ລາຍງານໃໝ່ສະບັບນຶ່ງເວົ້າວ່າ ການຄ້າຂອງເກົາຫຼີເໜືອກັບຈີນ
ປະກອບເປັນຫຼາຍກວ່າ 70 ເປີເຊັນ ຂອງປະລິມານການຄ້າທັງ
ໝົດຂອງເກົາຫລີເໜືອເມື່ອປີຜ່ານມາ ໃນຂະນະທີ່ປະເທດທີ່ຖືກ
ໂດດດ່ຽວແຫ່ງນີ້ ອາໄສເພິ່ງພາຈີນ ຊຶ່ງເປັນພັນທະມິດສໍາຄັນພຽງ
ປະເທດດຽວຂອງຕົນນັ້ນ ຫລາຍຂຶ້ນໄປເລື້ອຍໆ.
ຫ້ອງການສະຖິຕິແຫ່ງຊາດຂອງເກົາຫຼີໃຕ້ ເວົ້າເມື່ອວັນພະຫັດມື້ນີ້ວ່າ ການຄ້າສອງຝ່າຍຂອງພຽງຢາງກັບປັກກິ່ງ ມີມູນຄ່າເກີນ 5.600 ລ້ານໂດລາໃນປີ 2011 ຊຶ່ງແມ່ນເພີ່ມຂຶ້ນ
ຫລາຍກ່ວາ
60 ເປີເຊັນ ຈາກປີກ່ອນ.
ກຸງໂຊລ ເວົ້າວ່າ ເປັນເທື່ອທໍາອິດທີ່ການຄ້າຂອງເກົາຫຼີເໜືອກັບຈີນ ມີມູນຄ່າເກີນ 70 ເປີເຊັນ ຂອງການຄ້າຂອງພຽງຢາງກັບໂລກ ນັບຕັ້ງແຕ່ເລິ່ມຕິດຕາມສະຖິຕິຂອງການຄ້າໃນປີ 2000 ເປັນຕົ້ນມາ.
ເກົາຫຼີເໜືອ ທີ່ກໍາລັງປະເຊີນກັບການຖືກໂດດດ່ຽວຈາກນາໆຊາດ ເພີ່ມຂຶ້ນໄປນັບມື້ນັ້ນ ແມ່ນໄດ້ເພິ່ງພາຈີນຢ່າງໜັກ ຊຶ່ງຈີນສະໜອງທັງການຊ່ວຍເຫຼືອທາງເສດຖະກິດໃຫ້ແກ່ປະເທດທີ່ຍາກຈົນນີ້ ແລະການປ້ອງກັນທາງການທູດ ທີ່ອົງການສະຫະປະຊາຊາດນໍາ.
ສະພາຄວາມໝັ້ນຄົງອົງການສະຫະປະຊາຊາດ ກໍາລັງພິຈາລະນາຈະເອົາ ມາດຕະການລົງໂທດເກົາຫຼີເໜືອໜັກໜ່ວງຂຶ້ນອີກ ຫຼັງຈາກເກົາຫຼີເໜືອໄດ້ ຍິງຈະຫຼວດໄລຍະໄກຂອງຕົນຢ່າງສໍາເລັດຜົນໃນເດືອນນີ້ ຊຶ່ງສະພາຄວາມໝັ້ນຄົງປະນາມວ່າ ເປັນການລັກທົດລອງຍິງລູກສອນໄຟ ທີ່ຖືກ ຫ້າມພາຍໃຕ້ການລົງໂທດ ທີ່ຍັງມີຜົນບັງຄັບໃຊ້ຢູ່ນັ້ນ.
ປະກອບເປັນຫຼາຍກວ່າ 70 ເປີເຊັນ ຂອງປະລິມານການຄ້າທັງ
ໝົດຂອງເກົາຫລີເໜືອເມື່ອປີຜ່ານມາ ໃນຂະນະທີ່ປະເທດທີ່ຖືກ
ໂດດດ່ຽວແຫ່ງນີ້ ອາໄສເພິ່ງພາຈີນ ຊຶ່ງເປັນພັນທະມິດສໍາຄັນພຽງ
ປະເທດດຽວຂອງຕົນນັ້ນ ຫລາຍຂຶ້ນໄປເລື້ອຍໆ.
ຫ້ອງການສະຖິຕິແຫ່ງຊາດຂອງເກົາຫຼີໃຕ້ ເວົ້າເມື່ອວັນພະຫັດມື້ນີ້ວ່າ ການຄ້າສອງຝ່າຍຂອງພຽງຢາງກັບປັກກິ່ງ ມີມູນຄ່າເກີນ 5.600 ລ້ານໂດລາໃນປີ 2011 ຊຶ່ງແມ່ນເພີ່ມຂຶ້ນ
ຫລາຍກ່ວາ
60 ເປີເຊັນ ຈາກປີກ່ອນ.
ກຸງໂຊລ ເວົ້າວ່າ ເປັນເທື່ອທໍາອິດທີ່ການຄ້າຂອງເກົາຫຼີເໜືອກັບຈີນ ມີມູນຄ່າເກີນ 70 ເປີເຊັນ ຂອງການຄ້າຂອງພຽງຢາງກັບໂລກ ນັບຕັ້ງແຕ່ເລິ່ມຕິດຕາມສະຖິຕິຂອງການຄ້າໃນປີ 2000 ເປັນຕົ້ນມາ.
ເກົາຫຼີເໜືອ ທີ່ກໍາລັງປະເຊີນກັບການຖືກໂດດດ່ຽວຈາກນາໆຊາດ ເພີ່ມຂຶ້ນໄປນັບມື້ນັ້ນ ແມ່ນໄດ້ເພິ່ງພາຈີນຢ່າງໜັກ ຊຶ່ງຈີນສະໜອງທັງການຊ່ວຍເຫຼືອທາງເສດຖະກິດໃຫ້ແກ່ປະເທດທີ່ຍາກຈົນນີ້ ແລະການປ້ອງກັນທາງການທູດ ທີ່ອົງການສະຫະປະຊາຊາດນໍາ.
ສະພາຄວາມໝັ້ນຄົງອົງການສະຫະປະຊາຊາດ ກໍາລັງພິຈາລະນາຈະເອົາ ມາດຕະການລົງໂທດເກົາຫຼີເໜືອໜັກໜ່ວງຂຶ້ນອີກ ຫຼັງຈາກເກົາຫຼີເໜືອໄດ້ ຍິງຈະຫຼວດໄລຍະໄກຂອງຕົນຢ່າງສໍາເລັດຜົນໃນເດືອນນີ້ ຊຶ່ງສະພາຄວາມໝັ້ນຄົງປະນາມວ່າ ເປັນການລັກທົດລອງຍິງລູກສອນໄຟ ທີ່ຖືກ ຫ້າມພາຍໃຕ້ການລົງໂທດ ທີ່ຍັງມີຜົນບັງຄັບໃຊ້ຢູ່ນັ້ນ.
