ເກົາຫຼີເໜືອ ອວດອ້າງວ່າ ລູກສອນໄຟຂອງຕົນ 'ແຮງທີ່ສຸດໃນໂລກ,' ແຕ່ໃຫຍ່ເກີນໄປສໍາລັບໃຊ້ໃນສົງຄາມ

ເກົາຫຼີເໜືອ ໄດ້ທໍາການອວດອ້າງໃນວັນສຸກມື້ນີ້ວ່າ ລູກສອນໄຟຂີປະນາວຸດ ຂ້າມທະວີບ ຫຼື ICBM ລຸ້ນໃໝ່ທີ່ຕົນຫາກໍທົດລອງຍິງນັ້ນ ແມ່ນລູກສອນໄຟທີ່ “ແຮງທີ່ສຸດໃນໂລກ,” ເຊິ່ງການອ້າງດັ່ງກ່າວເບິ່ງຄືວ່າ ເປັນພຽງການໂຄສະນາ ຊວນເຊື່ອ ຫຼັງຈາກຜູ້ຊ່ຽວຊານປະເມີນວ່າ ມັນມີຂະໜາດໃຫຍ່ເກີນໄປທີ່ຈະເປັນ ປະໂຫຍດໃນສະຖານະການສົງຄາມ.

ລູກສອນໄຟ ICBM ໄດ້ທໍາການຍິງໃນວັນພະຫັດວານນີ້, ເຊິ່ງມັນໄດ້ບິນສູງ ແລະຢູ່ໃນໄລຍະເວລາດົນກວ່າອາວຸດອື່ນໆທີ່ ເກົາຫຼີເໜືອ ໄດ້ທົດລອງມາ. ​ແຕ່​ບັນດາ​ນັກ​ຊ່ຽວຊານ​ຕ່າງປະ​ເທດ​ກ່າວ​ວ່າ ການ​ທົດ​ລອງ​ດັ່ງກ່າວບໍ່ໄດ້ສະແດງ ໃຫ້ເຫັນວ່າ ​ເກົາຫລີ​ເໜືອ ມີ​ຄວາມ​ຊຳ​ນານ​ໃນອຸປະສັກ​ທາງ​ດ້ານ​ເທັກ​ໂນ​ໂລ​ຈີອັນ​ສຸດ​ທ້າຍທີ່​ຍັງ​ມີຢູ່ຈໍານວນນຶ່ງ ເພື່ອປະກອບ​ລູກ​ສອນ​ໄຟ ICBM ທີ່​ສາມາດ​ໂຈມ​ຕີ​ແຜ່ນດິນ​ໃຫຍ່​ຂອງ ສະຫະລັດ ​ໄດ້.

ອົງການ​ຂ່າວ​ສູນ​ກາງ​ເກົາຫຼີ​ເໜືອ ຫຼື KCNA ​ລະບຸເຖິງ​ລູກ​ສອນ​ໄຟ​ດັ່ງກ່າວ​ວ່າ​ເປັນ​ລູກ​ສອນ​ໄຟ ຮວາຊອງ-19 (Hwasong-19) ​ແລະ​ຮ້ອງ​ມັນ​ວ່າ “ລູກ​ສອນ​ໄຟ​ຍຸດ​ທະ​ສາດ​ທີ່​ແຂງ​ແຮງ​ທີ່​ສຸດ​ໃນ​ໂລກ” ພ້ອມທັງເປັນ “ລະບົບ​ອາວຸດ​ທີ່​ສົມບູນ​ແບບທີ່ສຸດ.” ອົງການຂ່າວ​ທາງ​ການ​ກ່າວ​ວ່າ ຜູ້​ນໍາ ກິມ ຈົງ ອຶນ ​ໄດ້ອອກໄປ​ສັງ​ເກດ​ການ​ຍິງ​ລູກ​ສອນ​ໄຟ​ດັ່ງກ່າວ ​ໂດຍ​ພັນ​ລະ​ນາ​ວ່າ ​ເປັນ​ການ​ສະ​ແດງ​ອອກ​ເຖິງ​ຄວາມ​ຕັດສິນ​ໃຈ​ຂອງ ​ເກົາຫລີ​ເໜືອ ທີ່​ຈະ​ຕອບ​ໂຕ້​ສໍາລັບ ການ​ຂົ່ມຂູ່​ຈາກ​ພາຍ​ນອກ​ຕໍ່​ຄວາມ​ໝັ້ນຄົງ​ຂອງ ​ເກົາຫລີ​ເໜືອ.

ທັງ ສີ ແລະ ຮູບຮ່າງ ຂອງແປວໄຟທີ່ເຫັນຢູ່ໃນຮູບຂອງອົງການຂ່າວ KCNA ຈາກການຍິງ, ສະແດງໃຫ້ເຫັນວ່າ ລູກສອນໄຟນໍາໃຊ້ນໍ້າມັນເຊື້ອໄຟແຂງ ທີ່ບັນຈຸໄວ້ແລ້ວ, ເຊິ່ງເຮັດໃຫ້ອາວຸດມີຄວາມວ່ອງໄວ ແລະກວດພົບຍາກກວ່າ ນໍ້າມັນເຊື້ອໄຟແຫຼວ ທີ່ໂດຍທົ່ວໄປແລ້ວຈະຕ້ອງໃສ່ນໍ້າມັນເຊື້ອໄຟໄວ້ລ່ວງໜ້າ.

ແຕ່ບັນດານັກຊ່ຽວຊານກ່າວວ່າ ຮູບຖ່າຍຕ່າງໆສະແດງໃຫ້ເຫັນ ທັງລູກສອນໄຟ ICBM ແລະ ຍານພາຫະນະສໍາລັບການຍິງຂອງມັນນັ້ນ ມີຂະໜາດໃຫຍ່ເກີນ ໄປ, ອັນໄດ້ເຮັດໃຫ້ມີຄຳຖາມຢ່າງຈິງຈັງ ກ່ຽວກັບ ຄວາມສາມາດຂອງການ ເຄື່ອນທີ່ ແລະການເອົາໂຕລອດຂອງພວກມັນໃນເວລາເກີດສົງຄາມ.

ທ່ານ ລີ ຊັງມິນ (Lee Sangmin), ຜູ້ຊ່ຽວຊານຂອງສະຖາບັນວິເຄາະດ້ານ ການປ້ອງກັນປະເທດຂອງເກົາຫຼີໃຕ້ ກ່າວວ່າ “ເມື່ອລູກສອນໄຟມີຂະໜາດ ໃຫຍ່ກວ່າ, ມັນຈະເກີດຫຍັງຂຶ້ນ? ຍານພາຫະນະກໍ່ມີລັກສະນະໃຫຍ່ຂຶ້ນ ເຊັ່ນກັນ. ໃນຂະນະທີ່ເຄື່ອງຊ່ວຍຍິງກໍມີລັກສະນະໃຫຍ່ຂຶ້ນ, ການເຄື່ອນທີ່ຂອງ ພວກມັນກໍຕ້ອງຫຼຸດລົງ.”

ຄາດວ່າ ລູກສອນໄຟ ຮວາຊອງ-19 ຈະມີຄວາມຍາວຢ່າງໜ້ອຍ 28 ແມັດ, ໃນຂະນະທີ່ລູດສອນໄຟ ICBM ທີ່ທັນສະໄໝຂອງ ສະຫະລັດ ແລະ ຣັດເຊຍ ມີຄວາມຍາວໜ້ອຍກວ່າ 20 ແມັດເທົ່ານັ້ນ, ອີງຕາມການກ່າວຂອງຜູ້ຊ່ຽວ ຊານດ້ານລູກສອນໄຟຂີປະນາວຸດຈາກສະຖາບັນຄົ້ນຄວ້າແຫ່ງຊາດເກົາຫຼີ ຂອງຂະຄອນຫຼວງໂຊລ. ທ່ານ​ສະ​ແດງໃຫ້ເຫັນ​ວ່າ ຂະໜາດ​ຂອງ​ລູກ​ສອນ​ໄຟ​ ເບິ່ງຄືວ່າຈະ​ເຮັດ​ໃຫ້​ເຈົ້າ​ໜ້າ​ທີ່​ສືບ​ລັບ​ຂອງ​ເກົາຫຼີ​ໃຕ້ ​ສາມາດ​ຊອກ​ຫາ​ແຜນການ​ຍິງຂອງ​ລູກ​ສອນໄຟລ່ວງ​ໜ້າໄດ້.

ທ່ານ ຊາງ (Chang) ກ່າວ​ວ່າ “ໃນ​ກໍ​ລະ​ນີເກີດ​ຄວາມຂັດແຍ້ງ​ກັນ, ການ​ເປີດ​ເຜີຍ​ດັ່ງ​ກ່າວ ອາດ​ເຮັດ​ໃຫ້​ອາ​ວຸດກາຍ​ເປັນ​ເປົ້າ​ໝາຍ​ຂອງ​ການ​ໂຈມ​ຕີ​ລ່ວງ​ໜ້າ​ໂດຍ​ຝ່າຍ​ກົງກັນຂ້າມ, ດັ່ງ​ນັ້ນ​ ມັນຈະກາຍເປັນ​ບັນ​ຫາ​ໃຫຍ່​ຂອງ​ການເອົາໂຕ​ລອດໄດ້.”

ອ່ານຂ່າວດ້ານລຸ່ມນີ້ເປັນພາສາອັງກິດ

SEOUL, South Korea (AP) — North Korea boasted Friday that the new intercontinental ballistic missile it just test-launched is “the world’s strongest,” a claim seen as pure propaganda after experts assessed it as being too big to be useful in a war situation.

The ICBM launched Thursday flew higher and for a longer duration than any other weapon North Korea has tested. But foreign experts say the test failed to show North Korea has mastered some of the last remaining technological hurdles to possess functioning ICBMs that can strike the mainland U.S.

The North’s Korean Central News Agency identified the missile as a Hwasong-19 and called it “the world’s strongest strategic missile” and “the perfected weapon system.” The official media outlet said leader Kim Jong Un observed the launch, describing it as an expression of North Korea’s resolve to respond to external threats to North Korea’s security.

The color and shape of the exhaust flames seen in North Korean media photos of the launch suggest the missile uses preloaded solid fuel, which makes weapons more agile and harder to detect than liquid propellants that in general must be fueled beforehand.

But experts say the photos show the ICBM and its launch vehicle are both oversized, raising a serious question about their wartime mobility and survivability.

“When missiles get bigger, what happens? The vehicles get larger, too. As the transporter-erector launchers get bigger, their mobility decreases,” Lee Sangmin, an expert at South Korea’s Korea Institute for Defense Analyses.

The Hwasong-19 was estimated to be at least 28 meters long (92 feet) while advanced U.S. and Russian ICBMs are less than 20 meters long (66 feet), said Chang Young-keun, a missile expert at Seoul’s Korea Research Institute for National Strategy. He suggested that the missile's size likely helped South Korean intelligence authorities detect the launch plan in advance.

“In the event of a conflict, such an exposure makes the weapon a target of a preemptive attack by opponents so there would be a big issue of survivability,” Chang said.