ເກົາຫຼີເໜືອໄດ້ຍິງລູກສອນໄຟຂີປະນາວຸດໄລຍະໃກ້ 2 ລູກ
ໃສ່ທະເລກ້ຳຕາເວັນອອກຂອງປະເທດ ຊຶ່ງເປັນການທົດລອງ
ຄັ້ງທີ 4 ພາຍໃນລະຍະສອງສັບປະດາ.
ເຈົ້າໜ້າທີ່ປ້ອງກັນປະເທດຂອງເກົາຫຼີໃຕ້ ກ່າວວ່າ ມີການສົງໄສ
ວ່າ ເປັນການຍິງລູກສອນໄຟ Scud ໃນວັນພຸດມື້ນີ້ ຈາກແຂວງ
Hwanghae ທາງພາກຕາເວັນຕົກຂອງປະເທດ ຊຶ່ງມີລັດສະໝີ
ປະມານ 500 ກິໂລແມັດ.
ລູກສອນໄຟ ໄດ້ຕົກລົງໃສ່ໜ້ານ້ຳ ທີ່ເກົາຫຼີໃຕ້ເອີ້ນວ່າ ທະເລຕາເວັນ
ອອກ ແລະທາງໂຕ ກຽວເອີ້ນວ່າ ທະເລຍີ່ປຸ່ນ. ຫົວໜ້າຫ້ອງວ່າການ
ລັດຖະບານຍີ່ປຸ່ນ ທ່ານ Yoshihide Suga ໄດ້ປະນາມການຍິງລູກສອນໄຟດັ່ງກ່າວ ໂດຍເວົ້າວ່າ:“ການທົດລອງຍິງລູກສອນໄຟນີ້ແມ່ນລະເມີດຕໍ່ການລົງໂທດຂອງອົງ
ການສະຫະປະຊາຊາດຈົນເທົ່າເຖິງມື້ນີ້ ແລະພວກເຮົາແມ່ນປະທ້ວງຢ່າງແຂງຂັນ
ຕໍ່ເກົາຫຼີເໜືອ ທີ່ໄດ້ທຳ ການຍິງລູກສອນໄຟຂີປະນາວຸດອີກທັງໆທີ່ພວກເຮົາ
ໄດ້ຄັດຄ້ານ.”
ໃນໄລຍະສອງສາມອາທິດຜ່ານມານີ້ ເກົາຫຼີເໜືອໄດ້ຂະຫຍາຍ ການທ້າທາຍຕໍ່ການລົງ ໂທດສະຫະປະຊາຊາດ ໂດຍໄດ້ທົດລອງຍິງລູກສອນໄຟຂີປະນາວຸດ ໃນຂະນະທີ່ກົດດັນ
ໃຫ້ເກົາຫຼີໃຕ້ ຍອມຮັບຂໍ້ຕົກລົງ ເພື່ອຜ່ອນຄາຍຄວາມເຄັ່ງຕຶງລົງ.
ເກົາຫລີໃຕ້ ໄດ້ປະຕິເສດຕໍ່ຂໍ້ສະເໜີ ໂດຍກ່າວວ່າ ກ່ອນອື່ນພຽງຢາງຕ້ອງເອົາບາດກ້າວ ເພື່ອສະແດງໃຫ້ເຫັນວ່າຕົນໄດ້ທັບມ້າງໂຄງການນິວເຄລຍຂອງຕົນແລ້ວ.
ໃນຂະນະດຽວກັນ ອົງການຂ່າວລັດຖະບານເກົາຫຼີເໜືອ ໄດ້ປະກາດກ່ຽວກັບການເສຍຊີວິດ
ຂອງຫົວໜ້າຄົນນຶ່ງ ທີ່ກຳກັບນຳໂຄງການນິວເຄລຍແລະລູກສອນໄຟຂອງພຽງຢາງ.
ອົງການຂ່າວສູນກາງເກົາຫຼີ ກ່າວວ່າ ນາຍພົນເບ້ຍບຳນານ Jon Pyong Ho ໄດ້ເສຍ ຊີວິດ ໃນວັນພຸດມື້ນີ້ ດ້ວຍໂລກຊະລາ ຮວມອາຍຸໄດ້ 88 ປີ.
ນາຍພົນ Jon ຊຶ່ງອອກກິນເບ້ຍບຳນານ ໃນປີ 2011 ນັ້ນໄດ້ມີບົດບາດສຳຄັນໃນການ ທົດລອງນິວເຄລຍ 2 ລູກທຳອິດຂອງເກົາຫຼີເໜືອ ໃນປີ 2006 ແລະ 2009.
