ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ອີຣ່ານ ເປັນເຈົ້າພາບ ຈັດກອງປະຊຸມບໍ່ຮ່ວມກຸ່ມ (ວີດີໂອ)


ບັນດາຜູ້ແທນທີ່ເຂົ້າຮ່ວມກອງປະຊຸມລະດັບຜູ້ຊ່ຽວຊານ ຂອງກອງປະຊຸມສຸດຍອດຄັ້ງທີ 26 ຂອງ ຂະບວນການບໍ່ຮ່ວມກຸ່ມ ຢູ່ນະຄອນຫລວງເຕຫະຣ່ານ, ວັນທີ 26 ສິງຫາ 2012.
ບັນດາຜູ້ແທນທີ່ເຂົ້າຮ່ວມກອງປະຊຸມລະດັບຜູ້ຊ່ຽວຊານ ຂອງກອງປະຊຸມສຸດຍອດຄັ້ງທີ 26 ຂອງ ຂະບວນການບໍ່ຮ່ວມກຸ່ມ ຢູ່ນະຄອນຫລວງເຕຫະຣ່ານ, ວັນທີ 26 ສິງຫາ 2012.
ບັນດາ​ຜູ້​ແທນ​ຈາກເກືອ​ບ 120 ປະ​ເທດ ຊຶ່ງ​ຮວມ​ທັງຜູ້​ນໍາ
​ປະ​ເທດຫລາຍສິບຄົນ ​ໄດ້​ໄປ​ເຕົ້າ​ໂຮມ​ກັນຢູ່​ທີ່ເຕ​ຫະຣານ ​
ເມືອງ​ຫລວງ​ຂອງ​ອິຣ່ານ ​ເພື່ອເຂົ້າ​ຮ່ວມ​ກອງປະ​ຊຸມ​ຂອງ
ຂະບວນການບໍ່​ຮ່ວມ​ກຸ່ມ.

ໃນ​ພິທີ​ໄຂ​ກອງ​ປະ​ຊຸມ​ໃນ​ວັນ​ອາທິດວານ​ນີ້ ລັດຖະມົນ​ຕີ​ການ​ຕ່າງປະເທດອິຣ່ານ ທ່ານ Ali Akbar Salehi ​ໄດ້​ຮຽກຮ້ອງ​ໃຫ້ບັນດາ​ຜູ້ນໍາ​ຂອງຂະ​ບວນການ​ບໍ່ຮ່ວມ​ກຸ່ມ ຫລື NAM
ຈົ່ງພາກັນ​ຕ້ານຢັນ​ການ​ລົງ​ໂທດ​ທີ່​ບັນດາປະ​ເທດ​ຕາ​ເວັນ​ຕົກ
ໄດ້​ປະກາດ​ໃຊ້​ເພື່ອ​ລົງ​ໂທດອິຣ່ານ ຍ້ອນ​ກິດຈະ​ກໍາ​ດ້ານ​ອາວຸດ​
ນິວ​ເຄລຍຂອງ​ອິຣ່ານນັ້ນ.

ທ່ານ Salehi ຍັງ​ໄດ້​ຊັກ​ຊວນ​ໃຫ້ຂະ​ບວນການ NAM ​ເອົາ​ທ່າ​ທີ
ຕໍ່​ຕ້ານ​ການ​ກໍ່​ການຮ້າຍ ​ໂດຍ​ສະ​ເພາະ​ຢ່າງ​ຍິ່ງ ປະ​ເພດ​ທີ່​ໄດ້​ຮັບການ​ອຸບປະຖໍາ​ຈາກ​ລັດ
ແລະກ່າວ​ຫາ​ພວກ​ໜ່ວຍ​ສືບລັບຂອງ ສະຫະລັດ ອັງກິດ ​ແລະອິສຣາ​ແອ​ລ ວ່າມີ​ສ່ວນ​ພົວ
ພັນ​ໃນ​ການ​ສັງຫານ ນັກວິທະຍາສາດນິວ​ເຄລຍອີ​ຣ່ານ ສີ່​ຄົນ​ ນັບ​ແຕ່​ປີ 2010 ມາ​ນັ້ນ.

​ດ້ວຍ​ການ​ທີ່ອິຣ່ານໃຫ້ການສະໜັບສະໜຸນແກ່ ​ປະທານາທິບໍດີ ຊີ​ເຣຍ ທ່ານ Bashar al-Assad ນັ້ນ ຈຶ່ງ​ມີ​ທາງ​ເປັນ​ໄປ​ໄດ້​ວ່າ ວິ​ກິດ​ການ​ຂອງຊີ​ເຣຍ ຈະ​ຢູ່​ໃນ​ລະດັບ​ສູງ​ ຂອງ​
ຫົວ​ຂໍ້​ການ​ປະ​ຊຸມ ​ເປັນ​ເວລາ ຫ້າ​ມື້ ຄັ້ງ​ນີ້.
XS
SM
MD
LG