ເກົາຫລີເໜືອໄດ້ນຳອອກເຜີຍແຜ່ ສາລະຄະດີຮູບເງົາເລື່ອງນຶ່ງ ທີ່ສະແດງໃຫ້ເຫັນຜູ້ນໍາເກົາ
ຫລີເໜືອຄົນໃໝ່ ທ່ານ ກິມ ຈົງ ອຸນ ໄປຢ້ຽມຢາມກອງພົນລົດຖັງຊັ້ນຍອດຂອງກອງທັບເກົາ
ຫລີເໜືອ.
ສາລະຄະດີຮູບເງົາດັ່ງກ່າວໄດ້ນຳອອກເຜີຍແຜ່ເມື່ອວັນອັງຄານວານນີ້ ທີ່ສະແດງໃຫ້ເຫັນ
ທ່ານຜູ້ນໍາ ກິມ ຈົງ ອຸນ ຕົບມືໃນຂະນະທີ່ທ່ານຍ່າງຜ່ານເຫລົ່າທະຫານໃນວັນປີໃໝ່.
ນອກນີ້ຮູບເງົາຍັງສະແດງໃຫ້ເຫັນ ທ່ານກິມໂອ້ລົມກັບທະຫານຄົນນຶ່ງແລະຖ່າຍຮູບກັບ
ພວກທະຫານ ພ້ອມກັບຕົບມືແລະຮ້ອງເຊຍໃຫ້ກໍາລັງໃຈພວກທະຫານ.
ທ່ານກິມ ຈົງ ອຸນ ຖືກປະກາດໃຫ້ເປັນຜູ້ບັນຊາການທະຫານສູງສຸດຂອງ ກອງທັບແລະ
ຂອງພັກຄອມນີສຂອງເກົາຫລີເໜືອ ຫລັງຈາກການເຖິງແກ່ມໍລະນະກໍາຂອງມື້ລາງບິດາ
ຂອງທ່ານ ຄືທ່ານ ກິມ ຈົງ ອິລ ໃນຂະນະທີ່ທົ່ວໂລກປະຫລາດ ໃຈວ່າທ່ານ ກິມ ຈົງ ອຸນ
ຍັງໜຸ່ມເກີນໄປ ແລະຂາດປະສົບການໃນການກໍາຕໍາແໜ່ງຜູ້ນໍາຂອງປະເທດ.
ແຕ່ພວກນັກວິເຄາະການເມືອງໄດ້ໃຫ້ຂໍ້ສັງເກດວ່າ ພວກຜູ້ນໍາການເມືອງ ແລະທະຫານລະ
ດັບສູງເຕົ້າຂອງເກົາຫຼີເໜືອປາກົດວ່າ ປຸ້ມລຸມໃຫ້ການສະໜັບສະໜຸນ ແລະເລັ່ງລັດຊ່ວຍ
ທ່ານກິມຈົງອຸນ ໃນການເຂົ້າກຳອຳນາດ. ທ່ານ Bruce Klingner ເຈົ້າໜ້າທີ່ຄົ້ນຄວ້າອາວຸ
ໂສຄົນນຶ່ງປະຈໍາມູນນິທິHeritage Foundation ທີ່ນະຄອນຫລວງວໍຊິງຕັນດີຊີກ່າວວ່າ ສາ
ລະຄະດີຮູບເງົາດັ່ງກ່າວທີ່ຖືກນຳອອກເຜີຍແຜ່ນັ້ນກໍແມ່ນເພື່ອໃຫ້ການຄໍ້າປະ ກັນຕໍ່ປະຊາ
ຊົນເກົາຫລີເໜືອ ກ່ຽວກັບການໂອນອໍານາດຢ່າງລາບລື່ນດີ.