ລິ້ງ ສຳຫລັບເຂົ້າຫາ

ເກົາຫຼີເໜືອ ເນລະເທດ ນັກເຜີຍແຜ່ສາສະໜາ ອອສເຕຣເລຍ (ວີດີໂອ)


ເກົາຫຼີ​ເໜືອ ​ໄດ້​ປ່ອຍ​ໂຕ​ແລະ​ເນລະ​ເທດ ນັກ​ເຜີຍ​ແຜ່​ສາສະ
ໜາ ຊາວອອສ​ເຕຣ​ເລຍ​ ທີ່ ຖືກ​ຈັບ​ແລະ​ກັກ​ຂັງຢູ່ເກົາຫຼີ​ເໜືອ​
ນັ້ນ​ ຫຼັງ​ຈາກ​ຜູ້ກ່ຽວ​ໄດ້​ຂໍ​ຂະ​ມາ​ໂທດ​ຢ່າງ​ເປີດ​ເຜີຍ ກ່ຽວ​ກັບ
“​ພຶດຕິ​ກຳ​ທາງອາຍາ​ຂອງ​ຕົນ.”

ທ່ານ John Alexander Short ​ເດີນທາງ​ໄປ​ຮອດ​ກຸງ​ປັກ​ກິ​ງ​
ໃນ​ວັນ​ຈັນ​ມື້​ນີ້ ໂດຍ​ມີ​ເຈົ້າ​ໜ້າ​ທີ່​ຈາກ​ສະຖານທູດ​ອອສ​ເຕຣ
​ເລຍ ມາ​ຮັບ​ເອົາທ່ານ​ຢູ່​ສະໜາມ​ບິນ.

ທ່ານ Short ​ໄດ້​ຖືກ​ຈັບ​ກຸມ​ໃນ​ເດືອນ​ແລ້ວ​ນີ້ ​ແລະ​ຖືກ​ກ່າວຫາ​
ວ່າ ລະ​ເ​ມີດ​ກົດໝາຍ ຍ້ອນ​ໄດ້​ທຳ​ການແຈກ​ຢາຍ​ໃບ​ປິວ​ກ່ຽວ​
ກັບ​ພະ​ຄຳ​ພີ​ bible ທີ່​ວັດ​ສາສະໜາ​ພຸດ​ແຫ່ງ​ນຶ່ງໃນ​ກຸງ​ພຽງ​ຢ້າງ ​ເມື່ອ​ວັນ​ທີ 16 ກຸມພາ​ຜ່ານ​ມາ ຊຶ່ງ​ເປັນ​ວັນ​ເກີດ​ຂອງ​ທ່ານ​ຄິມ ຈົງ​ ອີລມື້​ລາງ​ຜູ້ນຳ​ເກົາຫຼີ​ເໜືອ​ນັ້ນ.

ອົງການ​ຂ່າວ​ທາງ​ການ​ຂອງເກົາຫຼີ​ເໜືອ ​ໄດ້​ພິມ​ເຜີຍ​ແຜ່​ຄຳສາລະພາບ​ຜິດ​ຂອງ​ນັກ​ເຜີຍ​ແຜ່​ສາສະໜາ ​ໄວ 75 ປີ ທ່ານ​ນີ້ ​ທີ່​ຍອມຮັບວ່າ ຕົນ​ໄດ້​ກະທຳຜິດ ​ແລະ​ຂໍ​ຂະ​ມາ​ໂທດ​ນັ້ນ.
XS
SM
MD
LG