ລິ້ງ ສຳຫລັບເຂົ້າຫາ

ເກົາຫຼີໃຕ້ ຮຽກຮ້ອງໃຫ້ມີ ສະຖຽນລະພາບ ໃນເກົາຫຼີເໜືອ

  • ໄພສານ ວໍຣະຈັກ

ທ່ານ Lee Myung-bak (ກາງ) ປະທານາທິບໍດີເກົາຫຼີໃຕ້ (22 ທັນວາ 2011)

ທີ່​ເກົາຫຼີ​ເໜືອ ການ​ໂອນ​ອຳນາດໃຫ້​ແກ່​ລູກ​ຊາຍ​ຂອງ​ມື້ລາງ​ທ່ານ​ກິມຈົງ​ອິລຄືທ່ານ​ກິມຈົງ​ອຸນ
ປະກົດ​ວ່າ​ ໄດ້​ດຳ​ເນີນ​ໄປ​ດ້ວຍ​ຄວາມ​ລາບ​ລື່ນ​ໃນ​ວັນ​ພະຫັດ​ມື້ນີ້​ໂດຍ​ທີ່​ສື່​ມວນ​ຊົນ​ຂອງ​ທາງ
ການ​ເກົາຫຼີ​ເໜືອ​ເອີ້ນທ່ານ​ວ່າເປັນ​ຜູ້ນຳ​ທີ່​ໂດດ​ເດັ່ນ ​ແລະ​ບໍ່​ມີ​ຮ່ອງຮອຍ​ໃດໆ​ສະ​ແດງ​ໃຫ້​ເຫັນ​
ວ່າ ​ໄດ້​ເກີດ​ຄວາມ​ວຸ້ນວາຍ​ຂຶ້ນຢູ່​ຕາມ​ຖະໜົນ​ຫົນທາງ​ຂອງ​ນະຄອນຫຼວງ ຫຼືການ​ເຄື່ອນ​ຍ້າຍ
ທະຫານ​ແບບ​ຜິດ​ປົກກະຕິ​ໃດໆ.

ຊາວ​ເກົາຫຼີ​ເໜືອ​ຫຼາຍສິບ​ພັນ​ຄົນ ​ຍັງ​ສືບ​ຕໍ່ພາກັນ​ໄວ້​ທຸກ​ໃຫ້​ທ່ານ​ກິມຈົງ​ອິລ ທີ​ໄດ້ນຳພາ​ປະ
ເທດ​ມາ​ເປັນ​ເວລາ 17 ປີ.

ລັດຖະບານ​ຕ່າງປະ​ເທດ ​ພວມ​ຈັບ​ຕາ​ເບິ່ງ​ເຫດການ ​ທີ່​ນະຄອນພຽງ​ຢາງ​ຢ່າງ​ໃກ້ຊິດຍ້ອນ​ມີ​
ຄວາມ​ກັງວົນ​ໃຈ ກ່ຽວ​ກັບ​ການ​ກ້າວ​ຂຶ້ນສູ່​ອຳນາດ​ ຂອງ​ທ່ານ​ກິມຈົງ​ອຸນ ​ໃນເກົາຫຼີ​ເໜືອ​ ຊຶ່ງ​
ເປັນ​ປະ​ເທດ​ທີ່​ມີ​ອາວຸດ​ນິວ​ເຄລຍມີ​ກອງທັບ​ຂະໜາດ​ໃຫຍ່​ແລະ​ເຄີຍ​ມີ​ປະວັດ​ມາ​ແລ້ວ​ໃນ​ການ
ເປັນ​ປໍ​ລະ​ປັກ​ກັບ​ບັນດາປະ​ເທດ​ເພື່ອນ​ບ້ານ.

ທີ່​ກຸງ​ໂຊ​ລປະທານາທິບໍດີ​ເກົາຫຼີ​ໃຕ້ທ່ານ Lee Myung-bak ​ໄດ້​ຮຽກຮ້ອງ​ໃຫ້ເກົາຫຼີ​ເໜືອ
ມີ​ສະ​ຖຽນລະ​ພາບ. ທ່ານ​ກ່າວ​ຕໍ່​ກອງ​ປະຊຸມ ຜູ້ນຳ​ທາງການ​ເມືອງ ໃນ​ວັນ​ພະຫັດ​ ມື້ນີ້ວ່າ
ການ​ສ້າງ​ສະ​ຖຽນລະ​ພາບ​ໄດ້​ໄວ​ປານ​ໃດ​ ໃນ​ລະບົບ​ການ​ເມືອງ​ຂອງ​ເກົາຫຼີ​ເໜືອແມ່ນ​ນອນ
ຢູ່​ໃນ​ຜົນ​ປະ​ໂຫຍ​ດຂອງ​ບັນດາ​ປະ​ເທດ​ເພື່ອນບ້ານ.

ທ່ານ​ກ່າວ​ຕື່ມ​ວ່າ ກຸງ​ໂຊ​ລ​ເຕັມ​ໃຈ​ທີ່​ຈະ​ຜ່ອນຜັນ​ທ່າ​ທີ​ຂອງ​ຕົນ​ລົງ​ໂດຍ​ກ່າວ​ວ່າ ຍັງ​ມີ​ບ່ອນ​
ທີ່​ສາມາດ​ປັບ​ປ່ຽນ​ໄດ້​ຢູ່ກ່ຽວ​ກັບ​ຄວາມ​ສຳພັນ​ໃນ​ອະນາຄົດກັບ​ພຽງ​ຢາງ.

ນອກ​ນັ້ນ​ແລ້ວ​ສະຫະລັດ ​ກໍ​ໄດ້​ສະ​ແດງ​ຄວາມ​ຫວັງ​ໄປ​ໃນ​ແງ່​ດີກ່ຽວ​ກັບ​ຄວາມ​ເປັນ​ໄປ​ໄດ້​ໃນ
ການ​ທີ່​ຈະ​ດຳ​ເນີນ​ງານ​ຮ່ວມ​ກັບ​ຜູ້ນຳ​ຄົນ​ໃໝ່​ຂອງ​ເກົາຫຼີ​ເໜືອ. ທ່ານ John Kirby ​ໂຄສົກ​
ກະຊວງ​ປ້ອງ​ກັນ​ປະ​ເທດ​ສະຫະລັດຮຽກຮ້ອງ​ໃຫ້​ເກົາຫຼີ​ເໜືອສິ້ນສຸດ​ການ​ດຳ​ເນີນ​ນະ​ໂຍບາຍ
ແບບ​ປິດ​ປະ​ເທດ​ໃນ​ລະຫວ່າງ​ການ​ຖະ​ແຫຼງຂ່າວ​ທີ່​ທຳນຽບຫ້າ​ແຈ​ໃນ​ມື້ວັນ​ພຸດ​ວານ​ນີ້.

XS
SM
MD
LG