ລິ້ງ ສຳຫລັບເຂົ້າຫາ

ລະບົບປິ່ນປົວສຸຂະພາບຂອງ ເກົາຫຼີເໜືອກໍາລັງພັງທະລາຍ

  • ໄພສານ ວໍຣະຈັກ

ອົງການ ນິລະໂທດກຳສາກົນ ໄດ້ອອກລາຍງານ ສະບັບນຶ່ງ ທີ່ນຳສະເໜີ ພາບພົດ ທີ່ໜ້າ​ຢ້ານ ກ່ຽວກັບ ລະບົບຮັກສາ ສຸຂະພາບ ແບບສຸກເອົາເຜົາກິນ ຂອງເກົາຫຼີເໜືອ.

ກຸ່ມປົກປ້ອງ ສິດທິມະນຸດ ກຸ່ມນີ້ເວົ້າວ່າ ການຕັດແຂນຕັດຂາ ຫຼືການຜ່າຕັດ ສຳຄັນອື່ນໆ ມັກຈະເຮັດກັນ ໂດຍທີ່ບໍ່ຕ້ອງ ໃຊ້ຢາສະລົບ ຂະນະທີ່ເຂັມ ແລະຜ້າປູຕຽງຄົນເຈັບ ໄດ້ມີການນຳ​ເອົາ​ ມາໃຊ້ຄືນໃໝ່ ໂດຍເກືອບວ່າ ບໍ່ໄດ້ມີການ ຄຳນຶງເຖິງ ເລື່ອງສຸຂາພິບານເລີຍ.

ນອກນັ້ນແລ້ວ ລາຍງານ ຍັງເວົ້າວ່າ ພວກທ່ານໝໍ ມັກຈະຖືກບັງຄັບ ໃຫ້ເຮັດວຽກ ພາຍໃຕ້ແສງທຽນ ຍ້ອນການຂາດແຄນ ພະລັງງານ ທີ່ມີຂຶ້ນເລື້ອຍໆ ທີ່ເຮັດໃຫ້ ໂຮງໝໍຕ່າງໆ ຕົກຢູ່ໃນຄວາມມືດ.

ເກົາຫລີເໜືອ ອວດອ້າງວ່າ ຕົນໃຫ້ການປິ່ນປົວ ແບບບໍ່ເສຍເງິນ ແກ່ປະຊາຊົນທຸກຄົນ ແຕ່ອົງການ ນິລະໂທດກຳສາກົນ ກ່າວວ່າ ຊາວເກົາຫຼີເໜືອ ພາກັນເອົາເງິນ ຢາສູບ ເຫຼົ້າ ຫຼືອາຫານການກິນ ໃຫ້ແກ່ພວກທ່ານໝໍ ກ່ອນຈະໄດ້ຮັບການປິ່ນ ປົວພະຍາບານ.

ອົງການ ນິລະໂທດກຳສາກົນ ຖິ້ມໂທດ ການພັງທະລາຍລົງ ຂອງລະບົບ ປິ່ນປົວພະຍາບານ ຂອງເກົາຫຼີເໜືອ ໃສ່ສະພາບ ເສດຖະກິດ ທີ່ຊຸດໂຊມລົງນັບ​ມື້ ຊຶ່ງໄດ້ກໍ່ໃຫ້ເກີດ ການຂາດແຄນ ອາຫານການກິນ ແລະພາໃຫ້ມີ ການແຜ່ລະບາດ ຂອງໂຣກປອດແຫ້ງ ຫຼືທີບີນັ້ນ.

XS
SM
MD
LG