ເຈົ້າໜ້າທີ່ເກົາຫຼີເໜືອ ແລະເກົາຫຼີໃຕ້ ໄດ້ຕົກລົງທີ່ຈະຟື້ນຟູ
ການເຈລະຈາໃນ ລະດັບສູງ ທີ່ຕົກຢູ່ໃນສະພາບບໍ່ໄປບໍ່ມາ
ໄດ້ຫລາຍເດືອນມາແລ້ວນັ້ນ. ການເຈລະຈາດັ່ງກ່າວ ມີກຳ
ນົດຈະເລີ້ຂຶ້ນ ໃນລະຫວ່າງທ້າຍເດືອນຕຸລາຫາ ຕົ້ນເດືອນ
ພະຈິກ.
ການຕົກລົງຄັ້ງໃໝ່ທີ່ຈະເປີດການເຈລະຈາລະດັບສູງ ມີຂຶ້ນ
ຫລັງຈາກການເດີນທາງໄປຢ້ຽມຢາມເກົາຫຼີໃຕ້ ຢ່າງກະທັນ
ຫັນໂດຍຄະນະຜູ້ຕາງໜ້າທີ່ປະກອບດ້ວຍ ເຈົ້າໜ້າທີ່ຂັ້ນສູງ
ສາມຄົນຂອງເກົາຫຼີເໜືອ ທີ່ໄດ້ພົບປະກັບລັດຖະມົນຕີກະຊວງ ທ້ອນໂຮມຊາດຂອງເກົາຫຼີໃຕ້ ທ່ານ Ryoo Kihi-jae ທີ່ເມືອງ
Incheon.
ທ່ານ Kim Kwan-jin ຜູ້ອຳນວຍການດ້ານຄວາມໝັ້ນຄົງແຫ່ງຊາດຂອງເກົາຫລີໃຕ້ກ່າວ
ວ່າ “ມື້ນີ້ບັນດາຜູ້ຢູ່ໃນໜ້າທີ່ຂັ້ນສູງພິເສດ ໄດ້ມາທີ່ນີ້ໃນນາມຜູ້ຕາງ ໜ້າຈາກເກົາຫລີເໜືອ.
ພວກເຮົາຕ້ອງປະຕິບັດງານຮ່ວມກັນ ເພື່ອໃຫ້ຄວາມສຳ ພັນລະຫວ່າງເກົາຫລີໃຕ້ ແລະເກົາຫລີເໜືອ ດີຂື້ນ.
ຄະນະຜູ້ຕາງໜ້າຂອງເກົາຫລີເໜືອ ແມ່ນນຳພາໂດຍ ທ່ານ Hwang Pyong So ຜູ້ນຳ
ໝາຍເລກສອງຂອງປະເທດ ຮອງຈາກທ່ານ Kim Jong Un. ທ່ານ Hwang ເປັນເຈົ້າ
ໜ້າທີ່ການເມືອງສູງສຸດ ຂອງກອງທັບເກົາຫລີເໜືອ ທີ່ມີທະ ຫານ 1 ລ້ານ 2 ແສນຄົນ.
ສ່ວນແຂກຜູ້ກຽດຂອງເກົາຫລີເໜືອອີກສອງຄົນ ແມ່ນເລຂາທິການໃຫຍ່ຂອງພັກແຮງ
ງານ ຊຶ່ງເປັນພັກລັດຖະບານທີ່ປົກຄອງປະເທດ ຄື ທ່ານ Choe Ryon Hae ແລະ ທ່ານ Kim yang Gon.
ທ່ານ King Yang Gon ເລຂາທິການໃຫຍ່ຂອງພັກແຮງງານເກົາຫລີເໜືອ ກ່າວວ່າ “ຂ້າ
ພະເຈົ້າໄດ້ເດີນທາງມາເທຶ່ອນີ້ ດ້ວຍຄວາມຫວັງວ່າ ໂອກາດດັ່ງກ່າວນີ້ ຈະເປັນບາດລ້ຽວ
ສຳລັບຄວາມສຳພັນລະຫວ່າງເກົາຫລີເໜືອ ແລະເກົາຫລີໃຕ້. ຂ້າພະເຈົ້າດີໃຈທີ່ໄດ້ນັ່ງຢູ່
ທີ່ນີ້ ແລະຮັບປະທານອາຫານອັນອົບອຸ່ນຮ່ວມກັນກັບພວກທ່ານ.”
ການຢ້ຽມຢາມທີ່ບໍ່ມີການຄາດຄິດໃນເທື່ອນີ້ ເບິ່ງຄືວ່າໄດ້ມີຂຶ້ນເພື່ອເຂົ້າຮ່ວມພິທີ ອັດການ
ແຂ່ງຂັນກິລາເອຊ່ຽນເກມ ໃນຕອນແລງວັນເສົາມື້ນີ້.
ການຢ້ຽມຢາມນີ້ເຮັດໃຫ້ຫລາຍໆຄົນຢູ່ໃນຂົງເຂດປະຫລາດໃຈວ່າ ການເຈລະຈາຮອບ
ໃໝ່ຈະສ້າງຄວາມຄືບໜ້າໃນການຫລຸດຜ່ອນຄວາມເຄັ່ງຕຶງ ທີ່ມີມາເປັນເວ ລາຫລາຍໆ
ທົດສະວັດລະຫວ່າງເກົາຫຼີເໜືອແລະເກົາຫຼີໃຕ້ ຊຶ່ງໃນທາງເຕັກນິກ ແລ້ວແມ່ນຍັງຢູ່ໃນ
ພາວະສົງຄາມ ລະຫວ່າງກັນຢູ່ ຍ້ອນບັນຫາຂັດແຍ້ງລະຫວ່າງ ປີ 1950 ຫາ 1953 ນັ້ນ ຍຸດຕິລົງດ້ວຍການຢຸດຍິງ ບໍ່ແມ່ນດ້ວຍສົນທິສັນຍາ ສັນຕິພາບ.
