ລິ້ງ ສຳຫລັບເຂົ້າຫາ

|

ເກົາຫຼີ​ເໜືອເວົ້າ​ວ່າ ຝົນຕົກຢ່າງໜັກທີ່ສືບເນື່ອງມາຈາກພາຍຸໄຕ້ຝຸ່ນລູກ​ນຶ່ງໄດ້ເຮັດໃຫ້
ຢ່າງໜ້ອຍ 88 ຄົນເສຍຊີວິດ ແລະອີກ 134 ຄົນໄດ້ຮັບບາດເຈັບ ພ້ອມທັງສົ່ງຜົນໃຫ້
ຫລາຍພັນຄົນ ຂາດທີ່ຢູ່ອາໄສ.

ສໍານັກງານຂ່າວສູນກາງຂອງເກົາຫລີເໜືອ ຫລື KCNA ລາຍງານໃນວັນເສົາວານນີ້ວ່າ
ມີບ້ານເຮືອນຫລາຍກວ່າ 5 ພັນຫລັງ ຖືກທໍາລາຍຈົນໝົດ ຫລືເພພັງ ແລະເກືອບຮອດ
63 ພັນຄົນ ບໍ່ມີບ່ອນຢູ່ອາໄສຍ້ອນໄພນໍ້າຖ້ວມທີ່ໄດ້ເລີ້ມຕົ້ນຂຶ້ນ ຕັ້ງແຕ່ວັນທີ 18 ກໍລະ
ກົດ ເປັນຕົ້ນມາ. ເນື້ອທີ່ປູກຝັງປະມານ 4,800 ເຮັກຕາ ຖືກນໍ້າພັດໄປ ໃນ​ເວລາພາຍຸ
ໄຕ້ຝຸ່ນຂະໜຸນ ພັດຜ່ານເກົາຫຼີ​ເໜືອ​ເມື່ອວັນທີ 23 ແລະ 24 ກໍລະກົດຜ່ານມານີ້.

ອົງການຂ່າວ KCNA ເຕືອນວ່າຈະມີຝົນຕົກໜັກອີກໃນວັນອາທິດມື້ນີ້ ແລະວັນຈັນມື້ອື່ນ.

ລາຍງານສະບັບ​ນຶ່ງຂອງອົງການສະຫະປະຊາຊາດ ​ເມື່ອ​ໄວໆ​ມາ​ນີ້ ເວົ້າວ່າ 2/3 ຂອງ
ພົນລະເມືອງເກົາຫລີເໜືອ ຈໍານວນ 24 ລ້ານຄົນນັ້ນ ແມ່ນປະເຊີນກັບບັນຫາຂາດແຄນ
ອາຫານແບບຊໍາເຮື້ອ ມາເປັນເວລາດົນນານ. ພວກນັກວິ​ເຄາະເວົ້າວ່າ ໄພນໍ້າຖ້ວມຄັ້ງ
​ຫລ້າ​ສຸດນີ້ ສາມາດເຮັດໃຫ້ບັນຫາຮ້າຍແຮງຂຶ້ນກວ່າເກົ່າ ເພາະວ່າມັນເກີດຂຶ້ນຕໍ່ຈາກໄພ ແຫ້ງແລ້ງ ທີ່ກໍາລັງຈະໝົດໄປ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG