ເກົາຫຼີເໜືອເຕືອນເກົາຫຼີໃຕ້ທີ່ເປັນຄູ່ປໍລະປັກແລະປະເທດຕ່າງໆໃນໂລກໃນວັນສຸກມື້ນີ້ວ່າຈະ
ບໍ່ມີການປ່ຽນແປງໃນດ້ານນະໂຍບາຍໃດໆພາຍໃຕ້ການນຳພາຂອງຜູ້ນຳຄົນໃໝ່ ທ່ານກິມຈົງ
ອຸນ.
ຄະນະກຳມາທິການປ້ອງກັນຊາດຂອງເກົາຫຼີເໜືອກ່າວໃນຖະແຫຼງການສະບັບນຶ່ງທີ່ນຳອອກ
ເຜີຍແຜ່ໂດຍອົງການຂ່າວສູນກາງແລະໂທລະພາບຂອງທາງການເກົາຫຼີເໜືອວ່າ ພວກນັກ
ການເມືອງທີ່ໂງ່ເຂົາເບົາປັນຍາໃນທົ່ວໂລກຮວມທັງກຳລັງຫຸ່ນໃນເກົາຫຼີໃຕ້ ບໍ່ຄວນຄາດຫວັງ
ວ່າຈະມີການປ່ຽນແປງໃດໆຈາກພວກເຮົາ.
ຄຳເຕືອນທີ່ເຄັ່ງຂຶມດັ່ງກ່າວເວົ້າວ່າ ເກົາຫຼີເໜືອແມ່ນມີຄວາມປຸ້ມລຸມສາມັກຄີຫ້ອມລ້ອມຜູ້ນຳ
ທີ່ຍິ່ງໃຫຍ່ສະຫາຍກິມຈົງອຸນລຸນຫຼັງການເຖິງແກ່ມໍລະນະກຳຂອງມື້ລາງບິດາທ່ານຜູ້ນຳທີ່ປົກ
ຄອງປະເທດມາເປັນເວລາດົນນານ ທ່ານກິມ ຈົງອິລ ໃນເດືອນນີ້.
ຖະແຫຼງການປະກາດວ່າ ເກົາຫຼີເໜືອແມ່ນເດັດຂາດ ຈະບໍ່ຕິດຕໍ່ພົວພັນກັບປະທານາທິບໍດີນິ
ຍົມແນວທາງເດີມຂອງເກົາຫຼີໃຕ້ ທ່ານ Lee Myung-bak ທີ່ໄດ້ດຳ ເນີນນະໂຍບາຍເອົາ
ທ່າທີແບບແຂງກະດ້າງຕໍ່ຄອມມູນິສເກົາຫຼີເໜືອແລະວ່າປະຊາຊົນແລະທະຫານຈະຮ່ວມແຮງ
ຮ່ວມໃຈໃຫ້ການສະໜັບສະໜຸນທ່ານກິມຈົງອຸນ.
