້ຕົກໃສ່ເຂດແດນຂອງເກົາຫລີໃຕ້.
ເກົາຫລີເໜືອ ໄດ້ຊ້ອມລົບຄ້າຍຄືກັນນີ້ ໃນເດືອນແລ້ວ. ລູກປືນໃຫຍ່ຈຳນວນນຶ່ງໄດ້ຕົກ
ລົງມາໃສ່ເຂດນ່ານນໍ້າຂອງເກົາຫລີໃຕ້ ເຮັດໃຫ້ເກົາຫຼີໃຕ້ຍິງຕອບໂຕ້ຂ້າມຊາຍແດນຄືນ.
ເກົາຫລີເໜືອໂຕ້ແຍ້ງກ່ຽວກັບເຂດແດນໃນທະເລເຫລືອງໂດຍເວົ້າວ່າ ມັນກຳນົດ ຂຶ້ນ
ແຕ່ພຽງຝ່າຍດຽວ ແລະຄວນຈະຢູ່ທາງໃຕ້ລົງມາ.
ການຊ້ອມໃນທຳນອງນີ້ ບໍ່ເປັນທີ່ແປກປະຫລາດຫຍັງເລີຍ ແຕ່ເຮັດໃຫ້ຄວາມສຳພັນ ລະຫວ່າງປະເທດຄູ່ປໍລະປັກທັງສອງ ຊຶ່ງຕາມທາງຫລັກການແລ້ວແມ່ນຍັງຢູ່ໃນພາວະ
ສົງຄາມກັນນັ້ນ ຮ້າຍແຮງລົງຕື່ມ.
ຄວາມເຄັ່ງຕຶງແມ່ນສູງກວ່າປົກກະຕິຢູ່ແລ້ວ ຫລັງຈາກມີການເຕືອນວ່າພຽງຢາງອາດຈະ
ຕຽມທົດລອງອາວຸດນິວເຄລຍເທື່ອທີສີ່.
