ລິ້ງ ສຳຫລັບເຂົ້າຫາ

ລັດຄາໂຣໄລນາເໜືອ ກຽມຮັບເອົາ ອົບພະຍົບ ອັຟການິສຖານ


ອົບພະຍົບ ອັຟການິສຖານ ເລືອກເຄື່ອງນຸ່ງຢູ່ສູນອົບພະຍົບ ອັຟການິສຖານ ຢູ່ຖານທັບ ແມັກກວາຍ ດິກສ໌ ເລກເຮີສ໌, ລັດ ນິວ ເຈີຊີ. 27 ກັນຍາ, 2021.

ໃນປະຊາຊົນ ອັຟການິສຖານ ຫຼາຍພັນຄົນທີ່ໄດ້ອົບພະຍົບມາສະຫະລັດ ບໍ່ເທົ່າໃດເດືອນທີ່ຜ່ານມານີ້, ຫຼາຍຮ້ອຍຄົນແມ່ນໄດ້ໄປຕັ້ງຖິ່ນຖານໃໝ່ໃນລັດ ຄາໂຣໄລນາເໜືອ ຢູ່ທາງພາກຕາເວັນອອກສຽງໃຕ້ຂອງປະເທດ, ບ່ອນທີ່ການ ກຽມພ້ອມຕ່າງໆແມ່ນມີຢ່າງເຕັມທີ່ເພື່ອຊ່ວຍເຫຼືອເຂົາເຈົ້າປັບຕົວເຂົ້າກັບຊີວິດ ໃໝ່ໃນ ອາເມຣິກາ.

ເວລາແມ່ນສຳຄັນ, ອີງຕາມ ທ່ານນາງ ມາຊາ ເຮີສ໌ (Marsha Hirsch), ຜູ້ອຳນວຍການໃຫຍ່ຂອງອົງການຕັ້ງຖິ່ນຖານໃໝ່ຂອງອົບພະຍົບໃນ​ລັດ ຄາໂຣໄລນາ (CRRA) ທີ່ມີຫ້ອງການຕັ້ງຢູ່ເມືອງ ຊາລັອດ (Charlotte), ເຊິ່ງແມ່ນເມືອງທີ່ໃຫຍ່ທີ່ສຸດຂອງລັດ ຄາໂຣໄລນາເໜືອ.

ທ່ານນາງ ເຮີສ໌ ໄດ້ກ່າວຕໍ່ວີໂອເອວ່າ “ມັນໄດ້ເປັນຄວາມຫວັງຂອງພວກເຮົາມາຕະຫຼອດທີ່ວ່າ ຫຼັງ ຈາກ 90 ວັນ, ອົບພະຍົບບາງຄົນຈະມີວຽກເຮັດ, ສະນັ້ນອົບພະຍົບດັ່ງກ່າວຈຶ່ງສາມາດກ້າວໄປສູ່ການເພິ່ງພາອາໄສຕົນເອງທາງດ້ານການເງິນ, ຈ່າຍຄ່າເຊົ່າບ້ານຂອງເຂົາເຈົ້າເອງ, ເຂົ້າຮຽນພາສາອັງກິດ, ສົ່ງເດັກນ້ອຍເຂົ້າໂຮງຮຽນໄດ້. ສະນັ້ນ ພວກເຮົາພະຍາຍາມທີ່ຈະເຮັດວຽກທັງໝົດນັ້ນ ໃຫ້ສຳເລັດພາຍໃນ 90 ວັນ.”

ຄືກັບອົບພະຍົບຫຼາຍໆຄົນ, ຊາວ ອັຟການິສຖານ ທີ່ມາຕັ້ງຖິ່ນຖານໃໝ່ ແມ່ນໄດ້ຫຼົບໜີສົງຄາມ ແລະ ຄວາມວຸ້ນວາຍໃນຂະນະທີ່ພວກຕາລີບານ ໄດ້ເຂົ້າກຳອຳນາດຢ່າງວ່ອງໄວໃນບໍ່ເທົ່າໃດວັນສຸດທ້າຍຂອງການຖອນທະຫານ ສະຫະລັດອອກຈາກປະເທດດັ່ງກ່າວ. ບໍ່ຄືກັບອົບພະຍົບສ່ວນ ໃຫຍ່, ອົບພະຍົບຊາວອັຟການິສຖານ ທຸກຄົນແມ່ນໄດ້ມີການເຊື່ອມຕໍ່ບາງຢ່າງກັບ ສະຫະລັດແລ້ວ, ໄດ້ຮັບເງິນເດືອນຈາກ ສະຫະລັດ ໃນລະຫວ່າງສົງຄາມ 20 ​ປີ ຂອງ ອາເມຣິກາ ໃນ
ອັຟການິສຖານ ຫຼື ກ່ຽວຂ້ອງກັບຄົນໃດຄົນນຶ່ງຜູ້ທີ່ຖືກຈ້າງງານນັ້ນ.

ທ່ານ ໂອເມີ ໂອເມີ, ຜູ້ອຳນວຍການຂອງຄະນະກຳມະການນອົບພະຍົບ ແລະ ຜູ້ຍົກຍ້າຍຖິ່ນຖານ, ຫ້ອງການປະຈຳພາກສະໜາມໃນນະຄອນ ຣາເລ (Raleigh) ລັດ ຄາໂຣໄລນາເໜືອ ໄດ້ກ່າວວ່າ “ເກືອບທຸກຄົນຜູ້ທີ່ໄດ້ຮັບວີຊາເພື່ອມາ ອາເມຣິກາ ແມ່ນຕ້ອງເຄີຍໄດ້ເຮັດວຽກກັບ ສະຫະລັດ ໃນລະ​ດັບໃດນຶ່ງ, ແນ່ນອນກັບພີ່ນ້ອງຂອງເຂົາເຈົ້າ.”

ທ່ານ ໂອເມີ ໄດ້ກ່າວຢໍ້າອີກວ່າ ອົບພະຍົບອັຟການິສຖານຈຳ​ນວນ​ນຶ່ງແມ່ນໄດ້ ເດີນທາງຮອດລັດຄາໂຣໄລນາເໜືອ ແລ້ວໂດຍຈະມີມາຕື່ມອີກຈາກຖານທັບ ສະຫະລັດ ບ່ອນທີ່ເຂົາເຈົ້າໄດ້ອາໄສຢູ່ຊົ່ວຄາວ. ບາງຄົນໄດ້ເດີນທາງຮອດເປັນຄອບຄົວ ແລະ ຄົນອື່ນໆແມ່ນ​ມາເປັນແບບບຸກຄົນ.

ອ່ານຂ່າວນີ້ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG